თეთრებიანი საშუალება, რომელიც სარეცხი მანქანის გაწმენდაში დაგეხმარებათ

ბოლო დროს ჩემს სარეცხ მანქანას ცუდი სუნი ასდის. არ ვიცი, რა არის მიზეზი და როგორ მოვიშორო. ამის შესახებ დედამთილთან დავიჩივლე. ისიც მეორე დღეს სააფთიაქო საშუალებით ხელში მესტუმრა. სარეცხი მანქანის გაწმენდა მასწავლა.

Аlltime.ge–ს რედაქცია გიამბობთ, რომელი თეთრებიანი საშუალება გამოგადგებათ სარეცხი მანქანის გასაწმენდად და უსიამოვნო სუნის გასაქრობად.

როგორ გავწმინდოთ სარეცხი მანქანა შიგნიდან

სარეცხი მანქანა დიასახლისის ერთგული დამხმარეა, რომელზეც სწორად უნდა იზრუნოთ. თუ ხედავთ, რომ ცუდად რეცხავს და უსიამოვნო სუნი ასდის, მაშინვე გაწმინდეთ. შეგახსენებთ, რომ სარეცხ მანქანას როგორც შიგნიდან, ასევე გარედან წმენდა სჭირდება, რომ ყვითელი ლაქებით არ დაიფაროს და გარეგნულად ძველ ტექნიკას არ დაემსგავსოს.

ყველა ამ პრობლემას ერთი საშუალებით მოაგვარებთ. ეს ჩვეულებრივი წყალბადის ზეჟანგია. სულ ორი ბოთლი დაგჭირდებათ, რომ სარეცხი მანქანა შიგნიდან და გარედან გაწმინდოთ.

შიგნიდან წმენდით დაიწყეთ. 1 ბოთლი წყალბადის ზეჟანგი კონდიციონერის უჯრაში ჩაასხით და გავლების რეჟიმზე რეცხვის ციკლი ჩართეთ. წყალბადის ზეჟანგი სარეცხ მანქანას დეზინფექციას ჩაუტარებს და უსიამოვნო სუნს გააქრობს. რეცხვის შემდეგ კარი ღია დატოვეთ, რომ სწრაფად გაშრეს.

სისუფთავე გარედან

ახლა მის გარეგნულ სისუფთავზე იზრუნეთ. ჯერ მტვერი და ჭუჭყი მოაშორეთ. ამისთვის რბილი ჩვარი გამოიყენეთ. შემდეგ ბამბის დისკი წყალბადის ზეჟანგში დაასველეთ და მთელი კორპუსი გაწმინდეთ. ყვითელი ლაქები განსაკუთრებით დაამუშავეთ. შედეგი მაშინვე გამოჩნდება.სარეცხი მანქანა გათეთრდება.

სარეცხი მანქანის კარზე შემამჭიდროებელი რეზინი აუცილებლად გაწმინდეთ. მასში ობი ხშირად ჩნდება, რაც უსიამოვნო სუნს იწვევს. ბამბის დისკით და წყალბადის ზეჟანგით გაწმინდეთ. ასე დეზინფექციას ჩაუტარებთ და ობის გაჩენას თავიდან აიცილებთ.

ერთი იაფი საშუალება სარეცხი მანქანის მოსავლელად საკმარისია. ასე თვეში ერთხელ გაწმინდეთ, რომ უსიამოვნო პრობლემებზე აღარ იდარდოთ.