ჯანმრთელობა
ძილის პოზები იმისთვის, რომ ზურგი, კისერი და ფეხები არ გეტკინოთ
როდესაც 40 წლის ხარ, კარგად გამოძინება ფუფუნებაა. ამ ასაკიდან ჯანმრთელობასთან დაკავშრებული პრობლემების გამოვლენა იწყება: ზურგის, წელის და მუხლების ტკივილი, მხრისა და ხელების დაბუჟება… თუმცა არსებობს ძილის პოზები რომლებიც საშუალებას მოგცემთ ამ ტკივილებს თავი დააღწიოთ და კარგად გამოიძინოთ.
ძილის პოზები
კისრის ტკივილი
თუ გვერდულად ძილი გიყვართ, თქვენი ბალიში მაღალი არ უნდა იყოს. ბალიშის იდეალური სიმაღლე თქვენი მხრის სიგრძეს უნდა უტოლდებოდეს. ასეთი ბალიში საუკეთესოდ შეაკავებს კისერს მართებულ მდგომარეობაში.
ზურგზე ძილს ანიჭებთ უპირატესობას? კისრის ტკივილისგან წრიულად დახვეული პირსახოცი დაგეხმარებათ. ის კისრის ქვეშ – ბალიშსა და მხრებს შორის ამოიდეთ, ეს კისრისა და ხერხემლის კუნთებს დამატებით მხარდაჭერას მისცემს.
იაპონელებს აქვთ გამოთქმა: “დეფორმირებული კისერი – მოკლე სიცოცხლის ნიშანია”. ლეგენდარული იაპონელი მკურნალი კაცუძო ნიში კი ბალიშების ჩანაცვლებას მუთაქით გვირჩევს, ამ დროს კისერი თავის ბუნებრივ მდგომარეობაში იქნება.
ტკივილი ზურგის არეში
როდესაც გვძინავს, მუხლებში, თეძოსა და წელში ზეწოლა იზრდება, ის ხერხემალს გადაეცემა. გვერდულად ძილის დროს მუხლი მოხარეთ და ფეხებს შორის საშუალო ზომის ბალიში ჩაიდეთ. ასეთი მდგომარეობა ხერხემლის ქვედა ნაწილს განტვირთვის საშუალებას მისცემს და დაძაბულობას მოგიხსნით.
მხრების ტკივილი
მხრების ტკივილის მიზეზი ხშირად მალათშორის დისკებში იმალება. დასაწყისისთვის აჯობებს დატვირთვა შეამციროთ, თუ ტკივილი 2 კვირაში არ გაგივლით – ექიმს მიმართეთ. ნებისმიერ შემთხვევაში – მტკივან მხარზე ძილი არ შეიძლება.
სტატისტიკის თანახმად, მოსახლეობის დაახლოებით 45% ღამე მტკივანი ან დაბუჟებული ხელებისგან იღვიძებს. ეს უსიამოვნო გრძნობებიც შეიძლება ძილის არასწორი პოზით იყოს გამოწვეული.
ტკივილი და სიმძიმე ფეხებში
თუ მუცელზე გძინავთ აჯობებს პოზა შეიცვალოთ რადგან ამ დროს ფეხის ზოგიერთი კუნთი არასახარბიელო მდგომარეობაში ვარდება და შემდეგ მოძრაობისას დისკომფორტის გრძნობა ჩნდება.
ძილის წინ ფეხის მსუბუქი მასაჟი და მომადუნებელი აბაზანები – შესანიშნავი დამხმარეა ტერფის ტკივილის დროს. ეცადეთ ფეხი ძილის დროს ოდნავ მაღა მოათავსოთ.
ნუ დააიგნორებთ ძილთან დაკავშირებულ პრობლემებს. ეცადეთ სწორ მდგომარეობაში დაიძინოთ, გამოიყენეთ სწორი ზომის ბალიში და ისეთი საწოლი რომელიც თქვენს კუნთებს ზიანს არ მიაყენებს.
