წელს აღდგომა უჩვეულოდ ადრეა, მომზადება უნდა მოვასწრო

იესო ქრისტეს აღდგომა მართლმადიდებელი ქრისტიანებისთვის ყველაზე მნიშვნელოვანი დღესასწაულია. ის მოძრავი თარიღია და ყოველწლიურად გამოითვლება. უცვლელია მხოლოდ ერთი რამ: კვირის დღე, კვირა. ჩვეულებრივ, კათოლიკური კვირისგან განსხვავება 7 დღეა, რაც სხვადასხვა კალენდრით (იულიუსის და გრიგორიანული) დაანგარიშებით გამოწვეულია. 2023 წლის აღდგომა მართლმადიდებლებისთვის 16 აპრილს იქნება.

ეს სავსე მთვარესთან ყველაზე ახლო პირველი კვირაა, რომელსაც გაზაფხულის ბუნიობა მოჰყვება. კათოლიკეები ღვთის ძის აღდგომას 1 კვირით ადრე აღნიშნავენ. Аlltime.ge–ს რედაქცია გიამბობთ, რა ტრადიციები უკავშირდება ამ დღესასწაულს.

აღდგომა 2023 წელს

მორწმუნეები ქრისტეს აღდგომამდე 50 დღით ადრე მკაცრ მარხვას იცავენ. მას დიდ მარხვასაც უწოდებენ. ასე მორწმუნეები ცოდვილ სხეულს და სულს განწმენდენ, რათა აღდგომის წირვაზე წმინდა ფიქრებით მივიდნენ.

ღამის 12 საათზე ზარების რეკვა დიდი დღესასწაულის დასაწყისს ცხადებს. თეთრ შესამოსელში გამოწყობილი ეკლესიის მსახურები საზეიმო წირვას აღავლენენ. იმ ღამით ტაძარში განსაკუთრებით ამაღლებული ატმოსფეროა. და სიტყვები „ქრისტე აღსდგა“ წარმოუდგენლად შთამაგონებელია.

აღდგომაზე პასქას ხუთშაბათს ან შაბათს აცხობენ, რადგან წითელ პარასკევს გამოცხობა რეკომენდებული არაა. მორწმუნეები კვერცხებს სხვადასხვა ფერში ღებავენ, მაგრამ თავიდან მხოლოდ წითლად ღებავდნენ. კვერცხი იესოს აღდგომის სიმბოლოა. ყველა პროდუქტი სააღდგომო კალათაში შეგიძლიათ ჩააწყოთ, სალფეთქი დააფაროთ და ეკლესიაში საკურთხებლად წაიღოთ.

პროდუქტების სია სააღდგომო კალათისთვის

1. კულიჩი, იგივე პასქა. ის იესო ქრისტეს ამქვეყნიური ცხოვრების სიმბოლოა.

2. რძის პროდუქტები (კარაქი, ხაჭო). 1 მუჭა ხაჭო და 1 ნაჭერი კარაქი განასახიერებს გოლგოთას, სადაც ქრისტეს ჯვარცმა მოხდა.

3. შეღებილი კვერცხები. კვერცხი სიცოცხლის აღორძინების, აღდგომის სიმბოლოა.

4. ხორცეული (სალა, ძეხვი, ბუჟენინა). გვახსენებს კრავს, რომელიც სახლში დაბრუნებული უძღები შვილის პატივსაცემად შეწირეს.

5. პირშუშხა – ურყევი რწმენის და სიმტკიცის სიმბოლო.

6. მარილი. კეთილდღეობის და ჯანმრთელობის სიმბოლო. ადრე მსახურების შემდეგ თილისმად იყენებდნენ.

სააღდგომო ტრადიციები

კურთხევამდე კალათის წინ ანთებულ სანთელს დებენ. ეკლესიიდან წამოსვლისას არ გადააგდოთ. სახლში წამოიღეთ და აანთეთ, როცა სუფრას მიუსხდებით. ადრე ალკოჰოლს არ აკურთხებდნენ, ახლა შეგიძლიათ ჩადოთ კაჰორი. არგუმენტად მოყავთ, რომ ეს საეკლესიო სასმელია.

სააღდგომო მსახურება გამთენიისას რელიგიური მსვლელობით სრულდება: სამღვდელოება ბაირაღებით ხელში ეკლესიას სამჯერ წრეს ურტყამს. მღვდელი ქადაგებს, მრევლს ლოცავს და მოტანილ საკვებს აკურთებს.

ნაკურთხი კალათა სახლში შეგიძლიათ წაიღოთ, ოჯახის წევრები მარხვის გასახსნელად სუფრაზე შეიკრიბოთ (მოკრძალებული კერძები გასინჯოთ). ტრადიციულად, სუფრაზე კვერცხებს ერთმანეთს უჭახუნებენ. ყველა ცდილობს, რომ მისი კვერცხი მთელი დარჩეს. ეს სიძლიერის და ჯანმრთელობის ნიშანია.

რიგი აკრძალვებიც არსებობს. მაგალითად, ნაკურთხი პროდუქტების ნარჩენების გადაყრა არ შეიძლება. რეკომენდებულია, ცხოველს მისცეთ. კამათი და სკანდალი არ შეიძლება. მძიმე ფიზიკური შრომა, ხელსაქმე და სახლის დალაგება აკრძალულია. სახლი დღესასწაულამდე უნდა მოაწესრიგოთ.

ბოსტანში მუშაობა არ ღირს. თუ ნათესავის გარდაცვალებიდან 1 წელი გასული არაა, აღდგომამდე მიწაზე მუშაობა საერთოდ აკრძალულია. აღდგომის დღეს ჯვრისწერა და ქორწილი არ შეიძლება. დიდი მნიშვნელობა არ აქვს, ეკლესიაში დადიხართ თუ არა, მეტანიებს ასრულებთ თუ არა. უფრო მნიშვნელოვანია, რომ იესო თქვენს გულებში იყოს და ღვთის მცნებები შეასრულოთ. ეს არის ჭეშმარიტი რწმენა!