ფულის ნიშნები, რომლებიც მატერიალური კეთილდღეობის მოზიდვაში დაგეხმარებათ

ჩვენ ცრურწმენების და ნიშნების ისე არ გვჯერა, როგორც წინაპრებს. იმდენი ნიშანი არსებობს, რომ არც ვიცით, რომელია ნამდვილი და ეფექტური, რომელი უბრალოდ გამონაგონი. თანამედროვე ცხოვრებაში მეცნიერებას მთავარი ადგილი უკავია. მას ნებისმიერი მოვლენის ახსნა შეუძლია. ამის მიუხედავად, ბევრი ადამიანი ფინანსების და ჯანმრთელობის ნიშნების დაცვას ცდილობს. რა იცი, რა ხდება პრინციპით.

ალბათ, ნაცნობია სიტუაცია, როცა ორი ადამიანიდან, რომლებიც ერთნაირად შრომობენ და მუშაობენ, მხოლოდ ერთი აღწევს წარმატებას. ან შემთხვევა, როცა ადამიანი თითს თითზე არ ადებს, მაგრამ უმართლებს. ვინ იცის, იქნებ მან ფულის რიტუალების შესახებ იცის.

ფულის ნიშნები ფინანსური წარმატებისთვის

ბარაქის ხე

ამ ოთახის მცენარეს თითქმის ნებისმიერ სახლში შეხვდებით. კრასულას მატერიალური კეთილდღეობის მოზიდვას მიაწერენ. ხალხური რწმენის მიხედვით, ბარაქის ხეზე სწორად უნდა იზრუნოთ. გადარგვისას ახალი ქოთნის ძირში მონეტები აუცილებლად ჩადეთ. ყოველთვის, როცა საქმეს წარმატებით დაამთავრებთ და მოგებას მიიღებთ, ერთი მონეტა ქოთნის ქვეშ ჩადეთ. ყოველი ახალი მოგების შემდეგ მონეტა გამოცვალეთ.

სწორი ადგილი ფულისთვის

სახლში ენერგია კარიდან და ფანჯრიდან შემოდის. სწორედ ამიტომ, შემოსასვლელ ოთახში ხალიჩის ქვეშ, ასევე ფანჯრის რაფაზე მონეტა შეინახეთ. ფულის ადგილი სასადილო მაგიდაზე არაა, ასე მთელ ფულს დახარჯავთ. ფული საწოლზეც არ დადოთ, რადგან მთელ ფინანსებს წამლებზე დახარჯავთ.

სარკე

იდუმალი და ნიშნებით სავსე ნივთი. ამბობენ, რომ სარკეს ყველაფრის გამრავლება შეუძლია, რასაც აირეკლავს. სწორედ ამიტომ, ღამით სარკის წინ ღია საფულე ფულით და მონეტებით დადეთ. ეს ფული სწრაფად დახარჯეთ და მატერიალურ კეთილდღეობას მოიზიდავთ.

სავსე მთვარე

სავსე მთვარე ნებისმიერი რიტუალის ეფექტს აძლიერებს. ტანსაცმელი, რომელსაც ხშირად ატარებთ, ჩაიცვით. ერთ ჯიბეში მონეტა, მეორეში კი მაგნიტი ჩაიდეთ. ახლა სანთელი აანთეთ და ბოლომდე დაწვა აცადეთ. ასეთი მარტივი რიტუალით ფულს მოიზიდავთ.

გახსოვდეთ, რომ ფულის რიტუალები მხოლოდ დანამატია. თუ ფინანსების გაზრდა გსურთ, ბევრი უნდა იშრომოთ, ხოლო ნიშნები და რიტუალები ამაში დაგეხმარებათ.