5 მარტივი საშუალება, რომელიც სამზარეულოს ავეჯს ცხიმის ლაქებისგან ხელის ერთი მოძრაობით გაასუფთავებს

საიდუმლოს არავისთვის წარმოადგენს, რომ სამზარეულოს დალაგება ყველაზე შრომატევადი საქმეა. მაცივარში პროდუქტებს უნდა გადახედოთ, კაფელი უნდა გარეცხოთ, ღუმელი გაწმინდოთ, სამუშაო მაგიდას და კარადებს ცხიმის ლაქები მოაშოროთ. სიტყვაზე, ზუსტად უკანასკნელი ამოცანა ყველაზე რთული შესასრულებელია. როგორ მოვაშოროთ ზედაპირს ცხიმის ლაქა ისე,რ ომ ხე და პლასტმასი არ დავაზიანოთ? საყოფაცხოვრებო ქიმია ცხიმს ძალიან ეფექტურად აშორებს, მაგრამ ის ძვირადღირებულია, ხოლო ნაწილაკების შემცველმა ნივთიერებამ შეიძლება ზედაპირი დააზიანოს.

ამა თუ იმ ზედაპირის გასაწმენდად საუკეთესო ვარიანტს ყოველთვის ნატურალური საშუალება წარმოადგენს. მათი ეფექტურობის შესახებ ეჭვები გვერდზე გადადეთ. შესაძლოა, ისე სწრაფად არ მოქმედებენ, როგორც ქიმიური ნაერთები, მაგრამ მაინც მოქმედებენ. რაც მთავარია, ძალიან უსაფრთხოა. ისინი ალერგიულ რეაქციას არ იწვევენ, ხელის კანს არ აღიზიანებენ, ცუდ სუნს არ ტოვებენ. მათი გამოყენება ნამდვილად ღირს.

როგორ მოვაშოროთ ცხიმიანი ნადები

გთავაზობთ რამდენიმე ეფექტურ მეთოდს, რომელთა დახმარებით პრობლემას მოკლე დროში გაუმკლავდებით. მათი ყოველდღე გამოყენება არ ღირს. სჯობს ზედაპირი ჯერ სველი ღრუბლით გაწმინდოთ, შემდეგ კი მშრალით. როცა ღრუბლით გადაწმენდა სასურველ შედეგს არ მოგცემთ, ქვემოთ მოცემული ვარიანტებიდან ერთ-ერთი აირჩიეთ.

სოდა და მცენარეული ზეთი

სასურველი შედეგის მისაღწევად, თქვენ დაგჭირდებათ: მცენარეული ზეთი და სოდა

1. ორივე ინგრედიენტი თანაბარი პროპორციით აურიეთ.
2. ფაფა ჭუჭყიან ზედაპირს წაუსვით.
3. 30 წუთით გააჩერეთ. ამ დროს ცხიმი შეიკრიბება. რბილი ღრუბელი წყალში დაასველეთ, გაწურეთ და ზედაპირს ცხიმი მოაშორეთ.
4. ნებისმიერ ზედაპირს აქვს ძალიან ჭუჭყიანი ადგილი, რომლის პირველივე ჯერზე მოშორება ძალიან რთულია. თუ პირველი მცდელობით ნადების მოშორება ვერ შეძელით, გარკვეულ ადგილას ფაფა კვლავ წაუსვით და პროცედურა გაიმეორეთ.

ამ საშუალების უპირატესობა მის უნივერსალურობაშია. ის ნებისმიერ ზედაპირს წმენდს. ხის კარადები ორმაგ სარგებელს მიიღებს: მცენარეული ზეთს ხე იწოვს, რითაც დამცავ ფენას ქმნის და ზედაპირს დაზიანებისა და ნაკაწრებისგან იცავს.

ლიმონის მჟავა

ამ საშუალების გამოყენების ორი ვარიანტი არსებობს. პირველი ვარიანტის მოსამზადებლად ლიმონის მჟავა სარეცხ საშუალებას აურიეთ, მეორესთვის კი – სოდას.

1. 1 ლ თბილ წყალში 1 ს/კ ლიმონის მჟავა და 3-4 წვეთი სარეცხი საშუალება გახსენით. როცა ხსნარი მზად იქნება, მასში ღრუბელი დაასველეთ და ბინძური ზედაპირი გადაწმინდეთ. დაახლოებით ნახევარი საათი გააჩერეთ, შემდეგ თბილ წყალში დასველებული ჩვრით გაწმინდეთ.
2. თუ მხოლოდ მცირე ზედაპირია დაბინძურებული, შეგიძლიათ პატარა თასში 2 ს/კ სოდა და 1 ჩ/კ ლიმონის მჟავა აურიოთ. საკმარისი რაოდენობით წყალი დაასხით, რომ სქელი ფაფა მიიღოთ. სუფთა ღრუბელი აიღეთ და ნარევი წაუსვით. ამ საშუალებით ზედაპირი გადაწმინდეთ, შემდეგ სველი ჩვრით მოაშორეთ.

ასეთი პროცედურის შემდეგ ხე ახალივით იბრწყინებს. მსგავსი სკრაბი 3 კვირაში ერთხელ შეგიძლიათ გამოიყენოთ.

ძმარი

განსაკუთრებული არომატის გამო ეს საშუალება ძალიან პოპულარულია. ამასთან ძალიან ეფექტურიც არის. სხვათა შორის, შეგიძლიათ როგორც პლასტმასის, ასევე კერამიკის ზედაპირი გადაწმინდოთ.

1. 0,5 ჭიქა ვაშლის ძმარი და არაყი აურიეთ. 0,5 ჩ/კ ფორთოხლის ეთერზეთი, ასევე 2-3 წვეთი ევკალიპტის ზეთი დაუმატეთ.
2. საშუალება სპრეი ბოთლში ჩაასხით.
3. გამოყენების წინ შეანჯღრიეთ. სითხე დაბინძურებულ ადგილს შეასხით, 15 წუთში კი უბრალოდ სველი ღრუბლის დახმარებით გადაწმინდეთ.

გამაფხვიერებელი

ამ პროდუქტის დაუფასებლობა არ ღირს. ის ძალიან ეფექტურია, როცა პროდუქტის გამოცხობა გჭირდებათ და როცა ცხიმიანი ლაქის მოშორება გშურთ.

1. გამაფხვიერებელს წყალი დაასხით. ფქვილის რაოდენობა სამუშაოს მოცულობაზეა დამოკიდებული. რაც შეეხება წყალს, საჭიროა ზუსტად იმდენი, რომ ფაფა მოამზადოთ.
2. ნარევი ლაქას წაუსვით და 30 წუთით გააჩერეთ. შემდეგ წყლით მოაშორეთ.

დიასახლისის საპონი

გამოიყენეთ მხოლოდ იმ შემთხვევაში, როცა მაგიდა და ავეჯი ნატურალური ქვისგან არის დამზადებული.

1. საპონი ააქაფეთ
2. ღრუბლის დახმარებით საშუალება დაბინძურებულ ზედაპირს წაუსვით. 15 წუთით გააჩერეთ.
3. სუფთა წყლით გადაწმინდეთ.

დიასახლისის საპნის გამოყენების შემდეგ ზედაპირი კარგად გაამშრალეთ, შეგიძლიათ ქაღალდის პირსახოციც გამოიყენოთ. თუ ხის კარადა გაქვთ, შეგიძლიათ პოლიროლი წაუსვათ.

სასარგებლო რჩევები

1. ქიმიური საშუალება არასდროს გამოიყენოთ, თუ გრანიტის ან მარმარილოს ზედაპირს იყენებთ. დიასახლისის საპონი – ერთადერთი უსაფრთხო და ეფექტური საშუალებაა.
2. ხის ზედაპირზე ნაკაწრები და ბზარები ნიგზით გახეხეთ. ეს ყველაზე ხელმისაწვდომი მეთოდია, რომ დროებით ნაკაწრები შენიღბოთ.
3. ვერტიკალური ზედაპირის გაწმენდის დროს, ქაღალდი დააფინეთ. ასე ჭუჭყი და ცხიმი ქაღალდზე მოხვდება და არა იატაკზე.
4. დალაგების დროს პოლიროლი გამოიყენეთ. ის ცხიმს არ აშორებს, მაგრამ დაბინძურების პროცესს აფერხებს.

თუ სტატია ინფორმაციული იყო, მეგობრებს სოციალურ ქსელში აუცილებლად გაუზიარეთ.