სულთმოფენობა: როგორ გავატაროთ 12 ივნისი ყველა წესის მიხედვით და რა სასწაულებს ველოდოთ

სულთმოფენობა, წმინდა სამების დღე ერთ–ერთი მნიშვნელოვანი მართლმადიდებლური დღესასწაულია. ამ დღეს მორწმუნეები სულიწმიდის მოფენას აღნიშნავენ. დღესასწაული აღდგომიდან 50-ე დღეს აღინიშნება. მართლმადიდებლური ეკლესია 2022 წელს სულთმოფენობას 12 ივნისს აღნიშნავს, რადგან წელს აღდგომა 24 აპრილს იყო. Alltime.ge–ს რედაქცია გიამბობთ, როგორ მოემზადოთ დღესასწაულისთვის და როგორ აღნიშნოთ.

წმინდა სამების დღე 2022 წელს

ახალ აღთქმაში იესო ქრისტე მოციქულებს სულიწმიდის გამოცხადებას უწინასწარმეტყველებდა. ამ დღეს სულთმოფენობასაც უწოდებენ. იესო ქრისტეს აღდგომიდან 50-ე დღეს მოციქულებს სიონის მთაზე სულიწმიდა გამოეცხადათ: „ანაზდად იგრგვინა ზეცით, თითქოს გრიგალი აგუგუნდაო, და აავსო მთელი სახლი, სადაც ისინი ისხდნენ. და მოევლინა მათ ენები, თითქოს ალისანი, და სათითაოდ მოეფინა ყოველ მათგანს. ყველანი აღივსნენ სულით წმიდით და სხვადასხვა ენებზე ალაპარაკდნენ, როგორც სული ამეტყველებდა მათ“ – წერია წმინდა წერილში. ასე მორწმუნეებმა გაიგეს ღმერთის საიდუმლო, მამის, ძის და სულიწმიდის სამერთობა.

იესო ქრისტეს მოწაფეებმა წმინდა სამების პატივსაცემად დღესასწაულის დაწესება გადაწყვიტეს. ამ დღეს წინასწარმეტყველება და ხალხის განკურნება ისწავლეს. ამავდროულად, სხვადასხვა ენაზე ალაპარაკდნენ, რომ მთელ მსოფლიოში ღვთის სიტყვა გაევრცელებინათ. ოფიციალურად დღესასწაული 381 წელს დაწესდა. იმ წელს კონსტანტინოპოლში მეორე მსოფლიო კრება მოიწვიეს, რომელზეც სწავლება სამების შესახებ შეიქმნა. დღესასწაული ეკლესიის დაბადების დღედაც ითვლება, რადგან სულიწმიდით აღვსილმა მოციქულებმა მთელ მსოფლიოში ღვთის დიდი საქმეების ქადაგება დაიწყეს.

ტრადიციები სულთმოფენობაზე

დღესასწაულამდე რამდენიმე დღით ადრე ეზო–კარი მოაწესრიგეთ. წმინდა სამების დღეს სახლის დალაგება, კერვა, რეცხვა და ნებისმიერი საშინაო საქმის გაკეთება არ შეიძლება. შაბათს, სულთმოფენობამდე გარდაცვლილი ნათესავები მოიხსენეთ და სასაფლაოები ინახულეთ. ხალხი სასაფლაოზე საფლავების დასალაგებლად მიდის და ყვავილებით ამშვენებს.

დღესასწაულამდე 2 დღით ადრე არა მხოლოდ სახლი იდეალურად უნდა დაალაგოთ, არამედ უსარგებლო ნივთები მოიშოროთ. დიასახლისები დღესასწაულზე პურს აცხობენ და სადღესასწაულო კერძს ამზადებენ. ნებისმიერი ფიზიკური შრომა ცოდვად არ ითვლება, მაგრამ სახლზე ზრუნვამ დღესასწაულის მთავარი არსი არ უნდა დაგავიწყოთ. წმინდა სამების დღეს ბილწსიტყვაობა და კამათი აკრძალულია.

სულთმოფენობაზე ეკლესიაში ღვთისმსახურებას დაესწარით. ტრადიციულად, ლიტურგიისა და დიდი საღამოსგან შედგება. ეკლესიის იატაკი, სახლი, სადაც ღმერთს ადიდებენ, მინდვრის ყვავილებით და ტოტებით მორთეთ. ამ დღეს კითხულობენ ლოცვებს: მუხლმოდრეკით სათქმელი წმიდა სამების მიმართ, სულიწმიდისადმი, სულთმოფენობის ლოცვას.

სულთმოფენობა მარხვის დღე არაა. შეგიძლიათ სუფრა გაშალოთ და ნათესავები და მეგობრები ზეიმზე დაპატიჟოთ. ძველად ამ დღეს ქორწინდებოდნენ. ითვლება, რომ თუ ამ დღეს ქორწილს გადაიხდით, ბედნიერი ოჯახური ცხოვრება გელით.

წმინდა სამების დღეს ამინდით განსაზღვრავდნენ, როგორი მოსავალი იქნებოდა. თუ ამ დღეს წვიმს, ზაფხული თბილი იქნება და კარგი მოსავლით გაგვახარებს. ცხელი ამინდი ცუდის ნიშანია და მშრალ ზაფხულს გვპირდება.

ტროპარი: კურთხეულ ხარ შენ, ქრისტე ღმერთო ჩუენო, რომელმან ყოვლად ბრძნად მეთევზურნი გამოაჩინენ, მიჰფინე რა მათ ზედა ყოვლად-წმიდა სული შენი, და მათ მიერ ყოველი სოფელი მოინადირე, კაცთ-მოყუარე, დიდება შენდა.

კონდაკი: რაჟამს იგი გარდამოხდა და ენანი შეურივნა, მიმოდაჰყუნა მაღალმან ნათესავნი, ხოლოაწ რაჟამს ცეცხლისა ენანი განუყუნა, ერთბამად მოიყუანნა იგინი, ამისთჳსცა ერთობით ვადიდებდეთ სულსა ყოვლად-წმიდასა.

ლოცვა: უფალო მეუფეო ზეცათაო, ნუგეშინისმცემელო, სულო ჭეშმარიტებისაო, ნუგეშინისმცემელ მექმენ და შემინდევ მე უღირსსა მონასა შენსა რაოდენიცა, ვითარცა კაცმან, ვჰსცოდენ დღეს ნებსით და უნებლიეთ, მეცნიერებით და უმეცრებით, აღტაცებულობისაგან, უკრძალველობისაგან და დიდისა მცონარებისაგან, და უდებებისა ჩემისა. გინათუ ვჰფუცე სახელი შენი წმიდა, გინათუ ვაფიცე, გინა ცილივსწამე, გინათუ ვჰგმე გონებითა, გინა თუ ვაგინე ვისმე, ანუ შევაწუხე, ანუ უზრახე ვისმე, გინა რაისამე ზედა განვარისხე ვინმე, ანუ უტყუე ვისმე, გინა ძმა მოვიდა ჩემდა და შეურაცხვჰყავ, გინა ვაჭირვე ძმასა და განვამწარე, ანუ თუ მდგომარეობასა ჩემსა ლოცვასა და ფსალმუნებასა შინა გონება ჩემი ბოროტთა და საწუთოთა მიექცა, გინა შესატყვისისა მეტად განვიშვ, ანუ ურცხვინოებით ვზრახე, ანუ ბილწებით, გინა ვიცინე უგუნურებით, ანუ ვიცუდდიდებულე, ანუ ვიუძღებე, გინა ვიამპარტავნე, გინა შვენიერებისა მქონებელი ვიხილე და მისდამი დავსლბი, ანუ შეუტყუებელნი ჩემნი კადნიერებით ვზრახენ, გინა თუ დასაკლებელთა განვიცდიდი ძმისა ჩემისათა, ხოლო ჩემთა აურაცხელად და შეუნდობელად მყოფთა უგულებელსვჰყოფდი უსჯულოებათა, გინათუ ლოცვაი ჩემი უდებ-ვჰყავ, ანუ სხვა რაიმე ბოროტი მიქმნიან და არა მახსოვან, უფალო, შემიწყალე და შემინდევ მე უღირსსა და უხმარსა მონასა შენსა, ვითარცა სახიერმან და კაცთმოყვარემან, რათა მშვიდობით დავსწვე და დავიძინო მე უძღებმან ამან და გადიდებდე შენ მამასა და ძესა და წმიდასა სულსა, აწ და მარადის და უკუნითი უკუნისამდე, ამინ.

ლოცვა წაიკითხეთ, როცა ნერვიულობთ, მხარდაჭერა გჭირდებათ ან ახალ საქმეს იწყებთ. სასულიერო პირები ამბობენ, რომ სულიწმიდა არა მხოლოდ ეკლესიაში, არამედ ყველა მორწმუნეაშია, რადგან წმინდა სულის გარეშე რწმენა არაა.