ყვავილები
საუკეთესო საშუალება კომბოსტოს ბუზის და ფრთათეთრას წინააღმდეგ
იყო მეაგარაკე ადვილი არაა, რადგან ნაკვეთზე ყოველთვის ბევრი და ძალიან მრავალფეროვანი საქმეა. ბევრი ქალაქელი ფიქრობს, რომ მოსავლის ასაღებად თესლის დათესვა საკმარისია. მეაგარაკეს ყოველდღე მძიმე მუშაობა უწევს, რომ პირობითი კომბოსტოს ღირსეული მოსავალი აიღოს.
Alltime.ge–ს რედაქცია გიამბობთ, როგორ მორწყათ კომბოსტო მავნებლების წინააღმდეგ, რომელიც კომბოსტოს განადგურებით ემუქრება. ჩრჩილი, ბუგრი, ბაღლინჯო და ბუზი გემრიელ მცენარეს სიამოვნებით მიირთმევს. მათ არ აღელვებთ, რამდენი ძალა და დრო დახარჯა მეაგარაკემ ნაკვეთზე.
რით მოვრწყათ კომბოსტო მავნებლების წინააღმდეგ
კომბოსტო არა მხოლოდ ადამიანებს, არამედ სხვადასხვა მწერებს უყვარს. თუ ადამიანი მთელი ძალით მცენარის გაზრდას და კარგი მოსავლის აღებას ცდილობს, მავნებლები ერთმანეთს ებრძვიან, რომ ეს მოსავალი გაანადგურონ. სწორედ ამიტომ, მათ ხელი უნდა შეუშალოთ.
გამოცდილი მებოსტნე ამბობს, რომ უმოქმედობის შემთხვევაში მავნებლები ნამდვილად გაიმარჯვებენ. ამის თავიდან ასაცილებლად მწერები შეცდომა შეყავს. მწერები ხომ კომბოსტოს, ძირითადად, სუნით პოულობენ.
სწორედ ამიტომ, დაუპატიჟებელი სტუმრები ეთერზეთებით შეგიძლიათ მოიშოროთ. საკმაოდ იაფია, თან ნებისმიერი მძაფრი სუნი გამოგადგებათ, იქნება ეს ლავანდა, სოჭი, პიტნა, როზმარინი, ლიმონი, ფორთოხალი თუ კედარი.
როგორ გავაკეთოთ სასწაულმოქმედი საშუალება?
- 0,5 ლ თბილი წყალი აიღეთ. საშუალება პირდაპირ ლიტრიან ქილაში შეგიძლიათ მოამზადოთ.
- 20 გ სარეცხი საპონი წვრილ სახეხზე გახეხეთ და წყალში გააზავეთ.
- საპნიან წყალს 20 წვეთი ნებისმიერი ეთერზეთი დაუმატეთ.
- კარგად აურიეთ. სასწაულმოქმედი საშუალება მზადაა!
მიღებული საშუალება 5 ლ წყალში გააზავეთ და ამ სითხით კომბოსტო დანამეთ. კვირაში ორჯერ დაამუშავეთ. ასე მწერები კომბოსტოსკენ მიმავალ გზას ნამდვილად ვერ იპოვიან.
რა თქმა უნდა, ყველა მეაგარაკე კომბოსტოს დასაცავად საკუთარ მეთოდს იყენებს. ზოგი ფიჭვის წიწვებს იყენებს, ზოგი თამბაქოს მტვერს, სხვები ჩვეულებრივი ნაცრით იოლად გადიან. თითოეული მეთოდი შედეგს იძლევა.
როგორ იცავთ კომბოსტოს მავნებლებისგან? გაგვიზიარეთ თქვენი გამოცდილება.
