იცით თუ არა, რომ ჩვეულებრივი ასპირინი სახის კანის მოვლის შესანიშნავი საშუალებაა? ასპირინის სამკურნალო თვისებები ბევრისთვის ცნობილია – ის შესანიშნავი „დამხმარეა“, რომელიც თავის ტკივილს, სიცხეს და ბევრ სხვა უსიამოვნებას აქრობს. ასევე აღინიშნება მისი ანტიკოაგულიანტური მოქმედება. ასპირინის შეძენას ნებისმიერ აფთიაქში შეძლებთ.

სამკურნალო თვისებების ასეთი სიის მიუხედავად საინტერესოა, რომ ასპირინი სახის კანის მოსავლელად შესანიშნავი საშუალებაა. როგორი გასაოცარიც არ უნდა იყოს, ყველასთვის ცნობილ ასპირინს ამქერცლავი მოქმედება აქვს და სახეს მკვდარი უჯრედების და გარქოვანებული ქსოვილებისგან წმენდს. ასეთი შთამბეჭდავი სამკურნალო თვისებების ნაკრების მიუხედავად, საინტერესოა შემდეგი:

ასპირინი სახის კანის მოსავლელად წარმოუდგენლად სასარგებლოა. მისი დადებითი თვისებები – აკნეს შესანიშნავად ებრძვის, პიგმენტაციის დონეს აქრობს და ცხიმის ნაწილებს შლის.

მნიშვნელოვანია: აბების გამოყენება რეკომენდებული არაა მათთვის, ვისაც ძალიან მგრძნობიარე და ნაზი კანი აქვთ.

რიგი მიზეზები, რის გამოც კანის ზედაპირის მდგომარეობის გასაუმჯობესებლად ასპირინის გამოყენება ღირს:

1. ანთების საწინააღმდეგო თვისება. ეს კანის მდგომარეობის გაუმჯობესებას ხელს უწყობს, აკნესგან წმენდს მაშინაც, კი, როცა ანთებას ქრონიკული ხასიათი აქვს.
2. თითოეულ აბში შემავალი ბეტა-ჰიდროქსილის მჟავა ბევრი თანამედროვე კოსმეტიკური საშუალების მთავარ ინგრედიენტს წარმოადგენს, რომელიც სახის კანის აქერცვლისა და გაწმენდისკენ არის მიმართული. ასეთი მჟავა პიგმენტაციას ამცირებს, მკვდარ და გარქოვანებულ კანის ნაწილებს აშორებს და პიგმენტაციის ხარისხის მიუხედავად სახის ფერს ათანაბრებს.
3. გარდა ამისა, ასპირინს სამკურნალო ეფექტი აქვს. მას რიგი დაზიანებების შემდეგ კანის ზედაპირის აღდგენა შეუძლია. მისი დახმარებით მიკრო დაზიანების, აკნეს კვალის და სხვა უსიამოვნების გაქრობას შეძლებთ.

ახლა, როცა უკვე ასპირინის სასარგებლო თვისებების შესახებ იცით, მის გამოსაყენებლად ეფექტურ რეცეპტებზე გადავიდეთ.

სახის ნიღბის რეცეპტები ასპირინის გამოყენებით

ამა თუ იმ საშუალების სწორად მომზადება და გამოყენება – საქმის ნახევარს წარმოადგენს. დანარჩენს თქვენს ნაცვლად ასპირინი გააკეთებს.

1. სახის გამწმენდი ნიღაბი

ასპირინის აბები კანის მოსავლელად და გასაწმენდად ყველაზე ხშირად ნიღბის სახით გამოიყენება. მასზე დაფუძნებულ ნიღაბს შესანიშნავი ამქერცლავი ეფექტი აქვს და კანის მკვდარ უჯრედებს აქრობს, მის ტექსტურას აუმჯობესებს. დამატებითი პლიუსი – ასპირინი ფორებს კრავს და ფორებს ჭუჭყისა და სიბინძურისგან წმენდს.

თქვენ დაგჭირდებათ:

• 3 აბი ასპირინი
• 50 გრ გაცხელებული, წინასწარ ადუღებული წყალი

იდეალური ნიღბის მოსამზადებლად, აბები სითხეში მოათავსეთ და დარბილება აცადეთ. შემდეგ პასტის მსგავსი მასის მიღებამდე კარგად აურიეთ. როცა ნიღაბი მზად იქნება, სახე საპნით კარგად დაიბანეთ და მზა პასტა სახეზე წრიული მოძრაობით წაისვით. 10-15 წუთის შემდეგ კარგად ჩამოიბანეთ. ნიღაბი ცხიმიანი კანის შემთხვევაში კვირაში 2-ჯერ, მშრალი კანისთვის კი კვირაში ერთხელ გამოიყენეთ.

2. ასპირინი და ლიმონი – კიდევ ერთი შესანიშნავი ნიღაბი

განსაკუთრებით ეფექტური იქნება მათთვის, ვისაც უსიამოვნო გამონაყარის, პიგმენტური ლაქების, ნაწიბურების და შრამების მოშორება სურს. მთავარი კომპონენტების, ლიმონისა და ასპირინის შემადგენლობა მაქსიმალური ანტიბაქტერიული ეფექტის მიღწევაში, ჭუჭყისა და მიკრობების მოშორებაში დაგეხმარებათ.

თქვენ დაგჭირდებათ:

• 3 აბი ასპირინი
• 50 მლ ლიმონის წვენი

პასტის მსგავსი კონსისტენცია მოამზადეთ. ნიღაბი წინასწარ მომზადებულ კანზე წაისვით და 10-15 წუთით გაიჩერეთ. შემდეგ კარგად ჩამოიბანეთ. ნიღაბი კანის ტიპის მიხედვით კვირაში მაქსიმუმ 2-ჯერ გამოიყენეთ.

3. ასპირინი, იოგურტი და თაფლი

ასეთი უჩვეულო კომბინაცია პილინგის მთელ კომპლექსს ჩაანაცვლებს: ის წვრილ შრამებს და ნაწიბურებს შეამცირებს, პიგმენტებს გააქრობს და ნებისმიერი სირთულის აკნეს გაუმკლავდება. უნიკალურ ნაერთს უნივერსალური დამატენიანებელი მოქმედება აქვს, სახის კანს შესანიშნავად აღადგენს და კანის ზედაპირზე სიბერის ნიშნებს ამცირებს. გარდა ამისა, ნიღბის გამოყენების შემდეგ სახე ელასტიური და ბზინვარე იქნება.

თქვენ დაგჭირდებათ:

• 5 აბი ასპირინი
• 20 გრ ნატურალური თაფლი
• 20 გრ უცხიმო, ნატურალური იოგურტი

როცა ინგრედიენტები მზად იქნება, ასპირინი ფხვნილის მიღებამდე დაფშვენით. ამის შემდეგ ასპირინი ჯერ იოგურტს, შემდეგ თაფლს აურიეთ. მიღებული ნარევი ასე გამოიყენეთ: თბილ წყალში დასველებული ქსოვილის ნაჭერი სახეზე დაიდეთ. ასეთი პროცედურა ფორებს გააფართოებს, რაც ნიღბის უფრო ღრმა მოქმედებას ხელს შეუწყობს. დაორთქლის და სახის გამოშრობის შემდეგ თხელ ფენად მიღებული ნარევი წაისვით. ნახევარი საათით გაიჩერეთ, შემდეგ თბილი, გამდინარე წყლით კარგად ჩამოიბანეთ. რეკომენდებულია, პროცედურა დამატენიანებელი და მკვებავი კრემების წასმით დაასრულოთ.

თუ სტატია ინფორმაციული იყო, მეგობრებს სოციალურ ქსელში აუცილებლად გაუზიარეთ.