დროა, სათვალეს სამუდამოდ დაემშვიდობოთ. 10 მრავალჯერ ნაცადი საშუალება, რომელიც მხედველობას აღგიდგენთ

ცუდი მხედველობა ჩვენი დროის აქტუალური პრობლემაა. თვითონაც ვერ დავიტრაბახებ მახვილი მზერით, რადგან, სამწუხაროდ, უკვე შუა სტადიის ახლომხედველობა მაქვს. ამ პრობლემას ჯერ კიდევ სკოლაში შეეწყო ხელი: მეორე ცვლაში სწავლის გამო, მეცადინეობა დიდხანს მიწევდა ხელოვნური განათების ქვეშ.

ასევე, მახსოვს, რომ ზამთარში შუქი საღამოობით არ იყო, ამიტომ გაკვეთილების მომზადება სანთლის შუქზეც არაერთხელ მიცდია.

შემდეგ უნივერსიტეტი.. სათვალეებს მაშინ არ ვატარებდი, თუმცა, მხედველობა უკვე მღალატობდა. სესიები, სადიპლომო ნაშრომი, სამაგისტრო… შემდეგ სამსახური, რომლის ძირითადი ინსტრუმენტიც კომპიუტერია.

ხშირად, თვალების ტკივილი სამუშაო დღის მიწურულს მეწყება, მზის შუქზე გასვლისას კი თვალებში სიმშრალეს ვგრძნობ.

მხედველობის აღდგენის მეთოდები

რაც თავი მახსოვს, მუდმივად ამ კითხვას ვსვამდი: შესაძლებელია თუ არა მხედველობის აღდგენა ოპერაციის გარეშე? ჩემდა გასაკვირად, პასუხი ამ მეთოდებში ვიპოვე, რომელთაც საფუძვლად უდევს სამედიცინო პრინციპი იმისა, რომ, თუ კუნთს არ გამოიყენებთ, იგი დაუძლურდება.

როგორც ადამიანის სხვა ნებისმიერ კუნთს, თვალის კუნთებსაც ესაჭიროება ვარჯიში და კარგ ფორმაში ყოფნა.

ჩვენი რედაქცია წარმოგიდგენთ მხედველობის გაუმჯობესების 10 სამედიცინო საშუალებას, რომლებიც ოპერაციის გარეშე მოგცემთ სათვალესთან გამომშვიდობების შესაძლებლობას. ეს რეკომენდაციები ნებისმიერმა მოკვდავმა უნდა გაითვალისწინოს!

1. ეცადეთ, მოერიდოთ თვალების გადაღლას დღის განმავლობაში. ყოველ 3 საათში ერთხელ დახუჭეთ თვალები რამდენიმე წუთით და დატკბით სიმშვიდით.

2. თვალების ეს 16 მოძრაობა ყოველდღე უნდა გაიმეოროთ. ორიოდე კვირის შემდეგ იხილავთ შედეგს, რომელიც უფრო მეტ სტიმულს მოგცემთ სავარჯიშოების რეგულარულად შესრულებისთვის.

3. თუ სათვალეებს ატარებთ, მინიმუმამდე დაიყვანეთ მისი გამოყენების დრო. მოიხსენით უფრო ხშირად და აიძულეთ თვალის კუნთებს მუშაობა.

4. მასაჟი თქვენს თვალებსაც ესაჭიროება. ჩაიტარეთ პროცედურა ნაზი, წრიული მოძრაობებით, იმოძრავეთ 1-7 წერტილებზე, რომლებიც ნახატზეა მოცემული.

თვალის გუგების დასამუშავებლად გამოიყენეთ საჩვენებელი თითები. პროცესში უნდა შეიგრძნოთ ზეწოლა და არა ტკივილი.

5. ქუჩაში სეირნობის დროს, ან, თუნდაც სამსახურიდან დაბრუნებისას, უყურეთ საგნებს, რომლებიც თქვენგან ძალიან შორსაა.

6. შეიყვარეთ სტაფილოს წვენი და მიირთვით იგი მაქსიმალურად ხშირად. სასურველია, ყოველდღე.

თუ მაქსიმალური ეფექტის მიღწევა გსურთ, დაუმატეთ სტაფილოს წვენს 2 წვეთი ზეითუნის ზეთი. გემო არ შეიცვლება, თუმცა, საჭირო საკვები ელემენტები გაცილებით მარტივად აითვისება.

7. თუ საღამოობით თვალების დაღლილობას გრძნობთ, გამოიყენეთ ალოე ვერას წვენი ჩვეულებრივი თვალის წვეთების ნაცვლად. თუმცა, ამ საშუალების გამოყენებამდე აუცილებელია ექიმთან კონსულტაცია.

8. ნუ ჩაუჯდებით ტელევიზორის, კომპიუტერის ან მობილურის ეკრანს დაძინებამდე 2 საათით ადრე მაინც.

9. როცა თვალები დაგეღლებათ, გამოივლეთ თბილი წყალი.

10. სცადეთ ინდური სავარჯიშო “ტრაკატა”.

მის შესასრულებლად მოთავსდით ანთებული სანთლის წინ, მზერა და ყურადღება ცეცხლზე გაამახვილეთ. ეცადეთ, თვალი არ დაახამხამოთ. ობიექტის გამოსახულება მკვეთრად უნდა აისახოს თქვენს მეხსიერებაში.

შემდეგ დახუჭეთ თვალები და კონცენტრირდით წარბებს შორის მონაკვეთზე, ეცადეთ, თვალდახუჭულმა შეინარჩუნოთ სანთლის გამოსახულება მაქსიმალურად დიდხანს. ასეთი სავარჯიშოს შესრულება რეკომენდებულია 10 წუთის მანძილზე.

სავარჯიშოს მიზანია არამკვეთრი საგნის მკვეთრი გამოსახულება მანამ, სანამ თვალი დაგეღლებათ.

მხედველობის აღდგენისა და შენარჩუნების ამ მეთოდში ერთადერთ სირთულეს ადამიანური სიზარმაცე წარმოადგენს – რეკომენდაციები ხომ ყოველდღე უნდა გაიმეოროთ. თუმცა, თუ თქვენ თვალების ჯანმრთელობასა და მახვილ მზერას ირჩევთ, ეცადეთ, ეს რეკომენდაციები ჩვევად გარდაქმნათ.