სტაფილო ასეთი გამოკვებით უბრალოდ ბედნიერია. ზუსტად ივნისში

უხვი მოსავლის მისაღებად სწორი მოვლა და გამოკვება აუცილებელია. სასუქის მიწოდებისას ფრთხილად უნდა იყოთ, რადგან არა მხოლოდ დეფიციტი, არამედ სიჭარბეც მთელ მოსავალს გაგიფუჭებთ.

დღეს Alltime.ge-ს რედაქცია გიამბობთ, თუ რით სჯობს სტაფილოს გამოკვება ივნისში, რომ საბოლოოდ მსხვილი, შაქრიანი და თანაბარი ძირნაყოფი მიიღოთ.

როგორ გავზარდოთ სტაფილოს კარგი მოსავალი

ზაფხულის პირველ თვეს, როცა მცენარის ძირნაყოფი ფორმირდება, ზრდის სწორად სტიმულირება მნიშვნელოვანია. ყურადღება მიაქციეთ, რომ ამისთვის მინერალური სასუქი აუცილებელია.

ორგანული სასუქი შეიცავს აზოტს, რომლის სიჭარბემ შეიძლება მოსავალი გაგინადგუროთ. ასეთი სასუქის მიწოდებისას ფოჩი აქტიურად იზრდება, ხოლო ძირნაყოფი პატარა, მრუდე გამოდის, მასში გროვდება ნიტრატები, რომლებმაც შეიძლება ჯანმრთელობას ზიანი მიაყენოს.

ამ ეტაპზე მინერალური სასუქებიდან ძირნაყოფის სწორად ფორმირებისთვის დაგჭირდებათ კალიუმი და ფოსფორი. კალიუმის საკმარისი რაოდენობა ძირნაყოფს უფრო შაქრიანს და რბილს ხდის.

ზრდის სხვადასხვა ეტაპზე ფოსფორი განსაკუთრებით მნიშვნელოვანია, რადგან ფესვების სისტემის სწრაფ და ძლიერ განვითარებას ხელს უწყობს. შედეგად, მცენარე დაბალ ტემპერატურას და გვალვას ადვილად იტანს.

ივნისში მისაწოდებელ კალიუმი–ფოსფორის სასუქებიდან გამოიყოფა სუპერფოსფატი, კალიუმის მარილი და კალიუმის სულფატი. გარდა ამისა, შაქრიანობის გასაზრდელად შეგიძლიათ დაუმატოთ ნატრიუმის გუმატი, მაგნიუმის და ბორის მჟავის დანამატები. ბორის მჟავას მორწყვის მეთოდით უმატებენ. ამისთვის 2 ს/კ მჟავა 4 ლ წყალში გახსენით. სასუქის მიწოდებამდე მცენარე მორწყეთ.

თუ მინერალური სასუქები არ გამოგადგებათ, ხის ნაცარი გამოიყენეთ. აღმონაცენებს შორის ღარებში ჩაყარეთ. 1 ჭიქა ნაცრისა და 1 ვედრო წყლისგან ნარევი გააკეთეთ. ასეთი ხსნარი 1 დღე დააყენეთ.

ივნისში 1–2 სასუქი საკმარისია (მაგალითად, შეგიძლიათ ჯერ ფოსფორი და კალიუმი დაუმატოთ, 2 კვირაში ბორის მჟავით მორწყათ).

მნიშვნელოვანია, რომ მიწაში ჭარბი სასუქის რაოდენობა არ დაუშვათ. ყველაფერი ზედმეტი ძირნაყოფში ხვდება. თქვენ რას იყენებთ უხვი მოსავლის მისაღებად? გაგვიზიარეთ გამოცდილება!