ხრიკი ასანთით და კიდევ რამდენიმე მეთოდი ტუალეტში ჰაერის გასაწმენდად

ალბათ, ერთხელ მაინც სტუმრად ყოფნისას სასაცილო სიტუაციაში აღმოჩენილხართ. მაგალითად, სხვის სახლში ტუალეტში შედიხართ, სწრაფად ისაქმებთ, შემდეგ ჰაერის გამწმენდს ეძებთ, მაგრამ ვერ პოულობთ. უბრალოდ ტუალეტში ჰაერის გამწმენდი არაა.

ნაცნობი სიტუაციაა? ამ დროს მეხმარება ასანთის კოლოფი, რომელიც ყველგან თან დამაქვს. გიამბობთ, როგორ გამოიყენოთ ასანთი და რატომ არის ეფექტური ჰაერის გასაწმენდად. კიდევ რამდენიმე ხრიკს გიზიარებთ, რომელთა დახმარებით ტუალეტში ჰაერის გაწმენდას შეძლებთ.

ჰაერის გამწმენდი ტუალეტში

ყველა არ იყენებს ტუალეტში ჰაერის გამწმენდს. საკუთარ სახლში, სადაც ტუალეტში მხოლოდ ოჯახის წევრები შედიან, ეს პრობლემა არაა. აი, სხვის სახლში მოსაქმების შემდეგ უხერხულობას ვგრძნობთ და კვალის დაფარვა გვსურს.

ჩვეულებრივ, ტუალეტში უსიამოვნო სუნის გასაქრობად სუნამოს ვიყენებდი. მოგვიანებით ასანთის ხრიკის შესახებ გავიგე. ერთი ასანთი აანთეთ, ბოლომდე ჩაწვით და გადააგდეთ. ეს საკმარისია, რომ უსიამოვნო სუნი გააქროთ.

ასანთი წვისას გამოყოფს გოგირდის დიოქსიდს, რომელიც მეთანეთიოლის ან გოგირდწყალბადის სუნს ფარავს. ისინი ჰაერში მოსაქმების დროს გამოიყოფა. ამავე მეთოდით ქაღალდი შეგიძლიათ გამოიყენოთ. დაწვით და შემდეგ უნიტაზში ჩარეცხეთ. მოქმედი სქემაა.

ხელნაკეთი ჰაერის არომატიზატორები

თუ ტუალეტში ჰაერის განახლება გსურთ, კბილის პასტა გამოიყენეთ. ამ მიზნით კბილის პასტა მენთოლის სუნით შეიძინეთ. ძვირადღირებული კბილის პასტა არ გჭირდებათ. ყველაზე იაფი პასტა შეიძინეთ. პასტის ტუბი რამდენიმე ადგილას დახვრიტეთ და მსუბუქად დააწექით. ახლა უნიტაზის ავზში ჩადეთ და დააფიქსირეთ.

წყლის ჩარეცხვისას ოთახში მენთოლის არომატი გავრცელდება. პასტა ეკონომიურად იხარჯება. ერთი მარტივი მოქმედებით ოთახის სუფთა ჰაერს დიდხანს შეინარჩუნებთ.

გიზიარებთ კიდევ ერთ ეფექტურ მეთოდს  ჰაერის გასაწმენდად. მაგალითად, სოდით ეკოლოგიური არომატიზატორი შეგიძლიათ გააკეთოთ. კარგი ვარიანტია, თუ ქიმიის გამოყენებას ერიდებით. სოდა და 20 წვეთი ნებისმიერი ეთერზეთი, რომლის სუნიც მოგწონთ, აურიეთ. ფორთოხლის გახეხილი ცედრა დაუმატეთ. კარგად აურიეთ. პატარა კონტეინერში ჩაასხით და სააბაზანო ოთახში თაროზე დადეთ.

თუ გელიანი არომატიზატორები მოგწონთ, მაშინ 25 გ ჟელატინი და 1 ჭიქა წყალი აურიეთ. გლიცერინი და ეთერზეთი დაუმატეთ. არომატიზატორი მზადაა. ხილის პომანდერი კიდევ ერთი ეფექტური მეთოდია, რომ ტუალეტში უსიამოვნო სუნმა რამდენიმე თვე აღარ შეგაწუხოთ.

გამოგადგებათ ნებისმიერი ციტრუსი: ფორთოხალი, მანდარინი ან ლიმონი. ლიმონი ჩხირით მთელ ზედაპირზე დახვრიტეთ. დარიჩინი კარგად წაუსვით, შემდეგ მიხაკები ჩაარჭეთ. 2 კვირა სიბნელეში შეინახეთ. ასე გამოშრება და გამოსაყენებლად მზად იქნება.

ზაფხულში ყვავილების არომატიზატორი გააკეთეთ. ვარდის ფურცლები, იასამნის და ჟასმინის ყვავილები შეაგროვეთ. მინის ქილაში ჩაყარეთ. ყვავილების ფენებს შორის მარილი ჩაყარეთ. ბოლომდე გაავსეთ.

რამდენიმე კოვზი სპირტი დაუმატეთ. თავსახური დაახურეთ და 2 კვირა ბნელ ოთახში შეინახეთ. უსიამოვნო სუნის გასაქრობად თავსახური ახადეთ და ყვავილების სურნელით დატკბით.

სახლის პირობებში არომადიფუზორი ჩხირებით შეგიძლიათ გააკეთოთ. 85 მლ ზეითუნის ან ქოქოსის ზეთი მინის ქილაში ჩაასხით. 15 მლ სპირტი და 20-25 წვეთი ეთერზეთი დაუმატეთ. ქილას თავსახური დაახურეთ და კარგად შეანჟღრიეთ. 24 საათით გააჩერეთ. შემდეგ ქილა გახსენით და 2 ბამბუკის ჩხირი ჩადეთ. ასე სუნი მთელ ოთახში გავრცელდება. სპირტი ნივთიერების აქროლადობას ზრდის.