რისი გაცხელება არ შეიძლება მიკროტალღურ ღუმელში და რატომ?

თანამედროვე სამზარეულო მიკროტალღური ღუმელის გარეშე რთული წარმოსადგენია. ის კომფორტული და სწრაფია, მაგრამ რამდენად უსაფრთხოა? ბევრი დასაბუთებული არგუმენტი მიკროტალღური ღუმელის უსარგებლობას ნამდვილად ადასტურებს და თუ პირდაპირი ზიანი დამტკიცებული არაა, სარგებლობის კუთხით პასუხი ცხადია: ზოგიერთი პროდუქტის და ნივთის თვისება მიკროტალღურის ზემოქმედებით მნიშვნელოვნად იცვლება.

დღეს გიამბობთ, როგორ აიცილოთ თავიდან მიკროტალღური ღუმელის არასასურველი შედეგი და რისი გაცხელება არ შეიძლება.

ჩვენ 12 ყველაზე ხშირად გამოყენებული ობიექტი ავიღეთ, რომლებიც მიკროტალღურ ღუმელში მოხვედრის შემდეგ შეიძლება თავად გაფუჭდეს ან თქვენი ცხოვრება გაანადგუროს. დავიწყოთ მარტივით – საჭმელად უვარგისი ნივთებით!

ჭურჭელი, რომლის გამოყენებაც ღუმელში ნებადართულია. უსაფრთხო მხოლოდ მისი ინერციის გამოა, ზემოქმედების ქვეშ ცვლილებას არ განიცდის. თუმცა ისევე ცხელდება, როგორც მასში მოცემული პროდუქტები, ამის შესახებ კი მწარმოებელი არ წერს. შედეგი – კანის გაუთვალისწინებელი დამწვრობა ახალ გაცხელებული თევზის ან თასის გამოღების მცდელობისას.

პლასტმასის კონტეინერები. კვლევების მიხედვით, მათი გაცხელების დროს გამოიყოფა ნივთიერება, რომელიც სტრუქტურით სქესობრივ ჰორმონს, ესტროგენს ჰგავს. ეს თვისება კონტეინერის მრავალჯერადი გამოყენების და რეცხვის შემდეგაც შენარჩუნებულია. რამდენად სახიფათოა „პლასტმასის“ ესტროგენის რეგულარული გამოყენება შემდგომი კვლევა გვიჩვენებს.

პენოპოლისტიროლი. პოპულარული მასალა, შესანიშნავი თერმოდამცველი, ზოგჯერ „თან წასაღები“ საკვები კონტეინერების წარმოებაში გამოიყენება. თუმცა მიკროტალღურ ღუმელში გაცხელების დროს საკმაოდ დიდი რაოდენობით ტოქსიკურ ნივთიერებებს ათავისუფლებს და ეს უნდა გაითვალისწინოთ.

„უძრაობის“ პერიოდის თეფშები ან ჭიქები. ასეთი ჭურჭლის წარმოებისთვის დიდი რაოდენობით ტყვია გამოიყენებოდა. ამრიგად, საჭმლის, ჩაის ან ყავის ძველ ჭურჭელში გაცხელებით (დაახლოებით 60 წლამდე „დაბადებული“) ტყვიით მოწამვლით მაღალი რისკი არსებობს. იშვიათი ბუნების მიუხედავად  ასეთი ჭურჭელი ზოგიერთ ოჯახში მაინც ინახება.

სწრაფი კვების პროდუქტების კონტეინერები. თითქოს ჩვეულებრივ ქაღალდის კონტეინერები საშიში არაა, მაგრამ მათ შემადგენლობაში ლითონის სახელურს ყურადღება მიაქციეთ. ასეთი სახელური გაცხელების დროს შეიძლება დაიწვას და ქაღალდს ცეცხლი წაუკიდოს. მიიღეთ პატარა ხანძარს დიდი შედეგით.

წყლით სავსე ჭიქა ან ტოლჩა. საინტერესოა, მაგრამ როცა წყალი არა გარედან, არამედ შიგნიდან ხურდება (მიკროტალღური ღუმელი იგულისხმება), ის ადუღებას ვერ ასწრებს. როგორც სკოლაში ფიზიკის გაკვეთილებიდან ცნობილია, ჩვეულებრივ პირობებში წყლის 100 გრადუსზე გაცხელება არ შეიძლება – ის აორთქლდება და ჭარბ სითბოს გამოიწვევს. მაგრამ მიკროტალღურ ღუმელში წყალი უფრო მაღალ ტემპერატურაზე ხურდება. სწორედ ამიტომ ასეთი გახურებულ ჭიქაზე ხელის მოკიდებით შეიძლება დაიწვათ. რეკომენდებულია სითხე პორციებად გააცხელოთ, პერიოდულად საჭირო ტემპერატურის მიღწევა შეამოწმოთ.

ჭიქა თერმოსი. თანამედროვე ხარისხიანი ჭიქები, როგორც წესი, უჟანგავი ფოლადისგან მზადდება. გარე ფენა მიკროტალღურის ზემოქმედებით შესანიშნავად ხურდება, მაგრამ შემადგენლობას სითბო არ გადაეცემა, რადგან ეს მაინც თერმოსია. ჭიქა იწვება და შეიძლება ღუმელი შიგნიდან დაწვას, ეს კი ძალიან არასასურველია.

მოოქროვილი თეფშები. საბჭოთა სტილის თეფშზე ოქროს ნიმუშები, რომლებიც ოდესღაც მოდაში იყო, მიკროტალღურ ღუმელში მოხვედრისას საფრთხეს წარმოადგენს. ლითონი, რომელსაც სურათი შეიცავს, ძალიან სწრაფად ხურდება, ალდება და ბოლოს მოწყობილობას ანადგურებს: მაგნეტრონი უბრალოდ გადაიწვება.

კვერცხი. ეშმაკი პროდუქტი მიკროტალღური ღუმელისთვის. ტალღები კვერცხის შიგნით წყალს იმდენად სწრაფად ახურებს, რომ ის ფაქტიურად დუღდება და ბოლოს ფეთქდება, რადგან ორთქლი უფრო მეტ მოცულობას იკავებს, ვიდრე წყალი, რომლის გამოც ის წარმოიქმნა.

ხორცი. ზოგადად, მიკროტალღურ ღუმელში ხორცის გაცხელება შეიძლება, მაგრამ უნდა წარმოიდგინოთ, რომ ამ პროდუქტის შიგნით ტალღები ძალიან ნელა და დიდი დაგვიანებით აღწევს: ფაქტობრივად, გაყინული ხორცის ნაჭერი – ეს ცილების, ცხიმებისა და ნახშირწყლების ყინულის ნატეხია. ამ მიზეზით, ხორცი სჯობს თერმული „დარტყმის“ გარეშე გაალღოთ. შიდა ნაწილი ცივი და ყინულიანი რჩება. ასე რომ, ხორცი გასაცხელებლად მცირე ზომის უნდა იყოს.

მკერდის რძე. სასარგებლო თვისებებს სწორედ მისი სიახლის გამო ფლობს. მიკროტალღურ ღუმელში გაცხელებით მნიშვნელოვან ნივთიერებებს კარგავს. მათ მიეკუთვნება იმუნოგლობულინები – დედის იმუნური სისტემის დამცავი ცილები, რომლებიც ბავშვს ძუძუთი კვების დროს პასიურად გადაეცემა. სწორედ ამიტომ, მკერდის რძე სჯობს ტრადიციული მეთოდით გააცხელოთ.

სიცარიელე. თუ მიკროტალღურ ღუმელში არაფერია, მისი ენერგიის სხივები გარემოში არ გაიშლება და თავად ღუმელს გააცხელებს. ამასთან იმ დონემდე, რომ შეიძლება მისი ზოგიერთი კომპონენტი დაიწვას. ასე სახლში ან სამსახურში შეიძლება ხანძარი გააჩინოთ. სწორედ ამიტომ, ძალიან მნიშვნელოვანია, რომ ცარიელი მიკროტალღური ღუმელი არ ჩართოთ.