კატების კვების სპეციალისტი განმარტავს, რა არ უნდა აჭამოთ კუდიან ონავრებს

კატის კვება ერთ–ერთი მთავარი თემაა, რომელიც უნდა ისწავლოთ, თუ სახლში ფუმფულა ცხოველის ყოლა გსურთ. თუ კნუტს ან ზრდასრულ კატას არასწორად გამოკვებავთ, ბევრ პრობლემას მიიღებთ. პირველ რიგში, ეს ცხოველის ჯანმრთელობას შეეხება.

Аlltime.ge–ს რედაქცია გიამბობთ, რომელი კვების პროდუქტებია აკრძალულია კატებისთვის. აუცილებლად წაიკითხეთ, თუ სახლში კუდიანი მეგობრის მოყვანას აპირებთ.

კატის საკვები

ახლახანს ჩემი მეგობრის ძაღლმა დიდი ფილა შოკოლადი შეჭამა, სანამ სახლში მარტო იყო. აღმოჩნდა, რომ ამ პროდუქტმა ლეტალური შედეგი შეიძლება გამოიწვიოს, თუ ვეტერინარს დროულად არ მიმართავთ. კატებთან მსგავსი სიტუაციაა.

კატისთვის შოკოლადი არ შეიძლება, წინააღმდეგ შემთხვევაში ცხოველთან სამუდამოდ დამშვიდობება მოგიწევთ. მთელი პრობლემა შოკოლადში შემავალ განსაკუთრებულ ნივთიერებაშია. ესაა თეობრომინი. თუ უბედურება მაინც მოხდა, ვეტერინარულ კლინიკაში სასწრაფოდ წაიყვანეთ და ექიმის მითითებებს მიჰყევით.

რა თქმა უნდა, ერთი ნატეხი ტკბილეული გარანტია არაა, რომ ცხოველი მოკვდება, მაგრამ შეიძლება ცხოველის ჯანმრთელობაზე სერიოზული გავლენა მოახდინოს. მაგალითად, კრუნჩხვები და გულის პრობლემები გამოიწვიოს.

არაერთხელ მინახავს, რომ კატას რძეს, არაჟანს და სხვა რძის პროდუქტს აძლევენ. კატა მთელ თასს ბოლო წვეთამდე სიხარულით დალევს. ოღონდ ეს მისი ორგანიზმისთვის სასარგებლო არაა. პირიქით, ასაკოვანი კატა ლაქტოზას ვერ ამუშავებს. იგივე ადამიანების უმრავლესობას ეხება.

და მაინც, როგორც ჩვენს, ასევე კატის მენიუში დღემდე ძროხის რძე და მისგან დამზადებული პროდუქტები შედის. სულელური საქციელია, ასეა? თუ ცხოველი ბევრ ასეთ საკვებს მიირთმევს, გული აერევა. უარესს შემთხვევაში, კუჭი აეშლება.

რა არ უნდა ჭამოს კატამ

საოცარია ახლოსაა! ზოგიერთი კატა უმ ხახვზე გიჟდება. მეპატრონე ფიქრობს, რომ ეს პროდუქტი ყველასთვის სასარგებლოა, ამიტომ ცხოველს მისი ჭამისკენ უბიძგებს. ოღონდ ამის გაკეთება არ შეიძლება. ხახვის ან ნივრის ჭარბი მიღება ცხოველში ანემიას იწვევს. გარდა ამისა, კუჭ–ნაწლავის ტრაქტის მუშაობა ირღვევა.

აკრძალულია ნებისმიერი სახის სოკო, მათი მომზადების მეთოდის მიუხედავად. კატისთვის ცარიელი საკვებია. თან დიდ ზიანს აყენებს. სოკო შეიცავს ტოქსინებს, რომელიც გრძელვადიან პერსპექტივაში ორგანიზმში გროვდება.

ყველა მფლობელი კატას სპეციალურ საკვებს არ აჭმევს. ხშირად სთავაზობენ ადამიანისთვის ნაცნობ პროდუქტებს, ე.წ. ნატურალურს. კატას ზოგიერთი საკვები ნამდვილად შეგიძლიათ მიაწოდოთ, მაგალითად, უცხიმო თევზის ფილე. თევზის თავი და კუდი არავითარ შემთხვევაში არ მისცეთ.

პირველ რიგში, თევზის ბასრი ძვალის გადამუშავება რთულია. მეორეც, ცხოველის კუჭი შეიძლება დააზიანოს. გარდა ამისა, თევზით მუდმივად კვება არ შეიძლება, რადგან მასში ბევრი ფოსფორი შედის. ამ მიკროელემენტის გადაჭარბებამ შეიძლება შარდკენჭოვანი უსიამოვნება გამოიწვიოს.

იგივე თევზის კონსერვებს ეხება. ისინი სავსეა კონსერვანტებით, მათში ბევრი შაქარი და სხვა პროდუქტია, რომლებიც კატებს არ სჭირდებათ. კატის რაციონისთვის საუკეთესო ვარიანტი არაა.

ძეხვის და სხვა ხორციანი პროდუქტის შემთხვევაში მსგავსი სიტუაციაა. უბრალოდ შემადგენლობა შეისწავლეთ. მარილი, წიწაკა, კონსერვანტები, შაქარი და სხვა საძაგლობა, რომელიც მასში შედის, ცხოველისთვის კარგი არაა. ამან შეიძლება სხვადასხვა დაავადების განვითარება გამოიწვიოს.

რედაქციის რჩევა

ბოლოს, ყველაზე ნაკლებად თვალსაჩინო პროდუქტს გთავაზობთ. კატას ყურძენი და ქიშმიში არ აჭამოთ. ასეთი პროდუქტი ცხოველის კუჭ–ნაწლავის ტრაქტის მუშაობაზე ცუდად აისახება და მოწამვლა შეიძლება გამოიწვიოს. ეს უსიამოვნებების მხოლოდ ნაწილია, რომელიც აუცილებლად გამოჩნდება, თუ კატას ყურძენს ან ქიშმიშს ხშირად აძლევთ. ასე არ გააკეთოთ!

კატის კვება ცარიელი სიტყვა არაა. ყველაფერი, რაც ხელში მოგყვებათ, არ უნდა მისცეთ, რომ დიდხანს და ბედნიერად იცხოვროს. ვეტერინარს შინაური ცხოველის კვებაზე რჩევა ყოველთვის ჰკითხეთ, სანამ რაციონს შეუცვლით. ეს მნიშვნელოვანია.