ჰოროსკოპი
რეტროგრადული მერკური სექტემბერში: 3 კვირა გაქვთ, რომ ცხოვრება უკეთესობისკენ შეცვალოთ
თითოეულ ჩვენგანს უნიკალური შანსი აქვს, რომ 10 სექტემბრიდან 2 ოქტობრის ჩათვლით ცხოვრება შეცვალოს. ეს ჯადოსნური პერიოდია, როცა დრო და ენერგია არა წინ, არამედ უკან მიემართება. ახალი საქმის დაწყება არ ღირს. დროა დამშვიდდეთ, ტემპი შეანელოთ, ადრე დაწყებული საქმე ბოლომდე მიიყვანოთ. გამოასწორეთ შეცდომები, ცხოვრებას გადახედეთ, დაფიქრდით, როგორ მოაწყოთ უკეთ.
„რეტროგრადულ პერიოდში დაქორწინება შეიძლება!“ – ამბობს ანჯელა პერლი. ცნობილი ტაროლოგი გვიზიარებს, როგორ უნდა მოვიქცეთ მერკურის რეტროგრადულ პერიოდში, რომ უფრო ბედნიერი გავხდეთ.
რეტროგრადული მერკური: 2022 წლის სექტემბერი
პირველ რიგში, ანჯელა პერლი შეგახსენებთ, რა არ უნდა გააკეთოთ რეტროგრადული მერკურის პერიოდში. ყველაფერი გეგმის მიხედვით შეიძლება არ წარიმართოს.
რა არ უნდა გააკეთოთ რეტროგრადული მერკურის პერიოდში
- მნიშვნელოვან დოკუმენტებს ხელი არ მოაწეროთ, ხელშეკრულება არ გააფორმოთ.
- მნიშვნელოვანი ფინანსური ოპერაციები არ ჩაატაროთ.
- მნიშვნელოვანი გადაწყვეტილებები არ მიიღოთ.
- მსხვილი რამ, განსაკუთრებით ტექნიკა არ შეიძინოთ. არანაირი ახალი კომპიუტერი, ტელეფონი, მაცივარი და ავტომობილი. თუ ძალიან გჭირდებათ, ქვითარი შეინახეთ, რომ საჭიროების შემთხვევაში გადაცვლა შეძლოთ.
- დაპირებები შეიძლება არ შესრულდეს. ზედმეტად არავის ენდოთ.
- ბიზნესი არ გახსნათ, ახალი კომპანია არ დაარეგისტრიროთ.
- სამედიცინო ჩარევა მხოლოდ დაუგეგმავი. დაგეგმილი გადადეთ.
რა უნდა გააკეთოთ რეტროგრადული მერკურის პერიოდში
- შეაკეთეთ ის, რასაც უკვე დიდი ხანია შეკეთება სჭირდება.
- გააუმჯობესოთ ის, რისი გაუმჯობესებაც შეიძლება.
- ურთიერთობა განაახლეთ.
- კონტრაქტი განაახლეთ, ხელი თავიდან მოაწერეთ.
- სახლი გაარემონტეთ, გადაღებეთ ან შპალერი გააკარით.
- როგორც წესი, ამ პერიოდში ვიღაც ან რაღაც წარსულიდან ჩნდება. დაკარგული ამანათი, სამკაული, ადამიანი, რომელსაც დაშორდით.
რა ელის ზოდიაქოს ნიშნებს რეტროგრადული მერკურის პერიოდში
ვერძი. ყოფილ თაყვანისმცემელს გაახსენდებით! ხელახალი ქორწინებაც შესაძლებელია. ძველი კლიენტები დაბრუნდებიან, დაგირეკავენ. ყოფილი კოლეგა თავს შეგახსენებთ. კონტრაქტი შეიძლება განაახლოთ. თუ ვინმეს გული ატკინეთ, კარგი დროა, რომ კვლავ ერთად ყოფნა სცადოთ. შესანიშნავი დროა სავაჭროდ, თუ სახლს ყიდით. თუ საკუთარ პროექტზე მუშაობთ, მალე საქმე შენელდება, შეუსაბამობას აღმოაჩენთ.
კურო. დასვენება, დამშვიდება გჭირდებათ. შეიძლება ძველ სამსახურში დაბრუნდეთ. როგორც ვარიანტი, რაღაცის გაუმჯობესება, სამუშაოს დასრულება, პრობლემის მოგვარება მოსალოდნელია. ჯანმრთელობის საკითხი, რომელიც ადრე გაწუხებდათ, დაბრუნდება. გამოკვლევისთვის კარგი პერიოდია. კარგი დროა, რომ ჯანსაღ კვებას, ზომიერ ცხოვრების წესს დაუბრუნდეთ. 1, 2 და 3 ოქტომბერს მნიშვნელოვანი არაფერი დაგეგმოთ.
ტყუპები. სიყვარულის, რომანის დაწყების პერიოდია. ყოფილ შეყვარებულთან ურთიერთობის აღდგენა ხელსაყრელია. ცნობილია, რომ მერკური ტყუპებს მართავს, ამიტომ დროებით წარსულს დაუბრუნდებით. შესაძლოა დაუბრუნდეთ ადგილს, სადაც ბავშვობა გაატარეთ, რაიმე დოკუმენტები მოძებნოთ. კარგი დროა, რომ სასწავლო დაწესებულებაში სწავლა დაასრულოთ. ბავშვებთან დაკავშირებული საკითხი, რომელიც ადრე გაწუხებდათ, კვლავ შეიძლება დაბრუნდეს. წარსულიდან მეგობრები გამოჩნდებიან.
კირჩხიბი. სახლში ყველა გატეხილი ნივთი შეაკეთეთ. რა თქმა უნდა, უმჯობესია ხელოსანი გამოიძახოთ. ყურადღება მიაქციეთ იმას, რასაც უკვე დიდი ხანია ხელის შევლება სჭირდება. კარგია ვაჭრობა, მსხვილ შენაძენზე დაფიქრება, საცხოვრებლის შემოწმება. ნათესავები შეიძლება გესტუმროთ. სახლისთვის ძვირადღირებული, განსაკუთრებით ტექნიკა არ შეიძინოთ. ოჯახის შესახებ შეიძლება შთამბეჭდავი ისტორია გაიგოთ. სახლში დაბრუნების დიდი ალბათობაა.
ლომი. ურთიერთობა, განათლება, კონტრაქტი, მოგზაურობა! კარგია სწავლის გაგრძელება, გამოცდის ხელახლა ჩაბარება, ლიცენზიის მიღება! მოსალოდნელია ახლო და ხანმოკლე მოგზაურობა. თვითმფრინავში შეიძლება გაგაჩერონ, რეისი გაუქმდეს. სახლიდან გასვლამდე პასპორტი შეამოწმეთ, რომ საცობში არ მოხვდეთ და დანიშნულ ადგილას დროულად მიხვიდეთ. რეტროგრადული მერკური დაბრკოლებებს შეგიქმნით. შეიძლება ტელეფონი დაკარგოთ, ფრთხილად იყავით. ახალი ტექნიკის შეძენა არასასურველია.
ქალწული. მოულოდნელად დაიბრუნებთ ფულს, რომელსაც გაწეული სამუშაოსთვის ადრე არ იღებდით. თუ ვინმეს ფული გმართებთ, ამის შესახებ შეგახსენებთ. შემოსავალი გადათვალეთ. შესაძლოა შემოსავლის საკითხი წამოჭრათ და თქვენი მომსახურების ფასს გადახედოთ. რაიმე ძვირფასი შეიძლება დაგიბრუნდეთ. ძველ სამსახურს შეიძლება დაუბრუნდეთ. ამ დროში მშობლებზე იზრუნეთ, შეიძლება თქვენთან საცხოვრებლად წაიყვანოთ.
სასწორი. დიდი ალბათობით, იმიჯის მკვეთრად შეცვლას ისურვებთ. მაგალითად, თმის გადაღებვას. დაუბრუნდებით სტილს, რომელიც ადრე მოგწონდათ. ურთიერთობა შეიძლება განაახლოთ და მასთან ერთად ცხოვრება ისურვოთ. ძველ საუბარს, თემას შეიძლება დაუბრუნდეთ. მოლაპარაკებები გაგრძელდება. დოკუმენტების განახლების, ძველი კლიენტების დაბრუნების დიდი ალბათობაა.
მორიელი. ყველაფერ უსარგებლოს მოიშორებთ. საქმეს დაასრულებთ. რაღაც დროით იზოლაციაში ყოფნა მოგიწევთ. გეგმა შეიცვლება, ნათელი სურათი არაა. გონება დაბინდულია. არაფერია საშიში. 3 კვირა მოიცადეთ და ყველაფერი დალაგდება. დაკარგული ნივთები, ამანათები შეიძლება იპოვოთ. დროა ნივთები, დოკუმენტები მოაწესრიგოთ. ოპტიმალური დროა, რომ ყველაფერი, რაც არ გჭირდებათ, გადაყაროთ. გადაფასების, გეგმების შეცვლის დროა!
მშვილდოსანი. ფული, რომელსაც ელოდებით, გზაში შეიძლება დაყოვნდეს. გასაუბრების შედეგიც დაგვიანებით მოვა. გარკვეული დოკუმენტის მოტანა შეიძლება მოგთხოვონ. შემოქმედებითი პროექტი შეიძლება განაახლოთ. რეტროგრადული მერკური სურვილს გაგიჩენთ, რომ დაუბრუნდეთ სავარჯიშო დარბაზს, სადაც ადრე ვარჯიშობდით. მოსალოდნელია კონფერენციაზე გამგზავრება, სადაც მონაწილეობა არაერთხელ მიიღეთ. კარგი დროა საიტის გასაუმჯობესებლად, მაგრამ ნულიდან არაფერი დაიწყოთ. მხოლოდ შეცვალეთ, რაც უკვე არის. ბავშვობის მეგობარს შეიძლება შეხვდეთ.
თხის რქა. სავარაუდოდ, საქმის თავიდან გაკეთება მოგიწევთ. ბიზნესის სტრუქტურის შეცვლა, ლოდინი მოგიწევთ. ყოფილი უფროსი, კოლეგა შეიძლება დაბრუნდეს. დიდი ალბათობით, თქვენს საქმიანობას შეამოწმობენ. გეგმა და ხელმძღვანელობა შეიძლება შეიცვალოს. საცხოვრებლის შეცვლის გამო შეიძლება სამსახური შეცვალოთ. ის, რასაც ადრე გეგმავდით, შეიძლება გადაიდოს ან შეიცვალოს. თუ პენსიაზე გასვლა გსურთ, გადაწყვეტილება შეიძლება შეცვალოთ და სამსახურში დარჩეთ.
მერწყული. ცხოვრების აზრს იპოვით! მოგზაურობა, განათლება. ეძებთ იმას, რაც გაბედნიერებთ. პროფესიის შეცვლას, რაღაც ახლის შესწავლას ისურვებთ. დროა, საბედისწერო პროცესები განაახლოთ. გახსოვდეთ, რომ ყველაფერი გეგმის მიხედვით შეიძლება არ წავიდეს. მოსალოდნელია ვინმე გურუსთან შეხვედრა, რელიგიური მოგზაურობა. მსოფლმხედველობა შეიძლება შეგეცვალოთ ან ეკლესიაში წასვლა ისურვოთ. სამყაროს მიენდეთ და თქვენს გზას უფრო ნათლად დაინახავთ.
თევზები. თქვენი ფინანსური სურათის რესტრუქტურიზაცია მოხდება. სხვა საქმეში ფულის ინვესტირებას ისურვებთ. ქმრის ან ცოლის შემოსავალი შეიძლება შეიცვალოს. ბიზნეს პარტნიორმა შეიძლება პოზიცია შეცვალოს. მოსალოდნელია ფულის, მემკვიდრეობის მიღება. თუ ვინმეზე ფინანსურად დამოკიდებული ხართ, სიტუაციას გადახედეთ. ყოფილ პარტნიორთან შეიძლება ურთიერთობა განაახლოთ. რომანტიკული თავგადასავლებისთვის მზად იყავით.
