როგორ დავგეგმოთ ჯანსაღი ორსულობა

ჯანმრთელი შვილი ბევრი წყვილის ოცნებაა, მაგრამ ორსულობამ კარგად რომ ჩაიაროს და ბუნებრივი ფიზიოლოგიური მშობიარობით დასრულდეს, ჩასახვისთვის უნდა მოემზადოთ, ყველა რისკი გაარკვიოთ და თითოეული მინიმუმამდე შეამციროთ.

ორსულობის დაგეგმვა

პირობითად ჯანმრთელმა ქალმა, რომელმაც გადაწყვიტა უახლოეს მომავალში დედა გახდეს, გამოკვლევები უნდა ჩაიტაროს. ეს ფართო მასშტაბური სამედიცინო გამოკვლევა არ უნდა იყოს, როგორც ასტრონავტების მომზადებისას, მაგრამ თერაპევტთან და გინეკოლოგთან ვიზიტი ნამდვილად ღირს. თუ გარკვეული ორგანოების და სისტემების პრობლემები გაქვთ, შესაბამის სპეციალისტს მიმართეთ. ანალიზებიდან უნდა გაიკეთოთ:

• ნაცხი ფლორის და ონკოციტოლოგიის შესახებ;
• სისხლის საერთო ანალიზი, ასევე ჯგუფის და რეზუს-ფაქტორის შესახებ;
• შარდის საერთო ანალიზი;
• სისხლის ანალიზი აივ ინფექციაზე, სიფილისსა და ვირუსულ ჰეპატიტზე;
• ასევე ანალიზი TORCH ინფექციებზე;

გინეკოლოგი ზოგად გამოკვლევებს ჩაგიტარებთ. შესაძლოა მენჯის ღრუს ორგანოების ულტრაბგერითი ექოსკოპია და კოლპოსკოპია დაგჭირდეთ.

ზოგიერთ კლინიკაში ორსულობის დაგეგმვისას შეიძლება არასაჭირო ანალიზები დაგინიშნონ. მაგალითად, ანალიზები ურეაპლაზმაზე, პაპილომას ვირუსზე. ურეაპლაზმა ჩვენს ფლორაში პირობითად მცხოვრები პათოგენია, ხოლო პაპილომა ვირუსი ორსულობასა და მშობიარობაზე გავლენას არ ახდენს. სწორედ ამიტომ, ამ ძვირადღირებულ გამოკვლევებზე ფულის დახარჯვა არ იჩქაროთ. ორსულობა ფიზიოლოგიური პროცესია და არა დაავადება. მისი წარმატებული შედეგისთვის სრულყოფილი ძილი, ნაკლები სტრესი და კარგი კვება ძალიან მნიშვნელოვანია.

კიდევ რისი გაკეთება შეიძლება

35 წლის შემდეგ სჯობს გენეტიკოსს მიმართოთ, რადგან ამ ასაკში ბავშვში გენეტიკური პათოლოგიების განვითარების რისკი მკვეთრად იზრდება. დაავადებაზე ეჭვის შემთხვევაში, ორსულ ქალს მოგვიანებით შეიძლება შესთავაზონ მცირე რაოდენობით ამნიოტური სითხის ანალიზი. სჯობს გენეტიკოსს პარტნიორთან ერთად ეწვიოთ.

ორსულობა ორგანიზმზე დამატებით დატვირთვას იწვევს, ამიტომ ვიტამინების დეფიციტის შევსება მნიშვნელოვანია. ნაყოფის ჩასახვამდე და პირველ ტრიმესტრში ფოლიუმის მჟავა, იოდი და D ვიტამინი აუცილებლად უნდა მიიღოთ.

თუ დაორსულებას ვერ ახერხებთ

ზოგჯერ ბავშვის გაჩენის დიდი სურვილის მიუხედავად, ვერ ორსულდებით. თუ პრობლემა მამაკაცის ჯანმრთელობაში იმალება, ხელოვნური განაყოფიერება დაგეხმარებათ. მაგალითად, ეს დაგეხმარებათ ჰიპერსპერმიის დროს, როცა 1 მლ სპერმაში მოძრავი სპერმატოზოიდების რაოდენობა ნორმაზე ქვემოთ მკვეთრად ეცემა. ამ დროს სპერმას მინერავებისგან წმენდენ და ამით ჩანასახის უჯრედების კონცენტრაციას და საშვილოსნოს ღრუში მოხვედრას ზრდიან. ეს მეთოდი ნაკლებად მოძრავი სპერმატოზოიდების შემთხვევაშიც აქტუალურია.

განაყოფიერებას მაშინ იყენებენ, როცა ქალი დონორიდან დაორსულებას გეგმავს. ბევრ მომავალ დედას აწუხებს კითხვა, ღირს თუ არა დონორიდან გაჩენა. ეს საკითხი მხოლოდ მორალური არჩევანის საკითხია. ჯანმრთელობის კუთხე ბავშვი ბუნებრივი გზით ჩასახული ბავშვებისგან არაფრით არ განსხვავდება. თუ ბავშვის გაჩენა ძალიან გსურთ, მაგრამ მუდმივი პარტნიორი არ გყავთ ან მას სერიოზული გენეტიკური პათოლოგია აქვს, სჯობს ეს ვარიანტი განიხილოთ. დონორი შეგიძლიათ სხვადასხვა პარამეტრების მიხედვით შეარჩიოთ.

თუ ქალს საკუთარი სასქესო უჯრედები არ აქვს, მაგალითად, საკვერცხეები ამოუღეს ან ოვარიალური რეზერვი დაცარიელებულია, კვერცხუჯრედების ბანკი დაგეხმარებათ.