ხახვის ჩაი – სამკურნალო სასმელი ბევრი უსიამოვნების საწინააღმდეგოდ

ხახვის ჩაი სამკურნალო სასმელია, რომელიც ბევრი უსიამოვნების თავიდან აცილებაში დაგეხმარებათ.

მომზადება:

• თერმოსში ხახვის ფურცლების ნაყენი მოამზადეთ.
• თავსახური დაახურეთ. ხახვი გაასუფთავეთ და ხახვის ფურცლებს დაუმატეთ.
• ასე ყოველდღე გააკეთეთ, შემდეგ შეცვალეთ და ახალი მოადუღეთ.

როდის მიიღწევა თერაპიული ეფექტი? ხახვის ფურცლების ნაყენი დაგეხმარებათ თირკმლის მენჯის გაწმენდაში, თირკმლები და ელენთა უკეთ იმუშავებს, ხოლო სისხლის მიმოქცევა გაუმჯობესდება. ღეროვანი უჯრედები უფრო აქტიურად იწარმოებს. სისხლი ნაკლებად ბლანტი გახდება.

აი, როდის გამოგადგებათ ხახვის ჩაი:

1. კრუნჩხვები

1 ჭიქა მდუღარე წყალს მწიკვი ხახვის ფურცლები დაუმატეთ და 10 წუთით დააყენეთ. შემდეგ ხახვის ფურცლები ამოიღეთ და მიღებული ოქროსფერი სასმელი ღამით დალიეთ. დილით საკუთარ თავს ვერ დაუჯერებთ, რომ მშვიდად გეძინათ და ფეხმა არ შეგაწუხათ.

2. ეგზემა

ხახვის ფურცლების ძლიერი ნაყენი თმის ძირებში შეიზილეთ, დაბანის შემდეგ თავზე გადაივლეთ და დაზიანებულ ადგილას სახვევები გაიკეთეთ.

3. ყელის ტკივილი

ბავშვებს შემდეგი რეცეპტი დაეხმარებათ: ხახვის ფურცლებს მდუღარე წყალი დაასხით და რამდენიმე საათით გააჩერეთ, გადაწურეთ და ყელის სავლებად გამოიყენეთ.

4. სტომატიტი, პაროდონტოზი, ფლიუსი

სამკურნალო საშუალება მოამზადეთ: 3 ჩ/კ დაქუცმაცებულ ხმელ ფურცლებს ნახევარი ლიტრი მდუღარე წყალი დაასხით, აადუღეთ, თავსახური დაახურეთ და 8-10 საათით დააყენეთ. ამის შემდეგ გადაწურეთ და სავლებად გამოიყენეთ.

5. კოჟრები

ქილაში ხახვის ფურცლები ჩაყარეთ და ძმარი დაასხით, შემდეგ პერგამენტის ქაღალდი კარგად შემოახვიეთ და მინიმუმ 2 კვირა დააყენეთ. დროის გასვლის შემდეგ ძმარი გადაასხით. კოჟრებზე ვაზელინი ან ცხიმიანი კრემი წაისვით და ხახვის ფურცლები ფენებად დაიდეთ.

ახლა კომპრესი პოლიეთილენის პარკით დააფიქსირეთ, ზემოდან თბილი წინდა ჩაიცვით. პროცედურა ღამით ჩაიტარეთ. დილით ფეხის ცხელი აბაზანა გაიკეთეთ, შემდეგ კი კოჟრი ფრთხილად მოიშორეთ.

6. ძირმაგარა, კარბუნკული, ღრმა ნახეთქები ქუსლებზე

ხახვის ფურცლები მდუღარე წყალში რამდენიმე საათით გააჩერეთ, შემდეგ დაქუცმაცებულ მრავალძარღვას ფოთლები თანაბარი პროპორციით აურიეთ, ცოტა თაფლი და ფქვილი დაუმატეთ, რომ სქელი პასტა მიიღოთ. კვერები გააკეთეთ და ძირმაგარაზე დაიდეთ, შემდეგ ბინტით ან ლეიკოპლასტირით დააფიქსირეთ. რამდენიმე საათით გაიჩერეთ. 1-2 დღეში ძირმაგარა უმტკივნეულოდ გაიხსნება.

7. გრიპი, სურდო, სუსტი იმუნიტეტი

ეს საშუალება ეპიდემიის დროს პროფილაქტიკის მიზნით შეგიძლიათ მიიღოთ. 1 მუჭა ფიჭვის წიწვები, 1 ჩ/კ ძირტკბილას ფესვი, 1 ს/კ დაქუცმაცებული ხახვის ფურცლები აიღეთ და 2 ლ წყალი დაასხით. სუსტ ცეცხლზე დაახლოებით 20 წუთით ხარშეთ.

მზა ნახარშს 2 ს/კ ასკილის ნაყოფი (დაქუცმაცებული) დაუმატეთ და კიდევ ცოტა ხნით ხარშეთ. შემდეგ ნახარში თერმოსში გადაიტანეთ და 10 საათით დააყენეთ. მიღებული ნაყენი გადაწურეთ და კვლავ ადუღებამდე მიიყვანეთ. ამის შემდეგ სამკურნალო საშუალება გააგრილეთ და 1 ლიტრი ნაყენი მცირე პორციებად მთელი დღის განმავლობაში დალიეთ. სამკურნალო საშუალება მაცივარში შეინახეთ.

8. სურდო

მათ შორის ალერგიული სურდო მარტივი მეთოდით შეგიძლიათ მოიშოროთ: რამდენიმე კოვზ დაქუცმაცებული ხახვის ფურცლებს მდუღარე წყალი დაასხით და ორთქლი 5-6 წუთით ისუნთქეთ.

9. ფეხის სოკო

1 მუჭა ხახვის ფურცლებს ნახევარი ლიტრი ხარისხიანი არაყი დაასხით და 10 წუთით დააყენეთ. კარგად გადაწურეთ და ნაყენი ფეხზე დღეში რამდენჯერმე წაისვით. ასევე ძალიან ძლიერ ხახვის ნაყენში ნახევარი საათით ფეხის დაორთქვლა სასარგებლოა.