რომელი მწვანილი დავრგოთ ბოსტანში

ქალაქის მაცხოვრებლებიც კი ახალ მწვანილს აივანსა და ფანჯრის რაფაზე ზრდიან. ხოლო თუ ადამიანს საკუთარი ბოსტანი აქვს, შინაურული მწვანილის კვლებს გვერდს ნამდვილად ვერ აუვლის. ახლახანს ფანჯრის რაფიდან მოკრეფილი ხრაშუნა, ვიტამინებით მდიდარი გემრიელობიდან სალათის მომზადება ხომ ასეთი სასიამოვნოა.

მწვანილის სახლის პირობებში გაზრდა – არა მხოლოდ საჭირო, არამედ შთამაგონებელი საქმეა. აქ ცხოვრება დუღს: ერთი მცენარე მოსახმარებლად უკვე მზადაა, მეორე ძალებს იკრეფს, მესამემ ახლა გაიღვიძა, მაგრამ უკვე თავის მფლობელს ახარებს.

შინაურული მწვანილი

გამოცდილი მებოსტნეები გირჩევენ, რომ მომწიფების სხვადასხვა ვადის მქონე მწვანილების კვლევები ერთმანეთს შეუთავსოთ, რომ ახალი მწვანილი სუფრაზე მაისიდან გვიან შემოდგომამდე გქონდეთ. როგორ ავირჩიოთ ჩვენთვის შესაფერისი მწვანილი უამრავ სახეობას შორის? ამ მიზნით ყველაზე შესაფერის მცენარეებს გადახედეთ.

1. რუკოლა

მცენარე პიკანტური მდოგვის და ოდნავ ზეთოვანი გემოთი. ხორცს განსაკუთრებით უხდება, ნებისმიერი ბოსტნეულის ან მწვანილის სალათის გემოს ხაზს უსვამს. სეზონზე 4-5-ჯერ ითესება. საინტერესოა, რომ იულიუს კეისარი ბრძანებდა, რომ რუკოლა სუფრაზე მის ყველა კერძში დაემატებინათ. თქვენც რატომ არ უნდა ჩართოთ ეს შესანიშნავი მცენარე რაციონში?

2. აისბერგი

ხრაშუნა ფოთლები, რომელთაც ნეიტრალური გემო აქვთ. სალათმა ასეთი საინტერესო სახელი მიიღო იმ მიზეზით, რომ მის შესანახად ყინული გამოიყენება. თქვენ შეგიძლიათ დათესოთ ყოველ 2 კვირაში ნიადაგის სრული დათბობისას და აგვისტოს ბოლომდე. კარტოფილის და კომბოსტოს გვერდით კარგად იხარებს. შეგიძლიათ სახლში, ფანჯრის რაფაზე გაზარდოთ, აქ უნდა გაითვალისწინოთ, რომ სალათს მზის სინათლე ძალიან უყვარს.

3. რადიჩიო

სალათი მდოგვის და პიკანტური გემოთი. მტკნარ სალათებს პიკანტურობას მატებს. მცენარე ცნობილია სახელწოდებით „იტალიური ვარდკაჭაჭა“. რადიჩიოს სხვადასხვა სახეობა შეგიძლიათ დარგოთ მაისის დასაწყისიდან ზაფხულის ბოლომდე.

4. ღანძილი

ნაადრევ გაზაფხულზე, როცა ხახვი და ნიორი ჯერ კიდევ ზრდას იწყებს, ღანძილი უკვე მოსახმარებლად მზადაა. მცენარის ნაადრევი ფოთლები განსაკუთრებით გემრიელი და უფრო მეტად სასარგებლოა. გაითვალისწინეთ, რომ ღანძილი მხოლოდ ჩრდილში იზრდება.

5. რომაული

მცენარის ხრაშუნა ფოთლებს მსუბუქი კაკლის გემოთი პოპულარულ სალათს „ცეზარს“ აუცილებლად უმატებენ. მცენარე, რომელიც კულინარიაში 5 ათას წელზე მეტია გამოიყენება, სხვა ვიტამინებით მდიდარი კერძის მოსამზადებლად შეგიძლიათ გამოიყენოთ. რომაულ სალათს ყოველ 3-4 კვირაში თესავენ.

6. ნიახური

ჯანსაღი კვების მხარდამჭერებს ნიახურის გარეშე გაძლება უჭირთ, რადგან ვიტამინების და მიკროელემენტების გარდა, ის ანტისეპტიკურ და მატონიზირებელ თვისებებს ფლობს. ნიახურისთვის შესაფერისი კერძის რეცეპტის პოვნა სირთულეს ნამდვილად არ წარმოადგენს. ნერგებით რგავენ ან აპრილის ბოლოს თესავენ.

7. წიწმატი

უპრეტენზიო და სწრაფად დამწიფებადი მცენარე, რომელიც დარგვიდან ძალიან მალე შეგიძლიათ შეჭამოთ (აღმონაცენების გაჩენიდან ზუსტად 2-3 კვირაში). წიწმატი შეიცავს ფიტონციდებს და მდოგვის ზეთს, რომელსაც პიკანტური მდოგვის გემო აქვს. თვეში 2-ჯერ რგავენ. ფანჯრის რაფაზე უპრობლემოდ იზრდება. მწვანილი თქვენს ბინას სიმყუდროვეს შემატებს.

8. კიტრის ბალახი

ახალი კიტრის სუნის და გემოს მქონე მცენარეს კიტრს ხშირად უწოდებენ. ასეთი სალათი კერძში კიტრს შესანიშნავად ჩაგინაცვლებთ, როცა ბოსტნეული ჯერ კიდევ დამწიფებული არაა.

კიტრის ბალახი ფუტკრებს იზიდავს, რაც მახლობლად სხვა კულტურების კარგად დამტვერვას ხელს უწყობს. გასაოცარია, მაგრამ კარტოფილის და ბადრიჯნის გვერდით დარგული კიტრის ბალახი კოლორადოს ხოჭოსგან საიმედოდ დაგიცავთ.

რა თქმა უნდა, სახლის პირობებში ნებისმიერი მწვანილი შეგიძლიათ გაზარდოთ, მთავარია მისი თვისება სრულად გაკმაყოფილებდეთ. ზოგი კომბოსტოს რგავს, ზოგი სალათის ფურცლებს, ზოგიც მანგოლდას, სხვები კი ძველებურად ოხრახუშს და ისპანახს.

ზოგჯერ გამოცდილმა მებოსტნემაც რაღაც ახალი უნდა სცადოს, რომ საკუთარი თავი და ოჯახის წევრები ვიტამინებით მდიდარი, მრავალფეროვანი და საინტერესო კერძებით გაანებივროს.