არ იჩქაროთ გადაყრა: როგორ გამოვიყენოთ ლიმონის ქერქი საოჯახო საქმეში

გამოცდილმა დიასახლისებმა იციან, რომ წვრილად გახეხილი ლიმონის ქერქი ღირებული კომპონენტია, რომელიც ფართოდ გამოიყენება კულინარიაში. პირველ რიგში, ცომეულში ციტრუსის მდიდარი არომატის გამო უყვართ.

დღეს გიამბობთ, როგორ გამოიყენოთ ღირებული პროდუქტი საოჯახო საქმეში. Аlltime.ge–ს რედაქცია გიზიარებთ ეკოლოგიური ცხოვრების სტილის ექსპერტების რჩევებს. გაიგეთ რამდენიმე რჩევა, სად გამოიყენება ლიმონის ქერქი ლაქების მოსაშორებლად, ზედაპირების გასაწმენდად და გასაპრიალებლად, ასევე მავნებლების წინააღმდეგ.

ლიმონის ქერქი: გამოყენების 5 მეთოდი

ქვემოთ მოცემულ სტატიაში გიზიარებთ მარტივ ხრიკებს ლიმონის ნარჩენით, რომელიც სახლში თითქმის ყველა ზედაპირს აუმჯობესებს.

დასალაგებლად

ეს ხსნარი თითქმის ყველგან შეგიძლიათ გამოიყენოთ: იატაკის, უნიტაზის, აბაზანის, საშხაპე კაბინის და სამზარეულოს კარადის საწმენდად. ქრომირებულ შემრევ ონკანზე ძველ ლაქებსაც უმკლავდება.

ინგრედიენტები:

• 2 ლიმონის ქერქი
• 1 ს/კ სოდა
• 1 ს/კ ჭურჭლის სარეცხი სითხე
• მწიკვი მარილი
• 1 ს/კ თეთრი ძმარი
• წყალი

მომზადების წესი:

1. ლიმონის ცედრა გახეხეთ და სპრეი ბოთლში ჩაყარეთ. წყალი დაასხით.
2. დაუმატეთ ძმარი, მარილი, ჭურჭლის სარეცხი სითხე. კარგად შეანჯღრიეთ და გამოიყენეთ!

ხელნაკეთი საშუალება არა მხოლოდ ჭუჭყს ებრძვის, არამედ ძლიერი ანტისეპტიკური მოქმედება აქვს.

ჰაერის გასაწმენდად

ინგრედიენტები:

• 2 ლიმონი
• 1,5 ლ წყალი

მომზადების წესი:

1. ლიმონი ოთხ ნაწილად დაჭერით და წყალში ჩადეთ.
2. დაჭრილი ლიმონი სუსტ ცეცხლზე 1 საათი ხარშეთ.

ამოსული ორთქლი უსიამოვნო სუნს გადაფარავს. შეგიძლიათ მიღებული ხსნარის რამდენიმე წვეთი მტვერსასრუტში ჩაასხათ, სანამ სახლის დალაგებას დაიწყებთ. ასე სამზარეულოში შემწვარი საკვების სუნს ან სააბაზანო ოთახში სინესტის სუნს მარტივად გაუმკლავდებით.

ლიმონის ქერქი სადეზინფექციოდ

ინგრედიენტები:

• 1 ლიმონის ქერქი
• 100 მლ თბილი წყალი
• ბინტი

მომზადების წესი:

1. 2 ინგრედიენტი აურიეთ და მიღებულ ხსნარში მარლა დაასველეთ.
2. გაწმინდეთ სახლში ყველა კარის სახელური, მობილური ტელეფონი, ტელევიზორის მართვის პულტი და მაცივრის თაროები.

სურდო და მიკრობების უმეტესობა გავრცელებას ვერ შეძლებს, თუ საყოფაცხოვრებო ტექნიკას, რომელსაც ყოველდღე იყენებთ, დეზინფექციას ჩაუტარებთ.

კირის ნადების, ჭუჭყის და ჟანგის მოსაშორებლად

ინგრედიენტები:

• 2 ლიმონის ქერქი
• წყალი
• 1 ჩ/კ სოდა

მომზადების წესი:

1. მინის თასში გახეხილი ლიმონის ქერქი და სოდა მოათავსეთ. ცხელი წყალი დაასხით.
2. ჭურჭელი მიკროტალღურ ღუმელში მოათავსეთ და მაღალ სიმძლავრეზე 5 წუთი ჩართეთ.

მიღებული ნარევის ორთქლი გამაგრებულ ჭუჭყს დაარბილებს და სალფეთქით მის მოშორებას ადვილად შეძლებთ. იგივე ჭურჭლის სარეცხ მანქანაზე შეგიძლიათ გაიმეოროთ. თასი ხსნარით ზედა თაროზე მოათავსეთ და ავტომატური რეჟიმი ჩართეთ. საშუალება მალე წყალს შეერევა და ჟანგის ან კირის ნადებს მოაშორებს.

სალესად

ინგრედიენტები:

• 1 ლიმონის ქერქი

გამოყენების წესი:

1. გაყინული ლიმონის ქერქი დააბლენდერეთ ან ყავის საფქვავში დაფქვით, რომ მისი პირი გალესოთ.
2. დენზე შეაერთეთ და ტექნიკა მინიმუმ 2–3 წუთი ჩართეთ. ასე სახლში წვრილი ტექნიკის მარტივად გალესვას შეძლებთ.

და ბოლოს: ციტრუსის ქერქი შინაური ცხოველებისთვის უსაფრთხოა, ხოლო ჭიანჭველები ვერ იტანს. გაარკვიეთ, საიდან მოძვრება მწერი თქვენს სახლში და ლიმონის წვენი დაასხით. ყველა შესაძლო ხვრელში და კედლებს შორის ნახვრეტში ლიმონის ქერქი ჩადეთ.