ნიშნები, რომლებიც სახლში ფულს მოიზიდავს

„ჩიტი ახლოს მოფრინდა – ფულია, მარცხენა ხელისგული გეფხანებათ – კვლავ შემოსავალია!“ – ამბობს ჩემი ერთი კარგი ნაცნობი, რომელიც რესტორნების ქსელს ფლობს. ფულის ნიშნებს დაუჯეროთ თუ არა, ყველამ თავისით უნდა გადაწყვიტოს: ზოგს სჯერა და ყოველ ჯერზე ხარობს, როცა სამყაროს ნიშნებს ხედავს, ზოგი კი ამას სიცილით გვერდს უვლის.

თუმცა მცოდნე ხალხი ამბობს, რომ ჩვენი ენერგია არის იქ, სადაც ჩვენი ყურადღებაა. თუ ყურადღებას ფინანსურ კეთილდღეობაზე მივმართავთ, ასეც იქნება. შესაძლოა, თუ მორიგი ფინანსური ნიშნის დანახვისას მოგების იმედი გვექნება, სადღაც მაღლა ბედი გაგვიღიმებს ლატარეაში მოგებით ან კარიერულ კიბეზე წინსვლით.

დღეს გიამბობთ 8 ნიშანზე, რომლებიც ძალიან მალე სახლში ფინანსური კეთილდღეობის გაუმჯობესებაზე საუბრობს. ვინ იფიქრებდა!

ნიშნები ფულზე

ბებია მასწავლიდა: „სახლში ფული რომ მოიზიდო, მაგიდის გადასაფარებლის ქვეშ მსხვილი ფულის კუპიურა ჩადე და არაფერში დახარჯო. ასე სიმდიდრეს მოიზიდავ“. ასევე შეგიძლიათ მონეტა შემოსასვლელ კართან ხალიჩის ქვეშ შეინახოთ. ესეც მუშაობს.

თუ თქვენს ახლოს პეპელამ ან პატარა ჩიტმა ჩაიფრინა ან დაჯდა, მალე ფინანსების შევსებას ელოდეთ.

მიწაზე დადებული მონეტა ავერსით ზემოთ, ფულს იზიდავს, ავერსით ქვემოთ – ფულს გაშორებთ. პირველ შემთხვევაში ფული აიღეთ, მეორე შემთხვევაში – ხელი არ ახლოთ.

გახსოვდეთ, რომ საფულეში ცოტა ფული ყოველთვის უნდა იყოს – წინააღმდეგ შემთხვევაში ფული სწრაფად გაქრება. ნებისმიერ შემთხვევაში ხელშეუხებელი ქეშის ქონა კარგი იდეაა. დაუგეგმავი ხარჯისთვის ფული ნებისმიერ წუთს გამოგადგებათ.

სახლში სანტექნიკას ყურადღება მიაქციეთ. ონკანიდან წყლის წვეთა ან უნიტაზის გატეხილი ავზი – ფულის შემცირებას იწვევს. ძველ ჩინურ მეცნიერებაში, ფენშუიში ნათქვამია, რომ ფული წყალს ჰგავს, რომელიც სახლიდან გადის. პრაქტიკული გაგებით, სანტექნიკის მოწესრიგებით კომუნალურ ხარჯებს შეამცირებთ და დიდ თანხას დაზოგავთ.

თუ ტანსაცმელზე პატარა ობობას დაინახავთ, რომელსაც ასევე „ფულის ჭიას“ უწოდებენ, ეს ცვლილებების ნიშანია. თუ მას ხელში დაიჭერთ, კარგ მოგებას მიიღებთ.

არსებობს ასეთი ნიშანი: ფული რომ მოიზიდოთ, სახლიდან გასვლისას სარკის წინ კუპიურა დატოვეთ. ფული აირეკლება და გამრავლდება!

ხელფასი მიიღეთ? გთხოვთ, იმ დღესვე არ დახარჯოთ. დაე, ფულმა სახლში ღამე გაათიოს. მიღებული ფული თქვენს აურას ფულის ენერგეტიკით გაავსებს, რომელიც თავის მხრივ ახალ ფულს მოიზიდავს.

ასეთი რწმენაც არსებობს: თუ ახალ მთვარეზე 3 დღე ზედიზედ ფულს ფანჯრის რაფაზე დატოვებთ, თვის ბოლოს კარგ ფინანსურ ქვითარს მიიღებთ. ბევრი ჩემი მეგობარი ასე აკეთებს და ამბობს, რომ მუშაობს. თუ ცოცხს წითელ ფერში შეღებავთ და ოთახის კუთხეში დადებთ, მთელი წელი სახლში ფულის ნაკადი არ შეწყდება.

რა თქმა უნდა, ფულის ყველა ეს ნიშანი შეიძლება ბებიების ზღაპრებად მოგეჩვენოთ. თუ ასეთი რამის არ გჯერათ, ამას ისე შეხედეთ, როგორც თამაშს!