როგორ არ უნდა შეხვდეთ ვირთხის წელს

მაღაზიები საახალწლო სათამაშოებით და გირლანდებით უკვე სავსეა, რაც იმას ნიშნავს, რომ ყველა ახალი წლის შესახვედრად ემზადება. დრო მოვიდა, ფანჯრები ფიფქებით მორთოთ, ახლობლებისთვის საჩუქრები შეარჩიოთ და კარგად მოიფიქროთ სურვილი, რომელსაც საათის 12-ჯერ ჩამოკვრის დროს ჩაიფიქრებთ.

ამ სასიამოვნო საზრუნავში საახალწლო ჩაცმულობის შერჩევაც შედის. აი, როგორი კაბა უნდა ჩაიცვათ საახალწლოდ უკვე ცალკე თემაა.

რა უნდა ჩაიცვათ საახალწლოდ

ყოველი შემთხვევისთვის ვირთხის გულის მოგება პირველივე დღიდან უნდა სცადოთ. მომავალი წელი გვპირდება, რომ ზოდიაქოს თითოეული ნიშნისთვის არაპროგნოზირებადი და საინტერესო იქნება. თავად წლის მფარველი თეთრ ფერებშია მორთული, ამიტომ მსუბუქი პასტელური ფერების ჩაცმა ურიგო არ იქნება: თეთრი, კრემისფერი, პუდრისფერი, ღია ნაცრისფერი და მსგავსი შეფერილობა საუკეთესო არჩევანია, რომ ახალ წელს ბედნიერად შეხვდეთ და მთელი 2020 წელი კარგად გაატაროთ.

ნაქარგების მრავალფეროვანი ვარიანტი ვერცხლისფერი ან ოქროსფერი ძაფით მისასალმებელია, მაგრამ კატის პრინტი გამორიცხეთ.

სპეციალისტი ელეონორა გიბსბურგი ღია ფერის ტანსაცმლის ჩაცმას არ გირჩევთ: წითელი, ნარინჯისფერი, ყვითელი. „ცეცხლი და მეტალი ვერ მეგობრობენ“ –  ხაზს უსვამს ელეონორა. შერჩეული ტანსაცმლის ფერის მიუხედავად სტილს მეტალის აქსესუარები დაუმატეთ, იქნება ეს გულსამაგრი, საყურე, ყელსაბამი თუ ქამარი.

რა მნიშვნელობა აქვს, თუ როგორი ფერის კაბას ჩაიცვამთ საახალწლოდ? დიდი მნიშვნელობა აქვს! ტანსაცმლის შერჩეული ფერის მიხედვით მომავალ წელს იმის მოზიდვას შეძლებთ, რაზეც ოცნებობდით. თუ ფინანსური წარმატების მიღწევა გსურთ, თეთრი ფერის ტანსაცმელი ჩაიცვათ. თუ სიყვარულს ეძებთ, არჩევანი ღია ნაცრისფერ კაბაზე შეაჩერეთ.

თუ პატარა შავი კაბის ღია ლუქით ჩანაცვლება არ გსურთ, უბრალოდ მეტალის საინტერესო აქსესუარები გაიკეთეთ.

ტრენდშია კაბები ცალ მხარზე, ბადის კაბები და შარვალ-კოსტიუმი. რაც მთავარია, ისეთი ტანსაცმელი ჩაიცვით, რომელიც ნანატრი დღესასწაულის გატარებაში ხელს არ შეგიშლით.

მაშინაც კი, თუ კაბა არ გაქვთ და ახალი წლის გატარებას სახლში აპირებთ, შეგიძლიათ რბილი თეთრი ან ნაცრისფერი სვიტრი ჩაიცვათ. საყვარელ ადამიანს შეგიძლიათ ირმებიანი სვიტერი ჩააცვათ.

თეთრი მეტალის ვირთხას მყუდროება უყვარს. შეგიძლიათ ახალ წელს ოჯახის წრეში შეხვდეთ ან უბრალოდ სტუმრად წახვიდეთ. სასურველია, საათის 12-ჯერ ჩამოკვრის შემდეგ ქუჩაში გახვიდეთ, გაერთოთ და ფეირვერკებით დატკბეთ, რადგან ვირთხას სუფთა ჰაერი უყვარს.

დაე, ახალი წელი ბევრი სიხარულით, ბედნიერებით და სურვილების ასრულებით სავსე იყოს. ახალ წელს სასწაულების დაჯერება და საყვარელი ადამიანებისთვის სასიამოვნო ემოციების გაზიარება ყველას სურს. უდაოდ, წელს თითოეულმა ჩვენგანმა ბევრი სასიხარულო და სამწუხარო მოვლენა გადაიტანა. ვიმედოვნებთ, რომ ვირთხის წელი სასიამოვნო სიურპრიზებით გაგვახარებს.