ოხრახუშის დახმარებით შეშუპებას დაამარცხებთ

ხალხური მედიცინაში მცენარე გამოიყენება როგორც ანთების საწინააღმდეგო, ჭრილობის შემხორცებელი და შარდმდენი საშუალება. ოხრახუშის ერთ-ერთი ყველაზე მნიშვნელოვანი ეფექტი ქსოვილებსა და ორგანოებში სითხის შემცირებაა. ამის გამო ოხრახუშის ნაყენი, ნახარში და კომპრესი ფეხების შეშუპების მოსაშორებლად, ხოლო ნიღაბი, ლოსიონი და ტონიკი თვალების ქვეშ და სახეზე შეშუპების მოსაშორებლად გამოიყენება.

ოხრახუში წვრილი კაპილარების და სისხლძარღვების კედლების გამძლეობას და ელასტიკურობას ზრდის.

თირკმელზედა ჯირკვლის ქერქის და ფარისებრი ჯირკვლის ფუნქციებს არეგულირებს, ნაწლავების მიკროფლორაზე დადებით გავლენას ახდენს, კანის აღდგენის პროცესში მონაწილეობას იღებს და დაბერების პროცესს აფერხებს.

სახიფათო თავისუფალ რადიკალებს ანეიტრალებს, ანთების საწინააღმდეგო მოქმედება აქვს, თმას გამძლეობას და ელასტიკურობას ანიჭებს, გაუწყლოებისგან იცავს, სისხლის სიბლანტეს არეგულირებს.

ნაწლავებს წიდებისა და ტოქსინებისგან წმენდს.

თირკმლებსა და ნაღვლის ბუშტში კენჭების გაჩენას ხელს უშლის. ათეროსკლეროზის, ჰიპერტონიის და გულ-სისხლძარღვთა სხვა დაავადებებს აფერხებს, ნერვული სისტემის მოქმედებას არეგულირებს, გამძლეობას და შრომისუნარიანობას ზრდის.

იმუნურ დაცვას აძლიერებს, სტეროიდული ჰორმონების, კოლაგენის წარმოქმნაში მონაწილეობს, ნაღვლის გამოყოფას სტიმულირებს, ოსტეოპორიზისგან იცავს.

ოხრახუში შეშუპების საწინააღმდეგოდ

ოხრახუშით შეშუპების მკურნალობის მეთოდები ორგანიზმში სითხის შეკავების მიზეზებზეა დამოკიდებულია. შეშუპება შეიძლება იყოს თირკმლის დაავადებების სიმპტომები (თირკმლის უკმარისობა, ნეფროზი), გულ-სისხლძარღვთა სისტემა (გულის და ვენური უკმარისობა), ასევე ენდოკრინული ჯირკვალი.

შეიძლება გაჩნდეს ჭარბი წონის დროს, ქალებში ჰორმონალური დისბალანსის ფონზე, ფეხებზე ძლიერი დატვირთვის დროს, ქვედა კიდურების დაზიანების, ნაკლები მოძრაობის, მჯდომარე ცხოვრების წესის, ვიწრო ფეხსაცმლის ტარების ჩვევის, მარილის და დღის მეორე ნახევარში წყლის ჭარბი რაოდენობით მოხმარების გამო.

შეშუპების მოსაშორებლად ოხრახუშის ნახარში გამოიყენება, თუ ორგანოების სერიოზული დარღვევა არ ფიქსირდება და მედიკამენტებით თერაპიის არ გადიხართ.

მცენარე მძიმე სიმპტომებს ხსნის და სხვადასხვა პათოლოგიურ პროცესებზე გავლენას ახდენს: ანთებით პროცესებს აფერხებს, მტკივნეულ შეგრძნებას ამცირებს, ჭარბ სითხეს აქრობს, ორგანიზმიდან მარილები გამოაქვს, დაზიანებულ სახსარზე მოძრაობის მოცულობას ზრდის, ქსოვილების დონეზე ნივთიერებათა ცვლას არეგულირებს, ვენური სისხლძარღვების კედლებს აძლიერებს და კაპილარების წყვეტას ამცირებს, სისხლის სიბლანტეს არეგულირებს და მის ტროფიკულ თვისებას აუმჯობესებს, ბოჭკოების სინთეზში მონაწილეობს, ქოლესტერინის მაჩვენებელს ამცირებს, რაც ათეროსკლეროზის ფირფიტების წარმოქმნის პროფილაქტიკას წარმოადგენს.

ფეხის შეშუპების მკურნალობა ოხრახუშით

ხალხურ მედიცინაში სამკურნალო ნედლი მასალის სახით მცენარის ყველა ნაწილი (ფესვები, ფოთლები, თესლი) გამოიყენება. მათი სასარგებლო თვისება და ქიმიური შემადგენლობა პროდუქტის სახეობასა და ხარისხზეა დამოკიდებული. სამკურნალო მიზნით ჩვეულებრივ ფოთლოვან ან ფესვებიან ოხრახუშს ირჩევენ.  რჩევა! გირჩევთ ოხრახუში თავად მოიყვანოთ ან გარანტირებულად უსაფრთხო პირობებში (ნიტრატების და ქიმიური საშუალებების გამოყენების გარეშე გაზრდილი) მოყვანილი პროდუქტი შეიძინოთ.

ფესვების, ფოთლების, თესლის ნახარში და ნაყენი

ფესვებისა და ფოთლებისგან ნაყენის მომზადების რეცეპტი: ოხრახუში გამდინარე წყალში გარეცხეთ და გააშრეთ. დააბლენდერეთ ან წვრილად დაჭერით. ნარევს ცხელი წყალი 1:2 პროპორციით დაასხით. თავდახურულ ჭურჭელში დაახლოებით 1 საათით გააჩერეთ, შემდეგ რამდენიმე ფენად გაკეცილ მარლაში გადაწურეთ. 50-75 მლ ნაყენი დღეში 3-ჯერ, ჭამის შემდეგ დალიეთ სანამ სიმპტომები ბოლომდე არ გაქრება. ჭარბი სითხის გამოდევნის დასაჩქარებლად და გემოს გასაუმჯობესებლად ნაყენს 1 ჩ/კ თაფლი და რამდენიმე წვეთი ლიმონის წვენი დაუმატეთ.

შეშუპების დროს ოხრახუშის თესლის ნაყენიც დაგეხმარებათ

1 ს/კ თესლს 1 ჭიქა მდუღარე წყალი დაასხით. სუსტ ცეცხლზე დადგით და ადუღების შემდეგ კიდევ 5-10 წუთით ხარშეთ. დააყენეთ და გადაწურეთ. 1/3 ჭიქა ნაყენი დღეში 3-ჯერ, ჭამამდე დალიეთ.

ნახარში რძით

ოხრახუშის ნახარში რძით გამოიყენება, როგორც ანთების საწინააღმდეგო და შარდმდენი საშუალება, ასევე სახსრების ტკივილის შესამსუბუქებლად. შეშუპების მოსახსნელად მწვანილი გადაარჩიეთ, ნაგავი და დამჭკნარი ფოთლები მოაშორეთ.

კარგად გარეცხეთ და მდუღარე წყალი გადაავლეთ. ფოთლები წვრილად დაჭერით და ცეცხლგამძლე ჭურჭელში ჩაყარეთ, რძე დაასხით და აურიეთ. ნახარში წინასწარ გახურებულ ღუმელში შედგით და 150 გრადუსზე ხარშეთ. 2 ს/კ გაწურული ნახარში ყოველ 1-1,5 საათში დალიეთ.

შეშუპების საწინააღმდეგო ჩაი

სამკურნალო სასმელის მოსამზადებლად მცენარის ყველა ნაწილი გამოიყენება. ოხრახუშის ფოთლები და ფესვი გარეცხეთ და ბლენდერით ან ხორცის გასატარებელი მანქანით დააქუცმაცეთ. 1 ს/კ მიღებული მასა ჭურჭელში მოათავსეთ და 1 ს/კ ოხრახუშის თესლი და ამდენივე შავი ჩაის ფოთლები დაუმატეთ, ყველა ინგრედიენტი აურიეთ. 900 მლ მდუღარე წყალი დაასხით, თავდახურული 7-10 წუთით დააყენეთ. გადაწურეთ და 200-250 მლ ჩაი ყოველ 2 საათში დალიეთ. სურვილის შემთხვევაში ჩაის პიტნის ფოთლები, ბარამბო, ლიმონი და თაფლი დაუმატეთ.