3 ნიშანი, რომ ია ავადაა. სასწრაფო დამხმარე ზომები

წლების წინ ყველა ფანჯრის რაფა იის ქოთნებით გავავსე. ეს პატარა საყვარელი მცენარე სხვადასხვა ფერის ყვავილებით ძალიან მომწონს. სახლში საოცრად მყუდრო ატმოსფეროს ქმნის! სამწუხაროდ, ჩემი სიხარული დიდხანს არ გაგრძელდა. ნახევარ წელში 1 კვირის ფარგლებში ქოთნები ერთი მეორეს მიყოლებით დაიღუპა. მაშინ არ ვიცოდი, როგორ გადამერჩინა ია, ახლა ასეთ შეცდომას აღარ დავუშვებ!

აღმოჩნდა, რომ ნაზი მცენარის დაღუპვა სწრაფად შეიძლება, თუ სათანადო ყურადღებას არ დაუთმობთ. Alltime.ge-ს რედაქცია გიამბობთ, რას უნდა მიაქციოთ ყურადღება, რომ იის კვდომის ნიშნები არ გამოგრჩეთ და ოპერატიულად იმოქმედოთ. წაიკითხეთ და თქვენი ყვავილები შეამოწმეთ!

როგორ გადავარჩინოთ ია

დამჭკნარი ფოთლები

თუ შეამჩნიეთ, რომ იის ფოთლები დამჭკნარი და უსიცოცხლოა, სავარაუდოდ, მორწყვა სჭირდება. ქოთნის მიწა შეამოწმეთ: მშრალი მიწა დაუყონებლივ უნდა დაატენიანოთ. თუ მიწა სველია, გამოდის ყვავილს ზედმეტ წყალს აწვდით. ფესვები წყლის შეწოვას ვერ ასწრებს, ამიტომ ლპება. ხშირი მორწყვა შეწყვიტეთ და ქოთანი ისეთ ადგილას გაიტანეთ, სადაც ცოტა გამოშრება.

ხმელი ფოთლები

იის დაავადებაზე არაფერი ისე თვალსაჩინოდ არ გატყობინებთ, როგორც გამხმარი ფოთლები, რომელიც თითქმის გამჭვირვალეა და ცვივა. ასე ხდება, როცა ყვავილი ცდილობს, ზედმეტი სითხე ფოთლებს მისცეს და თავი გადაირჩინოს. სავარაუდოდ, მისი გადარჩენა შეუძლებელია, მაგრამ ცდა ღირს. მცენარის მორწყვის სიხშირე დაარეგულირეთ.

გაშავებული ღერო

თუ იის ღეროზე შავი ლაქები დაინახეთ, გამოდის, რომ მცენარე სოკოთი დაინფიცირებულია. ყვავილს სასწრაფო დახმარება სჭირდება. ქოთნიდან ამოიღეთ და ფესვები მიწისგან გაწმინდეთ. შეამოწმეთ, ფოთლები ღეროზე კარგად დამაგრებული თუა. თუ თავს ძლიერ იკავებს, ღერო მანამ გაწმინდეთ, სანამ სუფთა ქსოვილი არ გამოჩნდება. ამის შემდეგ ახალ მიწაში გადარგეთ.

აღმოჩნდა, რომ მაშინ იის ქოთნები სოკოთი დაინფიცირდა. ამ შემთხვევაში დაუყონებლივ უნდა იმოქმედოთ. ასეთი რამ თქვენს მცენარეზე არ დაუშვათ. გიყვართ ოთახის ყვავილები? რომელი ყვავილებით აფორმებთ ფანჯრის რაფებს?