თავის მოვლა
კუპრის საპნის ანტიასაკობრივი ეფექტი სახის კანზე: სასარგებლო რჩევები
![](https://alltime.ge/wp-content/uploads/2020/10/thumb-2.jpg)
ადრეც ვიცოდი, რომ კუპრის საპონი შესანიშნავი ანტისეპტიკური საშუალებაა. ადრე არყის კუპრის საპონს ხშირად ვიყენებდი ანთების, გამონაყარის და აკნეს გასაქრობად. შემდეგ კი ბევრი ახალი კრემი, ტონიკი და სხვა საშუალება გამოჩნდა. გულწრფელად რომ ვთქვა, მათში უკვე დავიბენი. რა თქმა უნდა, ისინი ეფექტურია, მაგრამ ხალხურ საშუალებებსაც არ ვივიწყებ.
დედაჩემი ყოველთვის ასაკთან შედარებით უფრო ახალგაზრდულად გამოიყურებოდა, კოსმეტიკიდან ერთადერთ დამატენიანებელ კრემს იყენებს. ახლა მისი საიდუმლოს გაგება ძალიან მსურს. მან მითხრა, რომ მთელი ცხოვრება სახისთვის მხოლოდ კუპრის საპონს იყენებს. რეცეპტი იმწამსვე ჩავიწერე და ახლა თქვენ გიზიარებთ.
როგორ გამოვიყენოთ კუპრის საპონი სახისთვის
თქვენ დაგჭირდებათ:
- კუპრის საპონი
- გულყვითელა
მომზადება:
- პირველ რიგში, ნახარში მოამზადეთ. ნახევარი ჭიქა წყალი ადუღებამდე მიიყვანეთ, 0,5 ს/კ გულყვითელა ჩაყარეთ და 5 წუთით ადუღეთ.
- საპნის ნატეხი წვრილ სახეხზე გახეხეთ. ნახარშს დაუმატეთ და ააქაფეთ.
ახლა ნარევი სახეზე წაისვით და 15-20 წუთით გაიჩერეთ. შემდეგ გრილი წყლით ჩამოიბანეთ და მკვებავი კრემი წაისვით. ეს ჯადოსნური საშუალება კვირაში 2–ჯერ გამოიყენეთ.
კუპრის საპნის არჩევისას შემადგენლობას ყურადღება მიაქციეთ. თქვენ არყიდან მიღებული საპონი გჭირდებათ. ის დაგეხმარებათ დერმატოლოგიური დაავადებების, კანის ზოგადი პრობლემების, ნაოჭების და პიგმენტური ლაქების დროს. ბევრი ამბობს, რომ კუპრის საპნის მუდმივი გამოყენების შემდეგ კანი უფრო მოქნილი, გლუვი და ელასტიკური გახდა.
რეცეპტში გულყვითელა ტყუილად არ გვხვდება. ის ანტიასაკობრივი ეფექტით უკვე დიდი ხანია ცნობილია. ამასთან, მცენარე სახის ფერს აუმჯობესებს, ფორებს ავიწროებს და გაღიზიანებას აქრობს. გულყვითელა და კუპრის საპონი ნამდვილად ძლიერ საშუალებას ბადებენ!
დღესდღეობით ბევრი იმედგაცრუებულია ქიმიკატებით სავსე მაღაზიის საშუალებებით. სწორედ ამიტომ, ნატურალური ინგრედიენტები კვლავ მოდაში შემოვიდა. კუპრის საპნის კოსმეტოლოგიაში გამოყენება შესანიშნავ შედეგს იძლევა, რომლის უგულებელყოფა არ შეიძლება.
სხვათა შორის, საშუალება შეიძლება ალერგიული იყოს, ამიტომ გამოყენებამდე ტესტი ჩაიტარეთ. ცოტა საშუალება მაჯაზე წაისვით და 20 წუთით დაელოდეთ. თუ სიწითლე, ქავილი არ გამოჩნდა, შეგიძლიათ ნიღაბი თამამად გამოიყენოთ.
კუპრის საპნის უსიამოვნო სუნმა არ შეგაშფოთოთ. ის გამძლე არაა და სწრაფად ორთქლდება. მთავარია – საპონი კარგად დახურულ სასაპნეში შეინახოთ.
![](https://alltime.ge/wp-content/uploads/2018/12/Alltime.png)