გიგანტურ სტაფილოს გაზრდით, თუ სწორად მორწყავთ

როგორ მორწყათ სტაფილო ღია გრუნტში, რომ უხვი მოსავალი მიიღოთ? გამოცდილმა მებოსტნეებმა იციან, რომ მხოლოდ წყალი საკმარისი არაა. ეს ბოსტნეულის კულტურა უპრეტენზიო მოსავლელია, მაგრამ კვლებს ყურადღება უნდა მიაქციოთ. Alltime.ge–ს რედაქცია გიამბობთ, როგორ გააკეთოთ ეს სწორად.

როგორ მორწყათ სტაფილო ღია გრუნტში

მორწყვის სიხშირესა და სიუხვეზე დამოკიდებულია, რამდენად უხვი იქნება მოსავალი. ამაზე, თავის მხრივ, ბევრი ფაქტორი გავლენას ახდენს. მაგალითად, ნიადაგის ტიპი. თუ მულჩს იყენებთ, სტაფილო უფრო იშვიათად შეგიძლიათ მორწყათ. ამავდროულად, ბევრი წყლით უნდა მორწყათ.

თუ კულტურა მძიმე ნიადაგზე იზრდება, ხშირად მორწყვა სჭირდება. ყოველ მორწყვამდე რამდენიმე საათით ადრე მიწა ცოტა უნდა გააფხვიეროთ.

მცენარის მორწყვა ივლისში ძალიან მნიშვნელოვანია. სწორედ შუა ზაფხულში სტაფილოს ფესვების ფორმირება იწყება. ასევე ფოთლებიც ჩნდება. რაც უფრო დიდია, მით უფრო უხვი მოსავალი გაიზრდება.

ამ ეტაპზე სტაფილოს უხვად მორწყვა სჭირდება. არ დაუშვათ, რომ კვლებში ჭაობი წარმოიქმნას. ამან შეიძლება მცენარის ლპობა გამოიწვიოს. ივლისში იშვიათად, მაგრამ კარგად მორწყეთ. იდეალური წყლის რეჟიმი სტაფილოსთვის – 5-7 დღეში ერთხელ.

თუ გარეთ ძალიან ცხელა, ეს მორწყვა საკმარისი არ იქნება. ამ შემთხვევაში მცენარე ყოველ 3-4 დღეში ერთხელ მორწყეთ. ამინდის პირობებს თვალყური ადევნეთ, რომ სტაფილო არ გამოშრეს.

სხვათა შორის, ბოსტნეულის კულტურა ცივ წყალს არ აღიარებს. მოსარწყავად ქუჩაში მზეზე გამთბარი სითხე გამოიყენეთ.

აგვისტოში სტაფილოს ზომა თავის მაქსიმუმს აღწევს. გამოდის, რომ ბევრი სითხე აღარ სჭირდება. საკმარისია, მცენარე თვეში 1–2–ჯერ მორწყათ.

რა დავუმატოთ სტაფილოს სარწყავ წყალს

მოსავლის ხარისხის გასაუმჯობესებლად და მისი რაოდენობის გასაზრდელად სტაფილოს უბრალო წყლით მორწყვა საკმარისი არაა. მთელი ვეგეტაციის პერიოდში 2–ჯერ სარწყავ წყალს სამზარეულოს მარილი დაუმატეთ.

ნატრიუმის ქლორიდი ერთდროულად რამდენიმე მნიშვნელოვან პრობლემას აგვარებს. პირველ რიგში, მისი დახმარებით ყველა მკვებავი ნივთიერების ათვისება უმჯობესდება, რომელსაც ბოსტნეული ნიადაგიდან იღებს.

მეორეც, მარილიანი წყალი მავნებლებს აფრთხობს. თავად ნაყოფი უფრო ტკბილი ხდება. გარდა ამისა, მარილიანი წყლით მორწყვა მცენარეს ლპობისგან იცავს.

ხსნარის მოსამზადებლად 10 ლ წყალს 1 ს/კ (15 გ) სუფრის მარილი დაუმატეთ. კარგად აურიეთ, რომ მარილის მსხვილი ნაწილაკები კარგად გაიხსნას. სანამ მარილიან ხსნარს გამოიყენებთ, დარწმუნდით, რომ მიწა კარგად დატენიანებულია. ამ მოცულობის წყალი ზუსტად 2 მ² კვლისთვის გეყოფათ. მცენარე ფესვებთან მორწყეთ.

სხვა რჩევები

სახლის ტკბილი სტაფილო ნებისმიერი მებოსტნის სიამაყეა. ამ გემოს მისაღწევად ქიმიური მინერალური სასუქის გამოყენება აუცილებელი არაა. რამდენიმე ხალხური ხრიკი შეგიძლიათ გამოიყენოთ.

მაგალითად, ივლისში მცენარე ნაცრით უნდა გამოკვებოთ. მასში ბევრი კალიუმი შედის, რომელიც ძირნაყოფის ფორმირებისას ძალიან მნიშვნელოვანია. ნატურალური სასუქი რომ მოამზადოთ, 10 ლ თბილი წყალი და 1 ჭიქა ნაცარი აურიეთ. ხსნარი კარგად აურიეთ და მაშინვე სტაფილოს მოსარწყავად გამოიყენეთ. ასეთი ხსნარის მომარაგება არ შეიძლება, სხვა შემთხვევაში თავის სასარგებლო თვისებებს დაკარგავს.

ნაყოფი უფრო ტკბილი რომ იყოს, სპეციალური თამბაქოს მტვერი (ნაცარში არ აგერიოთ) გამოიყენეთ. სტაფილოს რიგებს შორის მიმოფანტეთ. სანამ სტაფილო იზრდება, საშუალება რამდენჯერმე განაახლეთ. თამბაქოს მტვერი არა მხოლოდ ნაყოფის გემოს გააუმჯობესებს, არამედ სტაფილოს ბუზს დააფრთხობს. ეს საზიზღარი მავნებელია, რომელიც მცენარეს ხშირად აზიანებს.

სხვათა შორის, სტაფილოს ბუზის მოსაშორებლად ნიშადურის სპირტიც გამოგადგებათ. ამისთვის 10 ლ წყალი და 1-2 ს/კ ნივთიერება აურიეთ. ბოსტნეულის კულტურა ამ ხსნარით გაზაფხულსა და ივნისში შეგიძლიათ მორწყათ. ხრიკი მომავალი სეზონისთვის შეინახეთ. მისი დახმარებით სტაფილოს ბუზის გაჩენას თავიდან აიცილებთ, ასევე აზოტის სასუქის როლს შეასრულებს. უხვ მოსავალს გისურვებთ!