საკითხავი
2023 წლის საეკლესიო კალენდარი: როდის არის ბზობა, აღდგომა და ამაღლება
მართლმადიდებლები საეკლესიო დიდ დღესასწაულებს განსაკუთრებით აღნიშნავენ. ნათესავებთან და მეგობრებთან ერთად დროს ატარებენ და სუფრას შლიან. საეკლესიო დღესასწაული ქრისტესა და ღვთისმშობლის ამქვეყნიური ცხოვრების გახსენების, წმინდა წიგნების წაკითხვის და ჭეშმარიტების ძიების მიზეზია.
აღდგომა მთავარი დღესასწაულია. სხვა მნიშვნელოვან დღესასწაულებს უწოდებენ 12 საუფლო დღესასწაულს, რომელიც უძრავი და მოძრავი დღესასწაულებისგან შედგება. მოძრავი დღესასწაულები აღდგომაზეა დამოკიდებული, ხოლო უძრავი – ყოველ წელს ერთსა და იმავე დღეს აღინიშნება. Аlltime.ge–ს რედაქცია 2023 წლის საეკლესიო კალენდარს გთავაზობთ.
2023 წლის საეკლესიო კალენდარი
2023 წელს აღდგომის ბრწყინვალე დღესასწაული, რომელიც მთავარ დღესასწაულად ითვლება, 16 აპრილს აღინიშნება.
უძრავი საუფლო დღესასწაულები:
7 იანვარი – ქრისტეშობა, ჩვენი უფლის და მაცხოვრის, იესო ქრისტეს ხორციელად შობა
19 იანვარი – განცხადება, იესო ქრისტეს ნათლისღება
15 თებერვალი – მირქმა, იესო ქრისტეს მიგებება
7 აპრილი – ხარება, ყოვლადწმიდა ღმრთისმშობლის ხარება
19 აგვისტო – ფერისცვალება, იესო ქრისტეს ფერისცვალება
28 აგვისტო – მარიამობა, ყოვლადწმიდა ღმრთისმშობლის მიძინება
21 სექტემბერი – ყოვლადწმიდა ღმრთისმშობლის შობა
27 სექტემბერი – ჯვართამაღლება, პატიოსნისა და ცხოველსმყოფელი ჯვრის მსოფლიო ამაღლება
4 დეკემბერი – ყოვლადწმიდა ღმრთისმშობლის ტაძრად მიყვანება
მოძრავი საუფლო დღესასწაულები:
9 აპრილი – ბზობა, იესო ქრისტეს დიდებით შესვლა იერუსალიმში
25 მაისი – იესო ქრისტეს ამაღლება
4 ივნისი – სულთმოფენობა, სულიწმიდის გარდამოსვლა
აღდგომის დღესასწაულის გამოთვლა
აღდგომის დღესასწაულის თარიღი რამდენიმე ფაქტორის გათვალისწინებით გამოითვლება. მთვარის კალენდარი დაგჭირდებათ. გაზაფხულის ბუნიონის შემდეგ პირველი სავსე მთვარის კვირა გამოთვალეთ. იმ კვირას კვირა დღე წმინდაა. თუ ეს დღე ებრაელთა პასექს ემთხვევა, მაშინ აღდგომის დღესასწაული 1 კვირის შემდეგ აღინიშნება.
2023 წელს აღდგომის, ბზობის, ამაღლების და სულთმოფენობის თარიღები უკვე ცნობილია. უძრავი დღესასწაულების თარიღები უცვლელია. 2023 წლის საეკლესიო კალენდარი შეინახეთ, რომ მნიშვნელოვანი დღეების აღნიშვნა არ დაგავიწყდეთ.
