ექვსი ორიანის დღე. რა საიდუმლოს მალავს 2022 წლის 22 დეკემბერი და როგორ გავატაროთ

ძალიან საინტერესო თარიღი 2022 წლის 22 დეკემბერი, ექვსი ორიანის დღე ახლოვდება. ნუმეროლოგიის თვალსაზრისით, მასში ბევრი საიდუმლოა დაშიფრული. Аlltime.ge–ს რედაქცია გიამბობთ, როგორ გაატაროთ ეს დღე წარმატების და კეთილდღეობის მოსაზიდად. ვსელენას, კვანტური ეზოთერიკოსის და ბიოენერგეტიკოსის რჩევებს გიზიარებთ.

თუ ვანგას პროგნოზს დავუჯერებთ, 2022 წლის 22 დეკემბერს კაცობრიობას რაღაც კატასტროფული ელოდება. ვსელენა ამ პროგნოზს არ ეთანხმება და დეტალურად განხილვას გვირჩევს.

2022 წლის 21 დეკემბერს ზამთრის მზებუდობაა, ანუ 20-დან 21 დეკემბრამდე წლის ყველაზე გრძელი ღამე და ყველაზე მოკლე დღე იქნება. „ამ მომენტში ენერგეტიკულ ფსკერზე დავალთ, სადაც სიცოცხლის და მზის ენერგია მინიმალურია, ხოლო სიბნელის ენერგია მაქსიმალური“ – ამბობს სპეციალისტი.

ადრე ამ დღისთვის წინასწარ ემზადებოდნენ. ზამთრის მზებუდობამდე 1 კვირით ადრე ადამიანები ძალიან მძიმე შინაგან მდგომარეობას განიცდიდნენ. ამ დროს კოსმოსური გავლენის გამო ჩვენში ბნელი ძალები და დემონები იღვიძებს. ყველა ჩონჩხი ცოცხლდება და ჩვენზე ნეგატიურად მოქმედებს. ეს შინაგანი განცდების პერიოდია. ან გავიწმინდებით ან შიში და განცდა გაიზრდება.

კვანტური კალენდრის მიხედვით, 16 დეკემბერს ყველაზე რთული ათწლეული დაიწყო. გველოდება ენერგიის დრო, რომელიც მიჯაჭვულობისგან გაგვათავისუფლებს. ამ პერიოდში შინაგან შიშებთან და დაბრკოლებებთან შეჯახება მოგვიწევს. აქედან რაღაც სასარგებლოს მიღებას შეძლებთ ან ცხოვრებაზე მათ გავლენას გააძლიერებთ.

როგორ მოვემზადოთ 2022 წლის 22 დეკემბრისთვის

16 დეკემბრიდან მომზადება დაიწყეთ. მომდევნო 6 დღე სხვადასხვა სულიერი მდგომარეობა უნდა განიცადოთ, შინაგან მეს შეეჯახოთ. სიმძიმე და ენერგეტიკული ბორკილები მოიშორეთ, რომ ახალი წელი დამძიმებულმა არ დაიწყოთ.

ზამთრის მზებუდობაზე ადრე სხვადასხვა რიტუალს ასრულებდნენ. ამბობდნენ იმას, რისი მიღებაც მომავალ წელს სურდათ. მაგალითად, თესლზე შელოცვას უხვი მოსავლის მისაღებად იყენებდნენ.

ხშირად ხალხი ზომიერად ცხოვრობს და არ ფიქრობს, რომ პირდაპირ ახლა მისი გრძელვადიანი პერსპექტივა ყალიბდება. მომავალი მოვლენების გენეტიკა დამოკიდებულია იმაზე, როგორ გაუმკლავდებით შინაგან დემონებს 16-დან 21 დეკემბრამდე.

ვანგას პროგნოზის მიუხედავად, 22 დეკემბერს რაღაც ფატალური მოსალოდნელი არაა, რადგან წელს ყველაფერი უკვე მოხდა, რაც შეიძლება მომხდარიყო. ყველა სოციალური, ეკონომიკური და პოლიტიკური პროცესები შიგნიდან მიმდინარეობს, რომელიც თავის ნაყოფს მომავალ წელს გამოიღებს.

2022 წლის 22 დეკემბერს ახალი მზე და ახალი ენერგია დაიბადება, რომელიც თქვენს პოტენციალს გამოავლენს. ასე ახალ კალენდარულ წელზე მსუბუქად გადახვალთ.

ციფრი 2 ნუმეროლოგიაში

2022 წლის 22 დეკემბრის თარიღში ბევრი ორიანი მიგვითითებს, რომ საქმე ანგელოზურ ნუმეროლოგიასთან გვაქვს. ნუმეროლოგები ამბობენ, რომ გარკვეული ციფრების კომბინაცია საიდუმლო შიფრს მალავს. ანგელოზურ ნუმეროლოგიაში ერთი და იმავე ციფრის კომბინაცია იგულისხმება, რომელიც ნებისმიერ ადგილას შეიძლება შეგხვდეთ. მაგალითად, საათზე, ბილეთზე, დოკუმენტზე და ა.შ.

სამმაგი ორიანი, რომელიც ამ თარიღში გვხვდება, განსაკუთრებულია. ის დადებით ენერგიას ატარებს და უკეთესობისკენ ცვლილებებს გვპირდება. ეს ცხოვრების სხვადასხვა სფეროს ეხება. ანგელოზური რიცხვი სასიყვარულო ურთიერთობაში გაუმჯობესებას გვპირდება.

მომგებიანი ნაცნობობა, ნანატრი ქორწილი ან ახალ ბინაში გადასვლა ეს ყველაფერი სამმაგი ორიანის გავლენით მოხდება. გარდა ამისა, ჯადოსნური რიცხვი რთულ სიტუაციებშიც სიმშვიდეს მოგანიჭებთ. ასე ნებისმიერ საქმეში ბალანსს იპოვით.

16-დან 21 დეკემბრამდე სწორად იცხოვრეთ, რომ ახალ წელს შინაგანი ტრანსფორმაციები მიიღოთ. ცვლილებები ცხოვრების გაუმჯობესების შანსს გაძლევთ, ასე რომ არ შეგეშინდეთ.