23.02.2023 სარკისებრი თარიღი. როგორ ჩაიფიქროთ სურვილი, რომ ნამდვილად ახდეს

წლის მთავარი სარკისებრი თარიღი ახლოვდება. ეს 2023 წლის 23 თებერვალია. კიდევ ერთხელ შეგვიძლია ვცადოთ წარმატების კუდით დაჭერა და ცხოვრების უკეთესობისკენ შეცვლა. Аlltime.ge–ს რედაქცია გიამბობთ, როგორ ჩაიფიქროთ სურვილი, რომ ახდეს. გიზიარებთ რჩევებს, როგორ გაატაროთ ეს დღე საუკეთესოდ.

როგორ ჩაიფიქროთ სურვილი, რომ ახდეს

თუ დიდი ხანია ცხოვრების შეცვლაზე ფიქრობთ, მაგრამ ზეციურ ნიშანს ელოდებით, ეს სწორედ ისაა! 2023 წლის 23 თებერვალს ვარსკვლავები იკრიბებიან და წარმატების კუდით დაჭერის შანსი გაქვთ. ამისთვის მოქმედების მკაფიო გეგმა უნდა დაიცვათ.

მცირედით დაიწყეთ. მიზანი დაისახეთ. მაგალითად, გსურთ სამსახურის შეცვლა ან სერიოზული შესყიდვა (მანქანის, უძრავი ქონების ყიდვა), იმოქმედეთ. ხშირად ადამიანი თავისი საქციელის სისწორეში ეჭვობს. სარკისებრი თარიღი საუკეთესოა, რომ ყველა ეჭვი ერთხელ და სამუდამოდ მოიშოროთ.

23.02.2023 იდეალური დღეა სამუშაო საკითხების და პროექტების შესასრულებლად. დრო გაქვთ, რომ ბოლო ვადა ამ დღემდე გადაწიოთ. 23 თებერვალს ახლობლებს უნდა შეურიგდეთ, თუ წინა დღეს დიდი კამათი მოხდა.

ეს დღე გაატარეთ იმ ადამიანებთან ერთად, რომლებიც გიყვართ და ენდობით. ოჯახთან ერთად ტყეში სასეირნოდ წადით ან საყვარელ ადამიანს რომანტიული ვახშამი მოუწყვეთ. კარგი შანსია, რომ კრეატივი გამოავლინოთ და საკუთარი თავი გაახაროთ იმით, რაც ნამდვილად სიამოვნებას განიჭებთ.

23 თებერვალი კარგი დღეა, რომ რაღაც ახალი დაიწყოთ. მაგალითად, სამუშაო პროექტის გეგმა შეადგინეთ ან სავარჯიშო დარბაზში წადით, თუ დიდი ხანია თქვენს ცხოვრებაში სპორტის დაბრუნებაზე ოცნებობთ.

სპეციალისტები დღიურის ქონას და მოგონებების ჩაწერას გირჩევთ. ხშირად მას მადლიერების დღიურად იყენებენ და წერენ ყველაფერს, რაც ამა თუ იმ დღეს კარგი მოხდა.

როგორ გავატაროთ 23 თებერვალი

ყველას არ უყვარს კომფორტის ზონიდან გამოსვლა, თუმცა 23 თებერვალს ეს საჭიროა. ახალი შესაძლებლობები უჩნდება მათ, რომელთაც ცვლილებების არ ეშინიათ. სარკისებრი თარიღი განსაკუთრებულ ენერგეტიკას ფლობს, ამიტომ ბედი გაუღიმებს ყველას, ვინც ამ დღეს ცვლილებებს გაბედავს.

მაგალითად, პირადად 23 თებერვალს ვარცხნილობის რადიკალურად შეცვლას ვაპირებ. მართალია, მთვარის კალენდრის მიხედვით, სალონში წასასვლელად არც თუ ისე კარგი დღეა, მაგრამ მზად ვარ გავრისკო. მით უფრო, რომ სარკისებრ დღეებში მსგავსი გაბედულობა წახალისებულია.

ეს მთავარი მიზეზი არაა, რატომ ელოდება ბევრი ადამიანი სარკისებრ თარიღს. გიამბობთ, როგორ ჩაიფიქროთ სურვილი, რომ ახდეს. 2023 წლის 23 თებერვალი ამისთვის შექმნილია.

უმარტივესი მეთოდი: სურვილი A4 ფორმატის ფურცელზე 23-ჯერ ჩამოწერეთ. შემდეგ სურვილების ზოლები გამოჭერით და დაძინებამდე ბინის სხვადასხვა კუთხეში შეინახეთ. მნიშვნელოვანია, რომ ერთი ცალი ბალიშის ქვეშ დადოთ.

ძალიან გვიან არ დაიძინოთ. 23-24 თებერვალს მშვიდად უნდა გამოიძინოთ. კარგია, თუ ძილის წინ მედიტაციას შეასრულებთ ან დამამშვიდებელ მუსიკას მოუსმენთ. ეს ყველაფერი საჭიროა იმისთვის, რომ კარგი ფიქრებით დაიძინოთ.

დილით ყველა ქაღალდი სურვილებით შეაგროვეთ და დაწვით. წარმოიდგინეთ, რომ რიტუალს სახლის პირობებში ასრულებთ. ამაში რაღაც მაგია არის. ამ მიზნით ლამაზი სპილენძის თასი შეგიძლიათ მოძებნოთ.

როგორ ჩავიფიქროთ სურვილი

ნუმეროლოგიის მომხრეები თვლიან, ცეკვა დაირით საჭირო არაა. საკმარისია, სურვილი 23:02 საათზე ჩაიწეროთ და შემდეგ დაიძინოთ. სურვილი ხმამაღლა უნდა თქვათ. სარკის წინ შეგიძლიათ დაჯდეთ და განმარტოვდეთ. სანთელი აანთეთ და დამამშვიდებელ მუსიკას მოუსმინეთ.

რაიმე მკაცრი აკრძალვა არ არსებობს. მთავარია, არავის ცუდი არ უსურვოთ. შურისმაძიებლებს ბოროტება ასმაგად დაუბრუნდებათ. ისურვეთ რაღაც კონკრეტული და არა აბსტრაქტული. ნაკლებად სავარაუდოა, რომ სამყარომ მოგისმინოთ, თუ მას მხოლოდ ბედნიერებას შესთხოვთ.

ვიმედოვნებთ, რომ 23 თებერვალს თქვენთვის სასარგებლოდ გამოიყენებთ. გახსოვდეთ, ყველაფერი თქვენს ხელშია. წარმატებები!