ხრიკი, რა უნდა გააკეთოთ, თუ ზეთის ბოთლი ყოველთვის ცხიმიანი და შეუხედავია

მცენარეული ზეთის ლაქა ყოველთვის მოულოდნელად ჩნდება. თითოეული დიასახლისი ყურადღებას აქცევს, რომ ამ არომატული სითხის არც ერთი წვეთი სალათის თეფშს ან ნებისმიერ სხვა კერძს არ გასცდეს. ზოგჯერ ბოთლი ან თავსახური გვღალატობს. ამ დროს არა მხოლოდ ტანსაცმელი ლაქავდება, არამედ თავად ბოთლიც და მისი შესანახი ადგილიც წებოვანი ხდება. Alltime.ge–ს რედაქცია გასწავლით ხრიკს, როგორ გამოასწოროთ სიტუაცია.

მცენარეული ზეთის ლაქა

„ფრთხილად უნდა იყოთ“ – იტყვის ვიღაც. რა თქმა უნდა, თუმცა ასეთი უსიამოვნებისგან ყველაზე ფრთხილი დიასახლისიც დაზღვეული არაა. ზეთი ძალიან წელვადია და სწორედ იქ ისხმება, სადაც არ ელოდებით. რა შეიძლება გააკეთოთ ამ შემთხვევაში? პირველ რიგში, ბოთლი გაწმინდეთ, რომ ზეთის წვეთები სამზარეულოს ავეჯს არ მოხვდეს. ამ მიზნით ქაღალდის სალფეთქი გამოიყენეთ.

ზოგიერთი დიასახლისი ერთჯერადი სალფეთქით არ შემოიფარგლება. ისინი ბოთლის ყელთან სალფეთქის დამაგრებას ცდილობენ. ამაში რაღაც სიმართლის მარცვალი არსებობს, რადგან ზეთის წვეთები შეიძლება სალფეთქმა შეაკავოს და მიმდებარე ტერიტორია არ დასვაროს. დიდი ალბათობით, ასეთი მეთოდი დიდხანს არ გაძლებს.

ეკონომიური დიასახლისები გირჩევენ, რომ ქაღალდის სალფეთქი უბრალო ბამბის დისკით ჩაანაცვლოთ. ასე ბოთლი სუფთა დარჩება და უფრო ლამაზად გამოიყურება. დისკის დამატებით დამაგრება საჭირო არაა. უბრალოდ შუაში ბოთლის ყელის დიამეტრი გამოჭერით და ბამბის დისკით ფრთხილად დაამაგრეთ.

სასარგებლო რჩევები

ინტერნეტი სავსეა ვიდეობით, სადაც ზეთის ბოთლის სახშობი ფიგურირებს. ის ტრანსპორტირებისას და მაღაზიაში ყიდვისას ზეთის დაღვრას თავიდან აგაცილებთ. ბევრი ადამიანი მას ყურადღებას არ აქცევს და დაუყონებლივ აგდებს. გირჩევთ, რომ სასარგებლო ნივთის მოშორება არ იჩქაროთ.

სახშობი ფრთხილად ამოიღეთ, გადააბრუნეთ და კვლავ ბოთლში ჩადეთ. ზეთის ერთგვარი დოზატორი გამოვა. ასეთი ხრიკი ყველას არ მოსწონს. ზოგმა შეიძლება სახშობს ძლიერ დააჭიროს და ბოთლში ჩავარდეს, ზოგი ზეთის რაოდენობით უკმაყოფილოა, რომელსაც არ ატარებს, ზოგი მასში ნახვრეტს დამოუკიდებლად აკეთებს. არაფერს ხსნის, უბრალოდ რაიმე ბასრი დანით პატარა ნახვრეტს აკეთებს.

როგორ დავარეგულიროთ ზეთის რაოდენობა? უბრალოდ ბოთლს მოუჭირეთ. მეტად მოუჭირეთ და მეტი ზეთი წამოვა, ნაკლებს მოუჭირეთ და ნაკლები ზეთი. ეს მარტივია. მსგავსი ხრიკი თქვენს სამზარეულოში სცადეთ, მაგრამ თუ არ მოგწონთ, კიდევ რამდენიმე საინტერესო იდეას გთავაზობთ.

საჭირო იდეები

ზოგიერთ დიასახლისს თავის დიდად შეწუხება არ უყვარს და ზეთის ბოთლთან ზედმეტი დროის დახარჯვა არ სურს. როგორ მოვიქცეთ ამ შემთხვევაში? მაღაზიაში გაისეირნეთ და სპეციალური დოზატორ–სახშობი იყიდეთ. ასე არაფერი დაგეღვრებათ.

შეგიძლიათ გამოიყენოთ ჭურჭელი წვეთის უკუ ეფექტით. ასეთი კონტეინერი სითხეს გარეთ გადმოსვლის საშუალებას არ აძლევს. ზეთი არ დაიღვრება და ნარჩენები თანდათან ბოთლის ძირში ბრუნდება. მოსახერხებელი და პრაქტიკული მეთოდია პრობლემის მოსაგვარებლად.

ურჩი ზეთისთვის კრეატიული იდეები საკმარისად ბევრია. მაგალითად, სპეციალურ კონტეინერში არ გადაიტანოთ, უბრალოდ ჭიქა ან პატარა ფიალა აიღეთ. ზეთი ჭიქაში ჩაასხით და ტაფაზე წასასმელად სილიკონის ფუნჯი გამოიყენეთ. შესაბამისად, სალათს ზეთი კოვზის დახმარებით დაუმატეთ. მცენარეული ზეთის პატარა ჩაიდანში გადატანა კარგი იდეაა. ზედმეტი ზეთი არ დაიღვრება, თუ ჭურჭლის ცხვირს ყურადღებას მიაქცევთ.

მცენარეული ზეთის ლაქა სამზარეულოში

ვინაიდან ბოთლიდან ზეთი შეიძლება დაიღვაროს, ქვემოთ სადგამი დაუდგით. წვენის პატარა შეფუთვა ან არაჟნის პლასტმასის სახურავი გამოგადგებათ. ნებისმიერ დიასახლისს ასეთი მოწყობილობა დაეხმარება, ასევე მისი გადაგდება არ დაგენანებათ. უბრალოდ ჭუჭყის რაოდენობას ყურადღება მიაქციეთ და დროულად გამოცვალეთ.

ასეთი სასარგებლო იდეები ზეთის ლაქების მოშორებაში დაგეხმარებათ. უფრო ზუსტად, მის გაჩენას თავიდან აგაცილებთ. ერთი ხრიკით მაინც შეიარაღდით ან სხვებს გაუზიარეთ.