ტანვარჯიში „ტიბეტური მარგალიტი“, რომ ტიბეტელი ბერივით ხმელი გახდეთ

„აღორძინების თვალი“ – ტიბეტელი ბერების განსაკუთრებული ტანვარჯიში, რომელიც მთელ მსოფლიოში ცნობილია. პრაქტიკა სხეულის სავარჯიშოდ და გასაჯანსაღებლად არის მიმართული. ტყუილად არ გამოიყურებიან ტიბეტელები ასე კარგად და სხვა ხალხზე დიდხანს ცხოვრობენ.

დღეს Alltime.ge-ს რედაქცია გიზიარებთ 5 ვარჯიშს ჯანმრთელობის და ენერგიის გასაზრდელად. ამ ნაკრებს „5 ტიბეტური მარგალიტი“ ეწოდება. მის შესრულებას ნებისმიერი ასაკის ადამიანი შეძლებს. დავიწყოთ!

ტიბეტელი ბერების ტანვარჯიში

ტანვარჯიშის დროს რიგი წესები უნდა დაიცვათ. პირველ რიგში, წესებს გაეცანით. შემდეგ კი ტიბეტური გამაჯანსაღებელი ვარჯიშები შეასრულეთ.

1. იდეალურია, თუ ვარჯიშს სუფთა ჰაერზე შეასრულებთ. თუ ამის შესაძლებლობა არ გაქვთ, ფანჯარასთან ადგილი გამოყავით. ფანჯარა გააღეთ და მსუბუქად და კომფორტულად ჩაიცვით.

2. ვარჯიშის შესრულება გულწრფელად უნდა გინდოდეთ. ცუდი განწყობით ვარჯიში გაგიჭირდებათ და განმეორების სურვილი აღარ გექნებათ. ასე რომ, პოზიტიურად განეწყვეთ და სიამოვნება მიიღეთ!

3. ვარჯიში ცარიელ კუჭზე შეასრულეთ. საუკეთესო დრო – დილით ადრე. ასე ვარჯიშსაც შეძლებთ და მზის სხივებშიც იბანავებთ. გარდა ამისა, რეკომენდებულია ვარჯიში დღეში 2–ჯერ შეასრულოთ: დილით, უზმოზე და საღამოს, დაძინებამდე 2 საათით ადრე.

4. ვარჯიშების სწრაფად შესრულებას ნუ ეცდებით. არ იჩქაროთ და შეისვენეთ. ღრმად და გაცნობიერებულად ისუნთქეთ. ერთი ვარჯიშიდან მეორეზე არ გადახტეთ. თანმიმდევრობის დაცვა მნიშვნელოვანია.

5. თავიდან თითოეული ვარჯიში 3–ჯერ გაიმეორეთ. შემდეგ თანდათან რაოდენობა გაზარდეთ. შედეგად, 21 გამეორებამდე ადით, ოღონდ მხოლოდ საკუთარ შეგრძნებებს და შესაძლებლობებზე დაეყრდენით.

5 ტიბეტური მარგალიტი

ვარჯიში №1. სწორად დადექით, ხელები გვერდებზე გაშალეთ ისე, რომ მხრების სახსრების სიმაღლეზე იყოს. ამ პოზაში საათის ისრის მიმართულებით იმოძრავეთ, თქვენს მდგომარეობაზე კონცენტრირდით. 3-ჯერ გაიმეორეთ. თუ მეტჯერ შეგიძლიათ, 5-ჯერ შეასრულეთ.

თქვენი სიჩქარით იმოძრავეთ, რომ თქვენთვის კომფორტული იყოს. თუმცა ითვლება, რომ რაც უფრო სწრაფია ტემპი, მით უფრო ეფექტურია. თვალები შეგიძლიათ დახუჭოთ ან გაახილოთ. თავიდან მსუბუქ თავბრუსხვევას იგრძნობთ და ეს აბსოლუტურად ნორმალურია! შესრულების შემდეგ 2-3-ჯერ ღრმად ჩაისუნთქეთ და ამოისუნთქეთ! სჯობს მუცლით ისუნთქოთ.

ვარჯიში №2. ზურგზე დაწექით, ხელები სხეულის გასწვრივ, ხელისგულებით ქვემოთ. ჩასუნთქვაზე თავი და ფეხები იატაკის პერპენდიკულარულად ასწიეთ. წელი და მენჯი იატაკიდან არ ასწიოთ. ნიკაპით მკერდისკენ გაიწელეთ, რომ ხერხემალი უკეთ გაჭიმოთ.

ამოსუნთქვაზე საწყის პოზას დაუბრუნდით. 3-5-ჯერ გაიმეორეთ და შეისვენეთ. რამდენჯერმე ჩაისუნთქეთ და ამოისუნთქეთ. შემდეგ ფეხები გადააჯვარედინეთ, დაჯექით და ნაზად მუხლებზე გადადით. ეს შემდეგი ვარჯიშის პოზიციაა.

ვარჯიში №3. მუხლები მენჯბარძაყის სახსრების სიგანეზე. ფეხის თითები ისე მოხარეთ, რომ მათ დაეყრდნოთ. ხელები დუნდულების კუნთებზე დაიდეთ. რბილ ამოსუნთქვაზე თავი ქვემოთ დაწიეთ, ჩასუნთქვაზე თავი უკან გადაწიეთ და ხელები წელზე დაიდეთ. ყოველ ჩასუნთქვა–ამოსუნთქვაზე ხელების და თავის პოზიციები ცვალეთ.

კეფა ქუსლისკენ, რაც შეიძლება ახლოს გადაწიეთ. არ გადააჭარბოთ, რადგან მიუჩვეველი დატვირთვისას წელი შეიძლება დაიზიანოთ. სიფრთხილე გამოიჩინეთ. შემდეგ წვივები მსუბუქად გადააჯვარედინეთ და დაჯექით, ფეხები წინ გამოწიეთ და გაჭიმეთ. ყოველი ვარჯიშის შემდეგ დასვენება არ დაგავიწყდეთ.

ვარჯიში №4. ხელისგულებით იატაკს დაეყრდენით, ზემოთ აიწიეთ. ზურგი გამართული. ჩასუნთქვაზე ქუსლიდან თითის წვერებზე გადაიტანეთ ზეწოლა. მენჯი ზემოთ ასწიეთ, თავი უკან გადაწიეთ. ამოისუნთქეთ და საწყის პოზას დაუბრუნდით. გარეგნულად ვარჯიშ „ხიდს“ ჰგავს, ოღონდ აქ, სხეულის სრულად მოხრა საჭირო არაა.

ვარჯიში №5. ამ ვარჯიშიდან კორპუსი წინ ნაზად გადაიტანეთ, გამართულ ხელებს დაეყრდენით. ამ პოზას უწოდებენ „ძაღლს დრუნჩით ზემოთ“.

შემდეგ ჩასუნთქვაზე მენჯი ზემოთ აწიეთ, ხერხემალი, ხელები და ფეხები გაასწორეთ. ეს პოზაა „ძაღლი დრუნჩით ქვემოთ“. ქუსლები იატაკს მოაცილეთ. აქ, ყველაფერი თქვენს გაწელვაზეა დამოკიდებული. ორივე პოზა 3-5-ჯერ მორიგეობით გაიმეორეთ.

ამის შემდეგ თქვენთვის მოსახერხებელი პოზა მიიღეთ, მაგალითად, ლოტოსის პოზა. ასევე შეგიძლიათ ხალიჩაზე გაწვეთ ვარსკვლავის მსგავსად (პოზა შავასანა), სრულად მოდუნდით. იგრძენით ენერგია, რომლითაც თქვენი სხეული ივსება. ღრმად და თანაბრად ისუნთქეთ.