საუკეთესო შინაურული ნიღბები: როგორ მუშაობს პიტნის ნაყენი თმის გასაზრდელად

ზოგჯერ ნატურალური ინგრედიენტები უფრო კარგად მუშაობს, ვიდრე ძვირადღირებული კოსმეტიკა. ნახეთ, როგორ დაგეხმარებათ პიტნის ნაყენი თმის გაზრდაში.

გრძელ და სქელ თმაზე ოცნებობთ? შესამჩნევი შედეგის მისაღწევად ძვირადღირებული საშუალებები და სალონური პროცედურები საჭირო არაა. უბრალოდ, თმის გასაზრდელად შინაურული ნიღბები პიტნის ნაყენით ხშირად გაიკეთეთ. დღეს 5 საუკეთესო რეცეპტს გთავაზობთ.

პიტნის ნაყენი თმის გასაზრდელად: ეფექტი და მიმოხილვა

პიტნის ნაყენი შინაურული ნიღბის შესანიშნავი ინგრედიენტია. ბევრმა კვლევამ დაამტკიცა, რომ პიტნის ექსტრაქტი თითოეული თმის სისქეს და თმის ფოლიკულების რაოდენობას მნიშვნელოვნად ზრდის. შედეგი – უფრო სქელი და დამჯერი თმა. პიტნის ნაყენის ნიღაბი თმის ზრდას დააჩქარებს – 1 თვეში თმა მთელი 2 სმ-ით გაგეზრდებათ.

პიტნის ნაყენი შესაგრძნებად უფრო კარგია, ვიდრე თმის გასაზრდელი გამახურებელი საშუალებები. ნიღბის გაკეთების დროს თავის კანი სასიამოვნოდ გრილდება, შემდეგ კი თმას სასიამოვნო პიტნის სუნი აქვს. სამწუხაროდ, გვერდითი ეფექტიც აქვს – ნაყენი სპირტს შეიცავს და კანს აშრობს. პიტნის ნიღბები მგრძნობიარე და მშრალი თავის კანისთვის არ გამოდგება.

1-ელი ნიღაბი: პიტნის ნაყენი და სასარგებლო ზეთი

ზეთი A და E ვიტამინებით და ანტიოქსიდანტებით მდიდარია, ამიტომ დაზიანებულ თმას შესანიშნავად აღადგენს, გაყოფილ ბოლოებს მოგაშორებთ და თითოეულ ღეროს აძლიერებს. პიტნის ექსტრაქტთან ერთად სასარგებლო ზეთი თმის ზრდას ააქტიურებს. 1 ს/კ აბუსალათინის ზეთი, 1 ს/კ ავოკადოს ზეთი, 1 ჩ/კ პიტნის ნაყენი და 2-3 წვეთი როზმარინის ზეთი აურიეთ. შემდეგ ნიღაბი მთელ სიგრძეზე წაისვით და თავის კანი დაიმასაჟეთ. 2-3 საათით გაიჩერეთ, შემდეგ თბილი წყლით და შამპუნით ჩამოიბანეთ. ნიღაბი კვირაში 1-2-ჯერ გაიმეორეთ.

მე-2 ნიღაბი: პიტნის ნაყენი და თაფლი

პროცედურა კვირაში 1-2-ჯერ გაიმეორეთ, რომ თმა გააძლიეროთ და მისი ზრდა გააქტიუროთ. თქვენ 2 ს/კ თაფლი, 1 კოვზი ცხიმიანი რძე, ნახევარი ჩ/კ პიტნის ნაყენი და 1 კოვზი ზეითუნის ზეთი დაგჭირდებათ. ერთგვაროვანი მასის მიღებამდე აურიეთ. თავი დაიბანეთ, რომ მათი სტრუქტურა ოდნავ დაორთქლილი იყოს. შემდეგ ნიღაბი თმაზე თანაბრად წაისვით და საკვები პარკით შეიხვიეთ. 1 საათში კარგად ჩამოიბანეთ.

მე-3 ნიღაბი: პიტნის ნაყენი და კონიაკი

ნიღაბი თმას შესანიშნავად წმენდს და უფრო ჯანსაღს ხდის. ნარევისთვის 1 ს/კ კონიაკი, 1 ს/კ ლიმონის წვენი, 2 ს/კ ჟოჟობას ზეთი და ქოქოსის და ნახევარი ს/კ პიტნის ნაყენი დაგჭირდებათ. ინგრედიენტები აურიეთ, მაგრამ ნაყენი ბოლოს დაუმატეთ. თმაზე თბილი წყალი შეისხურეთ და ნიღაბი წაისვით. საშხაპე ქუდი დაიხურეთ და ნიღაბი რამდენიმე საათით გაიჩერეთ. შემდეგ თბილი წყლით და შამპუნით ჩამოიბანეთ.

მე-4 ნიღაბი: პიტნის ნაყენი და  ბირკავას ზეთი

თმის განახლება და მისი გამოკვება გსურთ? მაშინ პიტნის ეს ნიღაბი სცადეთ. 1 ს/კ ბირკავას ზეთი, ატმის ზეთი და ნახევარი ს/კ პიტნის ნაყენი აიღეთ. ნარევი თმაზე და თავის კანზე წაისვით და 1 საათით გაიჩერეთ. შემდეგ გრილი წყლით და შამპუნით ჩამოიბანეთ.

მე-5 ნიღაბი: პიტნის ნაყენი და წყალი

სააფთიაქო პიტნის ნაყენი აიღეთ და სუფთა წყალში თანაბარი პროპორციით გააზავეთ. გამაჯანსაღებელი ნარევი თავის დაბანამდე ნახევარი საათით ადრე შეიზილეთ. პროცედურა კვირაში ერთხელ გაიმეორეთ. მეორე მეთოდი: თავის დაბანის შემდეგ ხსნარი გადაივლეთ, შემდეგ ჩვეულებრივი ბალზამ-კონდიციონერი წაისვით, რომ კანი არ გააღიზიანოთ.