3 საიმედო მეთოდი, როგორ მოაშოროთ ტაფას ნამწვი და დაუბრუნოთ ბზინვარება

ტაფიდან ნამწვის სქელი ფენის მოშორებას ძალიან დიდი დრო სჭირდება. თუ ამას მწვავე ქიმიური საშუალებით გააკეთებთ, ხელის კანის დაზიანების დიდი რისკი არსებობს. თუ ზედაპირს კარგად გახეხავთ, სამზარეულოს ჭურჭელი შეიძლება დაზიანდეს. ამის შემდეგ მასზე კერძის მომზადებისას მთელი საკვები დაიწვება. სწორედ ამიტომ, ტაფა ნამწვისგან ძალიან ფრთხილად უნდა გაწმინდოთ.

ამ ამოცანაში დაგეხმარებათ საკმაოდ საინტერესო მეთოდი, რომელიც ბრინჯის გამოყენებას გულისხმობს. ამ შემთხვევაში მარცვლეული არა ვახშმის მოსამზადებლად, არამედ საწმენდად დაგჭირდებათ.

საუკეთესო მეთოდები ნამწვისგან ტაფის გასაწმენდად

მარცვლეულით

როგორც აღმოჩნდა, ბრინჯი შეგიძლიათ არა მხოლოდ მოამზადოთ, არამედ გასაწმენდად გამოიყენოთ. სწორედ ამიტომ, დღეს თქვენს ტაფაზე იქნება არა ფლავი, არამედ ნამწვის მოსაშორებელი საიმედო საშუალება. მეთოდი როგორც მინანქრის, ასევე ალუმინის ჭურჭელზე შეგიძლიათ გამოიყენოთ. 1 მუჭა ბრინჯი ტაფაზე დაყარეთ. 1 ჭიქა წყალი დაასხით ისე, რომ მთელი მიმწვარი ფენა დაფაროს. ტაფა ქურაზე დადეთ და მარცვლეულის დარბილებამდე გააჩერეთ. ნარევს გაგრილება აცადეთ. ხის სპატულით ნამწვი მოაშორეთ. მზადაა!

ბონუს საშუალება

• აქტივირებული ნახშირით. ტაფა ასეთი უჩვეულო მეთოდით შეგიძლიათ გარეცხოთ. რამდენიმე აბი ნახშირი ფხვნილის მიღებამდე დააქუცმაცეთ. გასარეცხ ტაფაზე დაყარეთ. ნახევარი საათის შემდეგ ცოტა ცივი წყალი დაასხით. 30 წუთი მოიცადეთ. შემდეგ ტაფა ან ქვაბი ჩვეული სარეცხი საშუალებით გარეცხეთ.
• საკვები სოდით. ამ საშუალებით ტაფას ნამწვს როგორც შიგნიდან, ასევე გარედან მოაშორებთ. ტაფა დიდ ჭურჭელში მოათავსეთ. 6 ლ სუფთა წყალი ჩაასხით და 500 გ სოდა დაუმატეთ. ქურაზე მოათავსეთ. ადუღებამდე მიიყვანეთ. ცეცხლს დაუწიეთ და 2–3 საათი მოიცადეთ. ტაფას გაგრილება აცადეთ, ამის შემდეგ სარეცხი საშუალებით გარეცხეთ.

თუ ბოლო ვარიანტზე შეჩერდით, გახსოვდეთ, რომ გაწმენდის დაწყებამდე ფანჯრები უნდა გააღოთ და გამწოვი ჩართოთ.