გარგარის კურკის სასარგებლო თვისებები

გარგარის წვნიანი და გემრიელი ნაყოფი ზრდასრულებსა და ბავშვებს ერთნაირად უყვართ.

სასიამოვნო ფერი, ძლიერი არომატი და ნაზი გემო გარგარს ბევრი დესერტისთვის სასურველ ინგრედიენტად აქცევს, მაგრამ ბევრი მას აფასებს იმით, რაც ნაყოფის შიგნით იმალება.

გარგარის კურკის სასარგებლო თვისებები

გარგარის კურკის სასარგებლო თვისებები უძველესი დროიდან გამოიყენება. ჯერ კიდევ ძველ ეგვიპტეში გარგარის კურკის დაქუცმაცებულ ბირთვს ხმის დაკარგვის (ლარინგიტი) და კუნთების სისუსტის სამკურნალოდ იყენებდნენ.

ჩინელი მკურნალები გარგარის ბირთვის ზეთს კანის და სახსრების დაავადების სამკურნალოდ იყენებდნენ. შუა საუკუნეებში მკურნალი ავიცენი გარგარის კურკას ბრონქების სამკურნალოდ იყენებდა. ყველაფერი ეს შესაძლებელი კი გარგარის ბირთვში შემავალი სასარგებლო ნივთიერებებისა და ნაერთების წყალობით გახდა.

გარგარის კურკაში შემავალი სასარგებლო ნივთიერებები

ტოკოფეროლი (E ვიტამინი) ნაადრევ დაბერებას აფერხებს.

კალიუმი, კალციუმი, ფოსფორი და რკინა იმუნიტეტს აძლიერებს და ორგანიზმის ნორმალურ მუშაობას აფერხებს. კალიუმის და რკინის მაღალი შემცველობის წყალობით გარგარი ანემიის მოშორებაში დაგეხმარებათ.

იოდი და მაგნიუმი თავის ტვინის და ფარისებრი ჯირკვლის მუშაობას ხელს უწყობენ და ჰიპერტონიის ნიშნებს აქრობენ.

უჯერი ცხიმოვანი მჟავები ინტენსიური ფიზიკური დატვირთვის შემდეგ კუნთებს სწრაფად აღდგენაში ეხმარება, ასევე კანის, ფრჩხილებისა და თმის სილამაზესა და ჯანმრთელობაზეა პასუხისმგებელი.

B17 ვიტამინი (ამიგდალინი) სიმსივნის უჯრედებს ებრძვის.

B15 ვიტამინი სისხლძარღვებს აფართოებს, ქოლესტერინის დონეს ამცირებს, თირკმლებისა და ღვიძლის მუშაობაზე დადებით გავლენას ახდენს.

PP ვიტამინი ორგანიზმში მჟავე-აღმდგენ რეაქციას მხარს უჭერს.

საკვები ბოჭკოები ნაწლავებიდან ტოქსინებს გამოდევნიან, მის ტონუსს ზრდიან და სასარგებლო მიკროფლორის მუშაობას არეგულირებენ.

გარგარის კურკის ბირთვი სიმსივნის პროფილაქტიკისთვის

გარგარის კურკა, როგორც ატმის, ქლიავის, ალუბლის, ვაშლის კურკა მცირე რაოდენობით ამიგდალინს (B17 ვიტამინს) შეიცავს, რომელიც ცნობილია სახელწოდებით „ლაეტრილი“. სწორედ ის ბირთვს მწარე გემოს აძლევს.

მიკროელემენტებს შორის მასზე უფრო ურთიერთგამომრიცხავ ნივთიერებას ვერ იპოვით. ზოგიერთი მეცნიერი დარწმუნებულია, რომ ის სიმსივნის სამკურნალოდ ეფექტურია, ზოგი კი კოლეგებს დასცინის.

მიუხედავად იმისა, რომ ონკოლოგიური დაავადების სამკურნალოდ ლაეტრილის გამოყენებას რიგი დადასტურება აქვს, ოფიციალური მედიცინა მის ეფექტურობას არ აღიარებს.

უფრო მეტიც, საკვები პროდუქტების და მედიკამენტების ხარისხის კონტროლის ამერიკულმა მმართველობამ ამიგდალინზე დაფუძნებული მედიკამენტების გამოყენება აკრძალა. მიუხედავად ამისა, ბევრი მაინც იყენებს ამიგდალინს, როგორც ტრადიციული ქიმიოთერაპიის დამატებით საშუალებას და სიმსივნის პროფილაქტიკის საშუალებას. თუ B17 ვიტამინის ყიდვა შესაძლებელი არაა, მის მიღებას ბირთვიდან მარტივად შეძლებთ.

სიმსივნის პროფილაქტიკის მიზნით გარგარის მწარე ბირთვი ნედლი სახით უნდა მიირთვათ: 1 ბირთვი ყოველ 5 კგ-ზე. რეკომენდებულია, დილით მიირთვათ. საკვები შეგიძლიათ 1 საათის შემდეგ მიიღოთ.

მკურნალობის პერიოდში ექიმები გირჩევენ, რომ რაციონიდან შაქარი და ყავა გამორიცხოთ, რადგან ეს ბირთვის სამკურნალო ეფექტს გაზრდის. აღსანიშნავია, რომ ონკოლოგიური დაავადების მკურნალობა გარგარის ბირთვით დამხმარე პროცესს წარმოადგენს და მკურნალი ექიმის მიერ დანიშნული პრეპარატების მიღებაზე ან პროცედურების ჩატარებაზე უარი არავითარ შემთხვევაში არ უნდა თქვათ.

გარგარის ბირთვის გამოყენება ხალხურ მედიცინაში

გულის არითმიის დროს

არითმიის სამკურნალოდ ხალხურ მედიცინაში ასეთი რეცეპტი არსებობს: 0,5 კგ ლიმონი ხორცის გასატარებელ მანქანაში გაატარეთ ან გახეხეთ. 20 დაქუცმაცებული გარგარის კურკის ბირთვი დაუმატეთ და 0,5 კგ თაფლი დაასხით. კარგად აურიეთ. რამდენიმე დღე გრილ ადგილას შეინახეთ. 1 ს/კ დილას, უზმოზე და საღამოს, ვახშმის წინ მიიღეთ.

ნეფრიტის დროს

30 გრ გარგარის კურკის ბირთვს 100 მლ ადუღებული წყალი დაასხით, დაახლოებით 4 საათი დააყენეთ. 65 მლ სასმელი დღეში 3-ჯერ, ჭამამდე დალიეთ.

ჭიების საწინააღმდეგოდ

ჭიების საწინააღმდეგო სამკურნალო თვისება მხოლოდ ნედლ ბირთვშია. დღეში მაქსიმუმ 40 ბირთვი მიირთვით, ეს რაოდენობა რამდენიმე პორციად გაყავით.

გულის დაავადების დროს

10 გრ დაქუცმაცებულ ბირთვს 1 ჭიქა მდუღარე წყალი დაასხით. ნარევი ოდნავ გააგრილეთ, შემდეგ მზა გარგარის ჩაი დალიეთ. ჩაი ყოველდღე, ძილის წინ დალიეთ.

ბრონქიტის დროს

ხმელი გარგარის კურკები ყავის საფქვავში დააქუცმაცეთ, შემდეგ ნედლი 3-5 გრ ფხვნილს 200 მლ რძე ან ჩაი დაასხით. დღეში 2-ჯერ მიიღეთ.

გარგარის კურკის მომზადება და მისი შენახვა

ამზადებენ გარგარის კურკებს, მისგან მწიფე ბირთვს იღებენ. დაუმწიფებელი გარგარის კურკები გაშრობის და შენახვის დროს როგორც გარეგნულ სახეს, ასევე ხარისხის კარგავს და საკვებად უვარგისია.

პირველ რიგში, კურკები უნდა გააშროთ. მშრალ ადგილას ქაღალდი გაშალეთ, მასზე ერთ ფენად კურკები დააწყვეთ და გააშრეთ. ასევე შეგიძლიათ ხილისა და ბოსტნეულის სპეციალური საშრობი ან დაბალ ტემპერატურაზე ღუმელი გამოიყენოთ.

შეგიძლიათ მთელი ან დაქუცმაცებული და გასუფთავებული ბირთვი შეინახოთ. ზედა ფენის მოშორების შემდეგ ბირთვს უფრო სასიამოვნო გემო იქნება. ხოლო გაუსუფთავებული უფრო დიდხანს ინახება.

რედაქციის რჩევა

კურკის გატეხვის დროს ნამსხვრებები მთელ სამზარეულოში რომ არ მიმოიფანტოს, პატარა ხრიკი გამოიყენეთ.

საჭრელი დაფა აიღეთ, ჩვარი დააფარეთ, მასზე კურკები მოათავსეთ, ზემოდან მეორე ჩვარი დააფარეთ. ახლა შეგიძლიათ ჩაქუჩით გატეხოთ და ნამსხვრებების მიმოფანტვის არ შეგეშინდეთ.

ბირთვების შესანახად ქსოვილის ან ქაღალდის ქისა გამოიყენეთ. ასე არ დანესტიანდება. შეგიძლიათ მინის ან პლასტმასის ქილა აიღოთ, მაგრამ თავსახურის ნაცვლად მარლა ან ქსოვილი გამოიყენეთ. პროდუქტი ბნელ და მშრალ ადგილას მაქსიმუმ 12 თვე შეინახეთ.

პოტენციური საფრთხე და თავიდან როგორ ავიცილოთ

შეიძლება თუ არა გარგარის კურკის ჭამა? ამ კითხვაზე პასუხი ბევრმა ჯერ კიდევ ბავშვობაში მიიღო, როცა კურკას დიდი ენთუზიაზმით ტეხდნენ და ბირთვს მიირთმევდნენ. მთავარია – ჭარბად არ მიიღოთ.

ჰიდროქსიანურმა მჟავამ და მისმა მარილებმა, რომლებიც გარგარის ბირთვს სიმსივნის საწინააღმდეგო თვისებებით უზრუნველყოფენ, დიდი რაოდენობით მიღებამ შეიძლება ადამიანს ზიანი მიაყენოს.

სპეციალისტები ამბობენ, რომ 40 გრამზე მეტი პროდუქტის მიღებისას ინტოქსიკაციის მაღალი რისკი არსებობს. სიმპტომები გამოიხატება თავის ტკივილით, სუნთქვის დარღვევით, ზოგადი სისუსტით, ძილიანობით, გულისრევით და კუჭის ტკივილით.

შესაძლებლობის მიხედვით უფრო ტკბილი გარგარის კურკა აირჩიეთ, რომელიც ბევრ ორგანულ შხამს არ შეიცავს. დაზღვევის მიზნით გარგარის კურკა თერმულად დაამუშავეთ, ასე მავნე ნივთიერებები განადგურდება.

გარგარის კურკის ბირთვის მიღება არ შეიძლება ორსულობის, ფარისებრი ჯირკვლის დაავადების და შაქრიანი დიაბეტის დროს.

გარგარის კურკის გადაგდება სისულელეა. გარგარის კურკის ბირთვის სარგებელი უდავოა. ის არა მხოლოდ ჯანმრთელობას და სხეულის სილამაზეს მხარს უჭერს, არამედ ბიუჯეტის დაზოგვაშიც დაგეხმარებათ. თუ სტატია ინფორმაციული იყო, მეგობრებს სოციალურ ქსელში აუცილებლად გაუზიარეთ.