ბორის მჟავა მცენარეებისთვის: გამოყენება და ეფექტი

რამდენად ეფექტურია ბორის მჟავა მცენარეებისთვის?

ბორის მჟავის ქიმიურ შემადგენლობაში, ბორის გარდა, ჟნგბადი და წყალბადი – სიცოცხლისთვის აუცილებელი ელემენტებია. რითია სასარგებლო ბორი? იგი ხელს უწყობს ქლოროფილის ფორმირებას, რომელიც მცენარეებს მწვანე ფერს ანიჭებს, ასტიმულირებს ზრდას, ხელს უწყობს ნერგების დაფესვიანებას, აუმჯობესებს მცენარის მდგომარეობას.

მცენარეზე ბორის მჟავის შეშხეფება სიცოცხლეს უბრუნებს მის გაუწყლოებულ ფოთლებს, ზრდის გადარჩენისუნარიანობას არასახარბიელო პირობებში და ებრძვის ინფექციებსა და მავნებლებს. წყალბადის ზეჟანგი, შეყვანილი ნიადაგში, ამცირებს კვირტების ჩამოცვენას, დადებითად მოქმედებს მოსავლიანობაზე და ანიჭებს ნაყოფს სიტკბოს. თუ ჭაობიანი, მაღალი მჟავიანობის მიწის მეპატრონე ხართ, ამ სასუქის გარეშე ვერაფერს გახდებით.

ყველაფერი კარგია ზომიერად: ბორის ჭარბი გამოყენება არაა სასურველი, მისი მაჩვენებელი კი არის კუპოლისებრი ფოთლები, მიმხმარი ბოლოებით, ძველი ფოთლების გაყვითლებაც.

ბორის მჟავა ბოსტნეულისთვის: რამდენი და როდის?

მცენარეს სარგებელი რომ მოუტანოთ, აუცილებელია ბორის მჟავასთან დოზირება დაიცვათ, შეასუქოთ და მორწყათ პომიდვრები, კიტრი, კომბოსტო, მარწყვი, ვარდი, ოთახისა და სხვა კულტურები.

ბორის მჟავა რომ მარცვლების სწრაფი ამოცენებისა და გადარჩენისუნარიანობისთვის გამოიყენოთ, მოამზადეთ ხსნარი 5 ლ წყლითა და 1 გ ნივთიერებით. ჩაალბეთ ამ ხსნარში სტაფილოს, პომიდვრის, ხახვის ან ჭარხლის თესლები 24 საათით, უშუალოდ ნიადაგში ჩარგვამდე. ბოსტნის კულტურები და კომბოსტო – 12 საათით. მასის ნარჩენებით მორწყეთ თხრილები დარგვამდე.

თუ მარწყვს ბორის მჟავას შეაშხეფებთ, თავიდან მოიცილებთ ბუგრებს, ჭიანჭველებსა და სხვა მავნებლებს, ხოლო ყვავილობის დროს დაგეხმარებათ კვირტების მომატებაში. ასევე, სასუქი ხელს უწყობს ჭარბ ყვავილობასა და კენკრაში შაქრის რაოდენობის გაზრდას. ნაცრისფერ მლპობელასთან ბრძოლისათვის, მარწყვის ყვავილობის დროს ნიადაგს უმატებენ ნარევს, მომზადებულს 2 გ ბორის მჟავის, 2 გ კალიუმის პერმანგანატის, 15 გ იოდისა და 1 ჭიქა ხის ფერფლისგან.

კიტრისთვის ბორის მჟავა ურუნველყოფს ჭარბ ყვავილობასა და კვირტიანობას, საუკეთესო შედეგისთვის გამოიყენეთ ხსნარი, მომზადებული 5 გ ბორითა და 10 ლ წყლით. დაასხით სითხე ფესვებთან ახლოს, ყვავილობამდე, და გაიმეორეთ დამუშავება, ოღონდ უკვე უშუალოდ მცენარეს შეაშხეფეთ ხსნარი, 5-7 დღეში. ეს რეცეპტი კარგია ბადრიჯნის, წიწაკისა და ყაბაყისთვისაც.

პომიდვრებისთვის სასიცოცხლოდ აუცილებელია ბორის მაღალი შემცველობა მთელი ვეგეტაციის მანძილზე, ამიტომ ბორის მჟავის ხსნარის გამოყენება პომიდვრებზე აუმჯობესებს მინერალური ნივთიერებების ათვისებას, ხელს უწყობს ჭარბ ყვავილობას. თუ პომიდვრები მომატებული ტენიანობის პირობებში მოგყავთ – ნივთიერება არ დაუშვებს ლპობას. მცენარის დამუშავებით მოსავლიანობის დონე 20%-ით გაიზრდება, ხოლო გემო მნიშვნელოვნად გაუმჯობესდება. პომიდვრის ნერგს, თხილში ჩარგვამდე, ალბობენ ბორის 2%-იან ხსნარში.

კარგადაა გამოცდილი ბორის მჟავა ოთახის მცენარეებსა და ბაღის ყვავილებზე. სასუქისთვის იყენებენ 1%-იან ხსნარს(1 გ 1 ლ), იმ შემთხვევაში, თუ ბორს სხვა ელემენტებს უმატებთ, კონცენტრაცია ორჯერ უნდა შემცირდეს. ბუტონიზაციისა და ყვავილობის სტიმულირებისთვის, მცენარეს შეაშხეფეთ ეს ხსნარი ორ კვირაში ერთხელ.

ვარდებისთვის მასა სოკოვანი ინფექციების პროფილაქტიკასა და ბუგრებისგამ დაცვას უზრუნველყოფს. ასევე, თუ დარგვამდე ნერგებს 2%-იან ხსნარში ჩაალბობთ, უხვ ყვავილობას მიიღებთ.

თქვენ რისთვის იყენებთ ბორის მჟავას?