ყვავილები
მეზობლებს დაურიგებთ პომიდორს, თუ ივლისში ამ სასწაულებრივი ნარევით გამოკვებავთ
![](https://alltime.ge/wp-content/uploads/2023/07/Poster_2023_07_06-17_06_44.jpg)
პომიდვრის ნაცრით გამოკვება კარგი მეთოდია, რომ მცენარე სასარგებლო ნივთიერებებით გაავსოთ. თუ პომიდორს ივლისში გამოკვებავთ, უხვი მოსავლის მიღებას შეძლებთ. Аlltime.ge–ს რედაქცია გასწავლით, როგორ გააკეთოთ სწორად.
პომიდვრის გამოკვება ნაცრით
ნაცრით კვება რამდენიმე მიზეზით კარგია. პირველ რიგში, უფასოა. მეორეც, მასში ქიმიური კომპონენტები არ შედის. სუფთა ორგანულია. ასეთი სასუქი რამდენიმე წუთში შეგიძლიათ მოამზადოთ. ძალიან მოსახერხებელია, როცა ბევრი სხვა საყოფაცხოვრებო საქმე გაქვთ.
ნაცარი პომიდორს სწრაფად ზრდაში ეხმარება. კარგი მეთოდია მცენარე ფიტოფთორისა და სხვა უსიამოვნო დაავადებისგან დაიცვათ. გარდა ამისა, ნაცარი პომიდვრის მომწიფების სხვადასხვა სტადიაზე შეგიძლიათ გამოიყენოთ. მაგალითად, თუ ამ ნივთიერებით ნერგს გამოკვებავთ, ახალ გარემოს სწრაფად შეეგუება და გაფესვიანდება.
უკვე ზრდასრული მცენარეც ნაცრით გამოკვებაზე მადლობას გეტყვით. სტრესისადმი გამძლეობას ზრდის და ნაყოფის ხარისხს აუმჯობესებს. მოსავალი უფრო გემრიელი გამოვა!
როგორ გავაკეთოთ სასუქი ნაცრით
სასუქის მოსამზადებლად დაგჭირდებათ 1 კგ ნაცარი, ასევე 1 კგ მდოგვის კოპტონი და კვერცხის ნაჭუჭი. ბოლო ორი ინგრედიენტი ასეთი რაოდენობით სახლში შეიძლება არ გქონდეთ, მაგრამ მებაღეობის მაღაზიაში შეგიძლიათ შეიძინოთ ან ონლაინ შეუკვეთოთ.
ყველა კომპონენტი აურიეთ და მიღებული ნარევი კვლევს მოაყარეთ. სათბურისთვის იდეალური სასუქია. სასუქის მოყრის შემდეგ კვლები უხვად მორწყეთ. ასე ათვისების პროცესს დააჩქარებთ. სულ ესაა!
რძემჟავა სასუქი პომიდვრისთვის
პომიდვრისთვის შეგიძლიათ გამოიყენოთ სხვა ნატურალური სასუქი, მაგალითად, რძემჟავა პროდუქტი. გამოცდილი მებოსტნეები რძის შრატს სასუქად ხშირად იყენებენ. ასე მოსავლიანობა იზრდება და მცენარე სოკოვანი დაავადებებისგან დაცული ხდება.
ამ ნატურალურ სასუქს მცენარისთვის დიდი სარგებელი მოაქვს. მასში შემავალი თუთია, რკინა, კალციუმი, კალიუმი, ფოსფორი და ამინომჟავები მცენარეს მწვანე მასის ზრდაში და ხარისხიანი ნაყოფის ფორმირებაში ეხმარება.
გარდა ამისა, რძემჟავა ხსნარი შესხურებისას ფოთლებს ფარავს თხელი ფენით, რომელიც სოკოსთვის ბარიერს წარმოადგენს. მავნებელი მწერები კვდება, რადგან შრატის ლაქტოზას ვერ ინელებს.
ფესვების დასამუშავებლად შრატი ოთახის ტემპერატურის წყალში 1:10 თანაფარდობით გააზავეთ. ამ ხსნარით ფესვების სისტემა მცენარის ღეროდან 50 სმ–ს რადიუსში მორწყეთ. ფოთლოვანი კვებისთვის წყლისა და შრატის 3:1 თანაფარდობა გამოიყენეთ. ხსნარი უკეთ რომ მიეკრას, რამდენიმე კოვზი თხევადი საპონი დაუმატეთ.
მხოლოდ ახალმომზადებული საშუალება გამოიყენეთ. თუ რძის სოკო დუღილს დაიწყებს, შეიძლება გაჩნდეს არასასურველი პათოგენური მიკროფლორა, რომელიც მცენარეს აზიანებს.
სხვა რჩევები
პომიდვრის გაზრდისას დიდი მნიშვნელობა აქვს, როგორ მოამზადებთ კვლებს ნერგების დასარგავად. წინასწარ უნდა გამოკვებოთ. მაგალითად, გადამწიფებული ჩიტის სკინტლი გამოიყენეთ. მასში არის ყველა აუცილებელი ორგანული ნივთიერება და აზოტი. სასუქი დაუმატეთ კვლებს, სადაც პომიდვრის დარგვას გეგმავთ. გარდა ამისა, სუპერფოსფატი შეგიძლიათ დაუმატოთ. ამ შემთხვევაში, ნერგები სრულფასოვნად გამოიკვებება.
საფუარის ხსნარი გაზაფხულზე, დარგვამდე 1 დღით ადრე შეგიძლიათ გამოიყენოთ. კალიუმის პერმანგანატი და 10 გ საფუარი 1 ვედრო წყალში გახსენით. საფუარი 1 დღე დააყენეთ. 220 მლ ხსნარი თითო ორმოში ჩაასხით.
ნაცარი მიწის დასამუშავებლად გამოგადგებათ. ბევრ კალიუმს შეიცავს, ამიტომ მიწისთვის სასარგებლოა. 100 გ ფერფლი ორმოზე საკმარისია. ნერგების დარგვის შემდეგ ზემოდან კომპოსტი ან შავი მიწა მოაყარეთ.
ამის შემდეგ ნეშომპალა შეგიძლიათ გამოიყენოთ. 10 დღის შემდეგ ნერგები წყლისა და ქათმის სკინტლის ხსნარით დაამუშავეთ. 1:15 თანაფარდობა გამოიყენეთ. ხსნარი მიწას დაუმატეთ, ზემოდან ხის ფერფლი მოაყარეთ. ორმაგი გამოკვება გამოვა.
![](https://alltime.ge/wp-content/uploads/2018/12/Alltime.png)