სხვა
ცრურწმენები ყვითელ ყვავილზე და რატომ არ უნდა აჩუქოთ შეყვარებულს ან მეუღლეს
![](https://alltime.ge/wp-content/uploads/2023/02/Poster_2023_02_17-15_46_21.jpg)
ყვითელი კაშკაშა ყვავილები ყურადღებას ყოველთვის იქცევს. ერთი შეხედვით, ასეთი ყვავილის საჩუქრად მიღება მხოლოდ სასიხარულოა, მაგრამ არსებობს ცრურწმენა, რომლის შესახებ უნდა იცოდეთ.
Аlltime.ge–ს რედაქცია გიამბობთ, რატომ არ შეიძლება ყვითელი ყვავილების თაიგულის ჩუქება. განსაკუთრებით მაშინ, როცა მიმღები საყვარელი ადამიანი, შეყვარებული ან მეუღლეა.
ყვითელი ყვავილები
ყვითელი სასიამოვნო ფერია, რომელიც მზეს, სიხარულს და ბედნიერებას გვახსენებს. ბევრ ქვეყანაში ყვითელს კარგ ნიშნად თვლიან. მაგალითად, ჩინეთში იმპერატორის ფერია. აღმოსავლეთის ქვეყნებში ყვითელი ფუფუნების და კეთილშობილების სიმბოლოა. ევროპის ქვეყნებში ბედნიერების და სიმდიდრის ნიშანია.
ყვითელ ყვავილზე ცრურწმენებიც არსებობს. ძველად ბატონები ქალბატონებს, რომლებზეც სერიოზულად არ ფიქრობდნენ, ყვითელ ყვავილებს ჩუქნიდნენ. აქედან გამომდინარე, ყვითელი ყვავილი განშორების სიმბოლო გახდა.
ყვითელი ყვავილის ჩუქება განშორების ნიშანია. ითვლება, რომ ასეთი ყვავილი საყვარელ ადამიანს არ უნდა აჩუქოთ. ვფიქრობთ, რომ ეს უბრალოდ ცრურწმენაა, რომელსაც დიდი მნიშვნელობა არ უნდა მივანიჭოთ.
გადაწყვიტეთ იმის მიხედვით, თუ რას ფიქრობთ თავად ყვითელ ყვავილებზე ან რას ფიქრობს საჩუქრის მიმღები. თქვენთვის შეიძლება უბრალოდ ლამაზი ყვავილი იყოს, საჩუქრის მიმღებმა კი მასში სხვა ნიშნები დაინახოს. უსიამოვნო მომენტების თავიდან ასარიდებლად, წინასწარ გარკვევას გირჩევთ. უცნობ ადამიანს ყვითელი ყვავილები არ აჩუქოთ. ასე შეიძლება თქვან, რომ შურიანი ხართ.
ვფიქრობთ, რომ ყვითელი ყვავილების თაიგული წარმატების და ბედნიერების სურვილს განასახიერებს, იმედის და ოპტიმიზმის სიმბოლოა. იუბილეზე, კარიერული წინსვლის დროს და სხვა მნიშვნელოვან თარიღებზე მისი ჩუქება მისასალმებელია. ნარგიზი და მზესუმზირა, ასეთი დიდებული ყვავილები ტყუილად არ არსებობს.
შეჯამებისთვის, სასაჩუქროდ ნებისმიერი ფერის ყვავილი შეგიძლიათ შეარჩიოთ. მთავარია, რომ კარგი განზრახვით შეარჩიოთ და საჩუქრის მიმღები გაახაროთ. ქალს მისი სახელის შესაფერისი ყვავილის მიღებაც გაუხარდება.
![](https://alltime.ge/wp-content/uploads/2018/12/Alltime.png)