რა დავუმატოთ ორმოს შემოდგომაზე მარწყვის დარგვისას

მარწყვით სავსე ვედრო ყველა მეაგარაკეს სიხარულს გვრის. პოპულარულ კენკრებს შორის მას ყველაზე მეტად აფასებენ. საკმარისია, მისი ფასი გავიხსენოთ! სეზონზეც კი, ყველა რეკორდს ხსნის. სწორედ ამიტომ, ბევრისთვის მარწყვის დარგვა არა მხოლოდ საინტერესოა, არამედ მისი მოვლის წესების ცოდნა მომგებიანია.

როგორც ამბობენ, ციგა ზაფხულში მოამზადეთ (ჩვენს შემთხვევაში, პირიქით). მომავალი მოსავლისთვის მზადება შემოდგომაზე დარგვის დროს უნდა დაიწყოთ. ამ დროს ერთი პატარა ხრიკი არ უნდა დაგავიწყდეთ. გამოცდილი ფერმერები აღნიშნავენ, რომ ასე მოსავალს 2–3–ჯერ ზრდიან.

მარწყვის მოვლა შემოდგომაზე

მარწყვი როგორც გაზაფხულზე, ასევე შემოდგომაზე შეგიძლიათ დარგოთ. მნიშვნელოვანია გახსოვდეთ, რომ მეორე ვარიანტით უკვე პირველ სეზონზე კენკრის აღებას შეძლებთ. მარწყვის როზეტები გაფესვიანებას საკმარისად ასწრებს. დასარგავად ძლიერი ნერგები, 3–4 ჯანმრთელი ფესვებით და გრძელი, დაახლოებით 10 სმ ფესვით შეარჩიეთ. უფრო გრძელი ფესვი გადაჭერით.

იდეალური ნერგიც უხვი მოსავლის გარანტიას არ იძლევა. ამისთვის ორი რამ უნდა გახსოვდეთ: შესაფერისი მიწა და მავნებლებისგან დაცვა. აქ, საქმეში ერთი სააგარაკო ხრიკი ერთვება.

მარწყვს დიდ ზიანს აყენებს ცხვირგრძელები, ნემატოდები, მავთულის ჭიები და კარტოფილის ხოჭოს ლარვები. საკითხი განსაკუთრებით მწვავეა მათთან, ვისი ნაკვეთიც ტყის სარტყელთან ახლოს მდებარეობს.

ამ დროს სხვადასხვა პესტიციდებს იყენებენ, რომლებიც ნაყოფს მავნებლებისგან იცავს, მაგრამ თავად მარწყვს აზიანებს. ჩვენს ბებია–ბაბუებს მათი გამოყენების შესაძლებლობა არ ჰქონდათ, მაგრამ მარწყვს მაინც ვედროებით კრეფდნენ. რაშია საიდუმლო?

პასუხი მარტივია – ხავერდა! უპრეტენზიო და ფერადი ყვავილები სამკურნალო თვისებებით უძველესი დროიდან ცნობილია. ეს მცენარე მავნებლების საწინააღმდეგოდ ეფექტური იარაღი და კარგი სასუქია.

მარწყვის მოსავლიანობის გასაზრდელად შემოდგომაზე დარგვის წინ თითოეულ ორმოში 2 ხავერდის ყვავილი ჩადეთ. მათ მიერ გამოყოფილი ფიტონციდები ლარვებისა და ჭიებისთვის სერიოზულ საფრთხეს წარმოადგენს. მავნებლები ფიტონციდებით მდიდარ მიწას გაურბიან და ორმოებს გვერდს უვლიან.

გარდა ამისა, ხავერდას ყვავილი მიწის ხარისხს აუმჯობესებს. იცით თუ არა, რომ მარწყვი საკმაოდ პრეტენზიულია და ერთსა და იმავე ადგილას 4 წელზე მეტხანს არ იზრდება? მიწის გამოფიტვა არ აწყობს.

კვლების ხარისხის გასაუმჯობესებლად სწორი მეთოდი არსებობს, რომელიც არა მხოლოდ მარწყვის შემთხვევაში შეგიძლიათ გამოიყენოთ. მოსავლის აღების შემდეგ მიწა დაბარეთ და დაქუცმაცებული ხავერდის ყვავილები მოაყარეთ.

საიმედო და გამოცდილი მეთოდია. რაც ყველაზე სასიამოვნოა, პესტიციდების გამოყენება არ მოგიწევთ. გემრიელი და სასარგებლო შინაურული მარწყვი სწორედ ამით გამოირჩევა. უხვ მარწყვის მოსავალს გისურვებთ!