როგორ ვიზრუნოთ ყურძენზე ახლა, რომ უხვი მოსავალი მივიღოთ

როდესაც მე და ჩემი მეუღლე საცხოვრებლად კერძო სახლში გადავედით, პირველ რიგში, ეზოში ყურძენი დავრგეთ. მომწონს, როგორ ეხვევა ყურძნის ვაზი ღობეს, ფანჩატურს ან სახლის კედელს. თან ჩვეულებრივი ყვავილებისგან განსხვავებით ნაყოფს იძლევა. უხვი მოსავლის მისაღებად ზაფხულში მასზე სწორად უნდა იზრუნოთ.

ახლა პატარა ტოტი დიდებულ ბუჩქად გადაიქცა. ყოველწლიურად 4 მთავარ მწვანე ოპერაციას ვასრულებ, რომელთა დახმარებით ვაზის ზრდას ვაკონტროლებ. ყურძნის ფორმირება და მისი გადაჭრა მოსავლის რაოდენობასა და ხარისხზე სასარგებლო გავლენას ახდენს. ეზოც უფრო მოვლილად გამოიყურება.

ყურძნის მოვლა ზაფხულში: აუცილებელი წესები

ვაზის წვერის წაჭრა

როცა ყლორტები ზრდას ანელებს და მტევნები მომწიფებას იწყებს, ვაზს ზედა ტოტი ახალგაზრდა ფოთლებით უნდა მოაშოროთ. ამრიგად, მცენარე ახალი ყლორტების ფორმირების ნაცვლად მკვებავ ნივთიერებებს ნაყოფის ზრდას და განვითარებაზე მოახმარს.

ზედმეტი ტოტების მოშორების შემდეგ ყურძენი უკეთ ნიავდება და მეტ მზის სინათლეს იღებს. ასე მცენარე სოკოს და მავნებლების მიმართ უფრო გამძლე ხდება. წვერის წაჭრის შემდეგ ყურძენი ზამთრის ყინვებს ადვილად იტანს. ტოტები ბოლო კენკროვანი მტევნიდან 5-6 წყვილი ფოთლის ზემოთ უნდა გადაჭრათ.

გვერდითა ყლორტის მოშორება

გვერდითა ყლორტი – დამატებითი ყლორტი, რომელიც ფოთლების უბიდან იზრდება. ასეთი ყლორტები რეგულარულად უნდა მოაშოროთ და პროცედურა რაც შეიძლება ადრე დაიწყეთ. ყველა გვერდითა ყლორტის მოშორება არ იჩქაროთ. ყვავილების ზონა გაწმინდეთ, დანარჩენი 2-3 ფოთლამდე დაამოკლეთ. ისინი ფოტოსინთეზში აქტიურად მონაწილეობენ, ამიტომ მალე მოძველებულ ფოთლებს ჩაანაცვლებს.

ულვაშების მოშორება

გვერდითა ყლორტებს შეუდექით? მაშინ ულვაშებიც მოაჭერით. ისინი ყურძენს საყრდენზე დამაგრებაში ეხმარება და მოძრაობის საკუთარი მიმართულების არჩევა შეუძლია. სამაგიეროდ, იმავე რაოდენობის კვებას მოითხოვს, როგორც ჩვეულებრივი ფოთოლი და შეიძლება სასარგებლო ნივთიერებების დეფიციტი გამოიწვიოს.

ფოთლების გაცლა

კენკრამ საკმარისი სინათლე რომ მიიღოს, ფოთლები მოაცილეთ. გარდა ამისა, 70-80 დღის შემდეგ ყურძნის ფოთლები ბერდება. მარჩენალიდან პარაზიტი ხდება, რომელიც მცენარის წვენს იწოვს. ეს კი მომავალ მოსავალზე ცუდ გავლენას ახდენს. გირჩევთ, აუცილებლობის მიხედვით ყურძენს ფოთლები მოაშოროთ.

მხოლოდ 4 მარტივი წესი ლამაზი, მოვლილი ყურძნის ბუჩქის მიღებაში დაგეხმარებათ. ასევე გემრიელი და წვნიანი ნაყოფის მირთმევას და არომატული, შინაურული ღვინოს მომზადებას შეძლებთ.