ორმაგი ნიკაპი გამოჩენას ვერ ბედავს. ყოველ დილით პირსახოცით რიტუალს ვასრულებ

როგორ მოვიშოროთ ორმაგი ნიკაპი ეფექტურად? ეს ბევრ ქალს აწუხებს. ზოგი თვლის, რომ ეს პიკანტური პრობლემა ჭარბ წონას უკავშირდება. სხვები ირწმუნებიან, რომ ორმაგი ნიკაპის სპონსორია არასწორი დგომა, მით უფრო ოფისში მუშაობის და მჯდომარე ცხოვრების წესის პირობებში. რა გვიშლის ხელს სახის ლამაზი ფორმის მიღებაში?  რა გამოსავალი არსებობს?

როგორ მოვიშოროთ ორმაგი ნიკაპი ეფექტურად

ორმაგი ნიკაპის გაჩენის შესახებ ბევრი ვარაუდი არსებობს. უფრო მნიშვნელოვანია, რომ მის გაჩენას ზოგიერთი სამედიცინო მიზეზი ხელს უწყობს. მაგალითად, ფარისებრი ჯირკვლის პრობლემები და დგომის დარღვევა. თუ ხვდებით, რომ ამ უსიამოვნების მიზეზი რაღაც სერიოზული მდგომარეობაა, ექიმს აუცილებლად მიმართეთ.

უნივერსალური მეთოდი

სველი პირსახოცით ორმაგი ნიკაპის მოშორება შეგიძლიათ სცადოთ. ცხელ მარილიან წყალში უნდა დაასველოთ. 1 ჩ/კ მარილი 1 ჭიქა წყალს დაუმატეთ. არ გადააჭარბოთ! წყალი ძალიან არ გააცხელოთ. ნებისმიერი კოსმეტიკური ან მასაჟის მანიპულაცია მტკივნეული ან უსიამოვნო არ უნდა იყოს.

მასაჟის დროს პირსახოცი წყალში პერიოდულად დაასველეთ. ფრთხილად დაასველეთ, მსუბუქად გაწურეთ. პირსახოცი სველი უნდა იყოს, მაგრამ წყალი არ უნდა წვეთავდეს. ახლა პირსახოცი ბოლოებით დაიჭირეთ და ნიკაპის შიდა მხარე ტყაპუნა მოძრაობით დაიმასაჟეთ.

ტყაპუნა მოძრაობებს შორის ნიკაპი ხელით დაიზილეთ, შემდეგ ისევ პირსახოცი გამოიყენეთ. ყელის ცენტრალური და გვერდითა ზონებიც უნდა დაიმუშავოთ. დაახლოებით 100 ტყაპუნა მოძრაობა გააკეთეთ. მასაჟი ყინულის კუბის წასმით დაასრულეთ ან გრილი წყლით დაიბანეთ.

უჩვეულო ხელსაწყო

გუაშა ორმაგი ნიკაპის მოშორებაში დაგეხმარებათ. დაგჭირდებათ თავად ქვა–მასაჟორი, ასევე სახის და ყელის კანის შრატი. ცოტა შრატი წაისვით და კანი ნეფრიტის მასაჟორით მსუბუქად დაიმასაჟეთ. ყურადღება მიაქციეთ, რომ სჯობს ქვის გუაშა გამოიყენოთ და არა პლასტმასის.

გუაშას მასაჟორის გამოყენების ინსტრუქცია ინტერნეტში ან იუთუბზე ნახეთ. ამ თემაზე ბევრი ვიდეო არსებობს. გაითვალისწინეთ, რომ ასეთ მასაჟს უკუჩვენებაც აქვს. მაგალითად, თუ კანზე გამონაყარი გაქვთ, მაშინ გუაშას გამოყენება არ შეიძლება.

პრობლემური კანის მქონე ადამიანებს გამონაყარი შეიძლება გაეზარდოთ, თუ ასეთ მასაჟორს გამოიყენებენ. გარდა ამისა, ზედმეტი ზეწოლა კანს აზიანებს და სისხლჩაქცევებს იწვევს. ლიმფური კვანძების გარშემო კანთან სიფრთხილე გამოიჩინეთ. მათი დაზიანება არ შეიძლება.

როგორ მოვიშოროთ ორმაგი ნიკაპი სახლში

როგორი მასაჟიც არ უნდა აირჩიოთ, გახსოვდეთ, რომ კანთან სიფრთხილე გმართებთ. არ დაუშვათ, რომ რაღაც კარგის მიღწევის მცდელობისას უარესი შედეგი მიიღოთ. გვესმის, რომ ყველას დაჭიმული და ლამაზი კანი სურს. ლამაზი სხეული მძიმე შრომაა, რომელსაც ერთ დღეში ვერ მიიღებთ. თქვენს სხეულს გაგებით და სიყვარულით მოეპყარით.