ალბათ, თითოეულ ჩვენგანს ცხოვრებაში ერთხელ მაინც ახლობლისგან ფულის სესხება ან „უპროცენტო კრედიტორის“ როლს გამოსვლა მოგვწევია. ერთი შეხედვით ჩვეულებრივი საქმეა, თუმცა ვალის დაბრუნების მოთხოვნა, განსაკუთრებით მეგობრებისა და ნათესავებისგან ყველას არ შეუძლია.

დღეს გიამბობთ, როგორ მოაგვაროთ მაქსიმალურად დელიკატური საკითხი ისე, რომ კარგი ურთიერთობა არ გააფუჭოთ და თანხა დაიბრუნოთ.

თანხის დაბრუნება

„მე ვარ ადამიანი, რომელსაც სხვებისთვის უარის თქმა არ შეუძლია. მეგობრები დასახმარებლად, მათ შორის ფინანსური მხარდაჭერისთვის ხშირად მომმართავენ. მათ ზოგჯერ საკუთარი თავის საზიანოდ ვეხმარები. სწორედ ამიტომ, ზუსტად ერთი წლის წინ საკუთარ თავს „არას“ თქმა ვაიძულე და ვისწავლე კიდეც.

პრობლემა იმაშია, რომ ზოგიერთ მეგობარს ვალი არ დაუბრუნებია და როგორც ჩანს, არც ჩქარობს. როგორ დავაჩქარო ან ტაქტიკურად შევახსენო? თითქოსდა განსაკუთრებით არ მჭირდება, მაგრამ თუ ყველა ვალს შევაგროვებ, 30 ათასი დოლარი გამოვა. ეს კი დიდი თანხაა, რომელიც შემიძლია მოგზაურობაში დავხარჯო“ – თავის ისტორიას 27 წლის კრისტინა გვიზიარებს.

ასეთ სიტუაციაში უხერხულობა ჩვეულებრივი საქმეა, მაგრამ მისი თავიდან მოშორება უნდა შეძლოთ. უბრალოდ გააცნობიერეთ, რომ ეს თქვენი ფულია, რომლის გასესხებით ადამიანის დახმარება შეძელით. სწორედ ამიტომ, მადლიერებით უნდა დაგიბრუნონ.

მეორე საქმეა, რომ ადამიანს შეიძლება ვალის შესახებ დაავიწყდეს. ამიტომ თავაზიანად უნდა შეახსენოთ. თუ ფრთხილობთ, რომ ტექსტური შეტყობინებით საკუთარი აზრის ზუსტად და დელიკატურად გადაცემას ვერ შეძლებთ, მაშინ აუცილებლად პირადად ერთი ერთზე შეხვდით, რომ სხვების გვერდით თავი უხერხულად არ აგრძნობინოთ.

ზედმეტი არ იქნება, თუ წინასწარ მიანიშებთ რაზე გექნებათ საუბარი: „შეგვიძლია ამ დღეებში შევხვდეთ, რომ იმ ფულზე ვისაუბროთ, რომელიც რამდენიმე თვის წინ გასესხე?“

გასაოცარია, მაგრამ ზოგიერთ შემთხვევაში ადამიანი ფინანსურ მხარდაჭერას საჩუქრად აღიქვამს. სწორედ ამიტომ, მას რეალური მდგომარეობის შესახებ ინფორმაცია უნდა მიაწოდოთ, მაგალითად: „გახსოვს, გასულ თვეს ფული გასესხე. ვიმედოვნებ, რომ 5 რიცხვამდე დამიბრუნებ, როცა ბინის ქირის გადახდა მომიწევს“.

ზოგჯერ ტაქტიკური მინიშნების მიუხედავად მევალე ვალის დაბრუნებას არ ჩქარობს და ხანგრძლივი ლოდინის გამო ბოდიშსაც არ იხდის. ასეთ შემთხვევაში უფრო პირდაპირ და დაჟინებით უნდა იმოქმედოთ.

კითხვა „იცი, როგორ შეძლებ თანხის დაბრუნებას?“ საკმაოდ პირდაპირია, მაგრამ ამასთან რბილი. სცადეთ, რომ კონკრეტული პასუხი მიიღოთ, რომ ვალის დაბრუნების ზუსტი თარიღის შესახებ გაიგოთ. თუ, რა თქმა უნდა, უკან დახევა და ურთიერთობის შესანარჩუნებლად ფულის სახსრების გაწირვა არ გადაწყვიტეთ.

თუ პასუხად ბუნდოვან განმარტებას „რამდენიმე თვეში“ იღებთ, სჯობს უფრო კონკრეტული პასუხის გაცემისკენ უბიძგოთ. „როგორც ვხედავ, დღეიდან დაწყებული საქმე 3 თვეს ეხება და არც ერთი დღით გვიან, მართალია?“

გახსოვდეთ, რომ ვალს რაც უფრო დიდხანს არ დაგიბრუნებენ, თანხის მიღება უფრო მეტად გაგიჭირდებათ. თუ მცირე თანხის დროს საქმე მარტივადაა და ზოგჯერ შეიძლება ხელიც ჩაიქნიოთ, მსხვილი თანხის დროს მევალეს უფრო მეტი პასუხისმგებლობა უნდა მოსთხოვოთ.